កីឡា
ធឿន ធារ៉ា ក្លាយជាអត្តលិកខ្មែរដំបូងគេមានឈ្មោះក្នុងទស្សនាវដ្តី Forbes
កីឡាករប្រដាល់គុនខ្មែរ ធឿន ធារ៉ា បានក្លាយជាអត្តពលិកខ្មែរដំបូងគេបង្អស់ដែលជាប់ឈ្មោះក្នុងទស្សនាវដ្តីអាមេរិកដ៏ល្បី «Forbes» បន្ទាប់ពីទទួលបានជោគជ័យយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយ និងរួមចំណែកយ៉ាងសំខាន់ក្នុងការផ្សព្វផ្សាយគុនខ្មែរទៅលើឆាកអន្តរជាតិ។
![](https://www.kampucheathmey.com/wp-content/uploads/2024/05/THOEUN-THEARA-KUN-KHMER1-1024x682.jpg)
ទស្សនាវដ្តី Forbes បានចាត់ ធឿន ធារ៉ា ចូលក្នុងបញ្ជី «30 Under 30 Asia Class of 2024»ប្រចាំតំបន់អាស៊ីដែលផ្តោតលើសហគ្រិនជោគជ័យ បុគ្គលមានឥទ្ធិពល និងបុគ្គលមានវឌ្ឍភាពក្នុងអាជីពឈានដល់កម្រិតកំពូល។
ប្រព័ន្ធផ្សព្វផ្សាយដ៏ល្បីនេះបានសរសេរខ្លីពីថា ៖«ទោះបីជាគុនខ្មែរមិនសូវមានកេរ្តិ៍ឈ្មោះល្បីល្បាញដូចកីឡាមួយថៃ ប៉ុន្តែ ធឿន ធារ៉ា កំពុងធ្វើឲ្យពិភពលោកទទួលស្គាល់ និងបានឈ្នះខ្សែក្រវាត់លំដាប់កំពូលៗនៅប្រទេសទាំងពីរ។ ចាប់តាំងពីរូបគេអាយុ១០ឆ្នាំ ធារ៉ា បានធ្វើការរកលុយជួយផ្គត់ផ្គង់គ្រួសារទាំងនៅកម្ពុជា និងជាពលករអន្តោប្រវេសន៍នៅថៃ រហូតដល់ពេលរូបគេបានចូលហ្វឹកហាត់ក្នុងក្លិបប្រដាល់គុនខ្មែរមួយនៅទីក្រុងភ្នំពេញនៅពេលអាយុ១៥ឆ្នាំ។ ឆ្នាំ២០១៨ គាត់បានប្រកួតក្នុងក្រុមជម្រើសជាតិគុនខ្មែរ និងខែមករា ឆ្នាំ២០២៣ ធឿន ធារ៉ា បានផ្តួលកីឡាករថៃកំពូល២រូបតាមរយៈកណ្តាប់ដៃពិឃាតដើម្បីក្លាយជាអត្តពលិកកំពូលនៅក្នុងពិភពប្រដាល់»។
![](https://www.kampucheathmey.com/wp-content/uploads/2024/05/Thoeun-Theara-Kunkhmer-KPT-Sport-News-1-1536x1024-1-1024x683.jpg)
តាមរយៈសមត្ថភាព កេរ្តិ៍ឈ្មោះ និងសមិទ្ធផលនាប៉ុន្មានឆ្នាំចុងក្រោយ ធឿន ធារ៉ា ពិតជារួមចំណែកច្រើនណាស់ក្នុងជំរុញ អភិវឌ្ឍ និងផ្សព្វផ្សាយគុនខ្មែរឲ្យពិភពលោកទទួលស្គាល់។ អាចនិយាយបានថា រូបគេជាកំពូលកីឡាករឈានមុខគេនៅក្នុងប្រទេសកម្ពុជាដែលស័ក្តិមនឹងទទួលរហស្សនាម ឬងារពិសេសណាមួយដើម្បីជាការជំរុញទឹកចិត្តទ្វេរឡើង។
ធឿន ធារ៉ា បានបង្កើតភាពអស្ចារ្យជាច្រើនសម្រាប់កេរ្តិ៍ឈ្មោះគុនខ្មែរ។ រូបគេបានក្លាយជាជើងឯកគុនខ្មែរពិភពលោកក្នុងព្រឹត្តិការណ៍ប្រកួតបេក្ខភាព៨រូបមកពី៨ប្រទេសផ្សេងគ្នា (8 Men Tournament) បន្ទាប់ពីផ្តួលដៃគូ៣រូបក្នុង១រាត្រីនៅថ្ងៃទី២៣ ខែវិច្ឆិកា ឆ្នាំ២០២៣។ ជ័យជម្នះ៣លើកជាប់គ្នាក្នុងរាត្រីតែមួយ ធឿន ធារ៉ា បានក្លាយជាម្ចាស់ខ្សែក្រវាត់គុនខ្មែរពិភពលោក និងទទួលបានរង្វាន់រថយន្តថ្មីសន្លាង១គ្រឿងដែលមានតម្លៃប្រមាណ៤ម៉ឺនដុល្លារអាមេរិក។
![](https://www.kampucheathmey.com/wp-content/uploads/2024/05/Thoeun-Theara-Kunkhmer-KPT-Sport-News.1jpg-1536x1024-1-1024x683.jpg)
នៅសង្វៀន Thai Fight ការប្រកួតជម្រុះជុំដំបូង ធឿន ធារ៉ា បានផ្តួលកីឡាកររុស្ស៊ី-អាមេនី Yurik Davtyan ឲ្យសន្លប់ក្នុងទឹកទី១ និងការប្រកួតវគ្គផ្តាច់ព្រ័ត្រ ខែធ្នូ ឆ្នាំ២០២២ បានផ្តួលកីឡាករថៃ សៃយុគ ក្នុងទឹកទី១។ លទ្ធផលនេះបានធ្វើឲ្យលេងគុនខ្មែររូបនេះក្លាយជាកីឡាករកម្ពុជាទី១បានផ្តួលដៃគូឲ្យសន្លប់នៅសង្វៀន Thai Fight និងជាកីឡាករខ្មែរទី១បានផ្តួលដៃគូឲ្យសន្លប់២លើកជាប់គ្នា ហើយក៏ជាកីឡាករកម្ពុជាទី១ឈ្នះខ្សែក្រវាត់អន្តរជាតិ Thai Fight។
សមិទ្ធផលខ្លះៗដែល ធឿន ធារ៉ា ទទួលបាន
- ខ្សែក្រវាត់អន្តរជាតិ Thai Fight
- ខ្សែក្រវាត់គុនខ្មែរអន្តរជាតិ IPCC Kun Khmer
- ខ្សែក្រវាត់គុនខ្មែរអន្តរជាតិ
- ខ្សែក្រវាត់គុនខ្មែរអន្តរទ្វីប Kun Khmer Intercontinental
- ខ្សែក្រវាត់គុនខ្មែរពិភពលោកតេជោសន្តិភាព
- ខ្សែក្រវាត់ តេជោសន្តិភាព គុនខ្មែរពិភពលោក
- ខ្សែក្រវាត់គុនខ្មែរពិភពលោក 8 Men Tournament
- ខ្សែក្រវាត់ និងពានរង្វាន់ជាច្រើនទៀត
អត្ថបទ៖ វីរបុត្រ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត