កីឡា

Man City សម្លឹងឃើញឱកាសក្រសោបពានទី២ចុងសប្ដាហ៍នេះ

បានផុស

៩ ខែ មុន

នៅ

ថ្ងៃព្រហស្បតិ៍ ២៣ ឧសភា ២០២៤

ដោយ

ក្រុម Manchester City ត្រូវជួបជាមួយក្រុម Manchester United ក្នុងការប្រកួតវគ្គផ្ដាច់ព្រ័ត្រពានរង្វាន់ FA Cup នៅវេលាម៉ោង៩យប់ ថ្ងៃសៅរ៍ ទី២៥ ខែឧសភា នៅកីឡដ្ឋាន Wembley។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីគ្រងជើងឯក Premier League រដូវកាលនេះ ក្រុមមេឃខៀវ Man City កំពុងឆ្ពោះទៅឱកាសឈ្នះជើងឯក FA Cup ក្នុងនាមជាក្រុមការពារតំណែងជើងឯកឆ្នាំចាស់។ កាលពីរដូវកាលមុន ពួកគេបានឈ្នះពានរង្វាន់៣ក្នុង១រដូវកាល ហើយក្នុងរដូវកាលនេះពួកនៅមានឱកាសឈ្នះជើងឯក២ក្នុង១រដូវកាល។

ប្រវត្តិជួបគ្នា១២លើកចុងក្រោយគិតចាប់តាំងពីឆ្នាំ២០២០ ក្រុម Man City ឈ្នះ៧លើក ចាញ់៤ ស្មើ១លើក ខណៈក្រុម Man Utd ឈ្នះ៤លើក ចាញ់៧លើក និងស្មើគ្នា១លើក។ ការជួបគ្នា១២លើកចុងក្រោយ និងទម្រង់លេងបច្ចុប្បន្នក្រុម Man City មានប្រៀបលើ Man United។

Man Utd មានបទពិសោធច្រើនក្នុងពានរង្វាន់ FA Cup ដោយធ្លាប់ឈ្នះជើងឯកពានរង្វាន់១២លើក និងជាក្រុមទី២នៅអង់គ្លេសដែលបានឈ្នះពានរង្វាន់នេះច្រើនជាងគេ បន្ទាប់ពីក្រុមលំដាប់ទី១ Arsenal ធ្លាប់ឈ្នះ១៤លើក និងក្រុមលំដាប់ទី៣ Man City ធ្លាប់ឈ្នះ៧លើក។

ការប្រកួតវគ្គផ្ដាច់ព្រ័ត្រ វេលាម៉ោងម៉ោង៩យប់ ថ្ងៃសៅរ៍ ទី២៥ ខែឧសភា នៅកីឡដ្ឋាន Wembley៕

អត្ថបទ៖ ផា រតនា