កីឡា

រូបមន្ដថ្មីនៃការប្រកួត UCL ដាក់ដំណើរការនៅរដូវកាលក្រោយ

បានផុស

៨ ខែ មុន

នៅ

ថ្ងៃចន្ទ ៣ មិថុនា ២០២៤

ដោយ

Pha Rothana

ការប្រកួតពានរង្វាន់លំដាប់កំពូលនៅអឺរ៉ុប UEFA Champions League រដូវកាល ២០២៤-២៥ បានសម្រេចដាក់ឲ្យប្រើប្រាស់រួបមន្តថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅរដូវកាលក្រោយនេះ ចំនួនក្រុមនៅក្នុងការប្រកួតពានរង្វាន់ UEFA Champions League នឹងកើនឡើងពី៣២ក្រុមទៅ៣៦ក្រុម។ ជារូបមន្តថ្មីនៃកំណែទម្រង់ក្នុងពានរង្វាន់នេះ ដាក់ឲ្យដំណើរការជាលើកដំបូង ក្រោយមានយល់ព្រមនិងអនុញ្ញាតដោយសហព័ន្ធកីឡាបាល់ទាត់អឺរ៉ុប UEFA ក្នុងឆ្នាំ២០២២។

រូបមន្ដថ្មីនោះតម្រូវឲ្យក្រុមទាំង៣៦ ធ្វើការប្រកួត៨លើក សម្រាប់ការប្រកួតសន្សំពិន្ទុវិលជុំក្នុងពូលតែមួយ ហើយក្រុមដែលបញ្ចប់ក្នុងចំណាត់ថ្នាក់កំពូលទាំង៨ នឹងបានឡើងទៅវគ្គ១៦ក្រុមចុងក្រោយ។ ក្រុមស្ថិតនៅចំណាត់ថ្នាក់លេខ៩ ដល់ទី២៤ នឹងប្រកួតប្រជែងក្នុងវគ្គជម្រុះពីរជើងក្នុងវគ្គ (Play-off) ដើម្បីមានឱកាសឡើងទៅវគ្គ១៦ក្រុមចុងក្រោយ ខណៈក្រុមបញ្ចប់ក្នុងចំណាត់ថ្នាក់លេខ២៥ ឬទាបជាងនឹងត្រូវកាត់ចេញ ហើយនឹងមិនបានចូលទៅក្នុងពាន Europa League ឡើយ។

ចំនួននៃការប្រកួតរូបមន្តថ្មីនេះនឹងកើនឡើងពី១២៥ប្រកួត ទៅ១៨៩ប្រកួត។ យ៉ាងណាមិញសម្រាប់រូបមន្ដថ្មីនេះ ក៏ទទួលបានគាំទ្រ និងរិះគន់ពីអ្នកគាំទ្របាល់ទាត់ជុំវិញពិភពលោកផងដែរ។

ចំពោះការប្រកួតវគ្គផ្ដាច់ព្រ័ត្រ UEFA Champions League រដូវកាល២០២៤-២៥ នឹងត្រូវធ្វើឡើងនៅថ្ងៃនៅថ្ងៃទី៣១ ខែឧសភា ឆ្នាំ២០២៥ នៅកីឡដ្ឋាន Allianz Arena ក្នុងទីក្រុង Munich ប្រទេសអាឡឺម៉ង់។

ប្រែសម្រួល៖ ផា រតនា