កីឡា

ថ្ងៃបើកឆាក វិសាខា លត់ក្រុមអូស្ត្រាលី Volleyball Academy ៣-០ នៅតៃវ៉ាន់

បានផុស

៨ ខែ មុន

នៅ

ថ្ងៃពុធ ២៩ ឧសភា ២០២៤

ដោយ

ក្លិបបាល់ទះ វិសាខា ទទួលបានជ័យជម្នះសម្រាប់ការបើកឆាកពានរង្វាន់ Win+Steak Volleyball Invitation (WSVI) Tournament បន្ទាប់ពីបានយកឈ្នះលើក្រុមបាល់ទះអូស្ត្រាលី Volleyball Academy ដោយលទ្ធផល ៣-០ នៅរសៀលថ្ងៃទី២៩ ខែឧសភា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សិតទី១ ក្រុមវិសាខាបានយកឈ្នះ Volleyball Academy ដោយពិន្ទុ ២៦-២៤ សិតទី២ឈ្នះដោយពិន្ទុ ២៥-២៣ និងសិតទី៣ឈ្នះដោយពិន្ទុ ២៥-១៨។

សមាជិកថ្មីសញ្ជាតិបារាំង៣រូបគឺ Francois Rebeyrol, Thomas Gill និង Prierre Toledo ជាផ្នែកដ៏សំខាន់ជួយឲ្យក្រុមវិសាខាទទួលបានជ័យជម្នះថ្ងៃទី១នេះ។

រូបមន្តនៃការប្រកួតពានរង្វាន់ Win+ Steak Volleyball Invitational Tournament មានពីរដំណាក់កាល។ ដំណាក់កាលសន្សំពិន្ទុក្នុងពូល ក្រុមនីមួយៗត្រូវឆ្លងកាត់៣ប្រកួតតាមពូលរៀងៗខ្លួន។ បន្ទាប់មក ក្រុមនីមួយៗនឹងស្ថិតនៅតាមចំណាត់ថ្នាក់ចាប់ពីលេខ១ដល់៨ អាស្រ័យទៅលើពិន្ទុដែលឈ្នះ និងចាញ់។

ដំណាក់កាលទី២ ក្រុមលេខ៧ ប៉ះ ក្រុមលេខ៨ ដើម្បីដណ្តើមចំណាត់ថ្នាក់លេខ៧។ ក្រុមលេខ៥ ប្រកួតជាមួយក្រុមលេខ៦ ដើម្បីដណ្តើមយកចំណាត់ថ្នាក់លេខ៥ ហើយក្រុមលេខ៣ប្រកួតជាមួយក្រុមលេខ៤ ដើម្បីដណ្តើមចំណាត់ថ្នាក់លេខ៣ និងក្រុមលេខ១ប្រកួតជាមួយក្រុមលេខ២ដើម្បីដណ្តើមយកជើងឯក។

ពូល A ៖ ក្លិប Flying Falcon (ម៉ាឡេស៊ី), ក្លិប Nature Med Club (ម៉ុងហ្គោលី), ក្លិប Long My Construction (តៃវ៉ាន់) និងក្លិប Thanh Pho Ho Chi Minh (វៀតណាម)។
ពូល B ៖ ម្ចាស់ផ្ទះ Win Streak, វិសាខា (កម្ពុជា) Saitama Azalea (ជប៉ុន) និង ក្រុម Australian Volleyball Academy (អូស្ត្រាលី)

កម្មវិធីប្រកួតបន្ទាប់របស់ វិសាខា