កីឡា

ក្រុមបាល់ទះនារីម្ចាស់ផ្ទះថៃចាញ់៤ប្រកួតជាប់គ្នាក្នុងជើងឯកពិភពលោក

បានផុស

៩ ខែ មុន

នៅ

ថ្ងៃចន្ទ ២០ ឧសភា ២០២៤

ដោយ

ក្រុមម្ចាស់ផ្ទះថៃធ្វើមិនបានល្អទេក្នុងការប្រកួតវគ្គសន្សំពិន្ទុក្នុងពូលពានរង្វាន់បាល់ទះនារីពិភពលោក FIVB Volleyball Women’s Nations League ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទះនារីថៃប្រកួតបាន៤លើកក្នុងវគ្គសន្សំពិន្ទុក្នុងពូល ប៉ុន្តែពួកគេចាញ់ទាំងអស់។ ការប្រកួតទី១ វគ្គសន្សំពិន្ទុក្នុងពូល នារីថៃ បានចាញ់ក្រុមនារីអាមេរិក ៣-១។ ការប្រកួតទី២ ពួកគេបន្តចាញ់ក្រុមស៊ែប៊ី ៣-០។ ការប្រកួតទី៣ក្រុមនារីថៃ ចាញ់កាណាដា ៣-១ និងការប្រកួតទី៤ ក្រុមនារីកូរ៉េខាងត្បូង ៣-១។

បច្ចុប្បន្នក្រុមបាល់ទះនារីថៃកំពុងឈរនៅលេខ១៥ ក្នុងចំណោម១៦ ក្នុងតារាងពិន្ទុ ក្រោយចាញ់៤លើក មិនទាន់មានពិន្ទុរាប់។ សម្រាប់ការប្រកួតក្នុងវគ្គសន្សំពិន្ទុ ក្រុមទាំង១៦ ត្រូវប្រជែងគ្នាដើម្បីយកចំណាត់ថ្នាក់លេខ១ដល់លេខ៧ សម្រាប់ការឡើងវគ្គ៨ក្រុមចុងក្រោយ ជាមួយក្រុមនារី ដែលទទួលបានសិទ្ធិឡើងដោយស្វ័យប្រវត្តិក្នុងនាមជាម្ចាស់ផ្ទះ។

ការប្រកួតវិលជុំសន្សំ FIVB Volleyball Women’s Nations League ឆ្នាំ២០២៤ នឹងត្រូវបញ្ចប់នៅថ្ងៃទី១៦ ខែមិថុនា។ ឆ្លងកាត់៤ប្រកួតកន្លងទៅ ក្រុមបាល់ទះនារីប៉ូឡូញ និង ប្រេស៊ីល រកបាន១២ពិន្ទុដូចគ្នា ពីការឈ្នះទាំង៤លើកដូចគ្នា៕