អតីត​ទាហានសេណេហ្គាល់វ័យ៩០ឆ្នាំ១រូបទទួលបានឱកាសពិសេសកាន់​ភ្លើងគប់កីឡាអូឡាំពិក

អតីតទាហានជនជាតិសេណេហ្គាល់មួយរូបគឺ លោក Oumar Dieme ដែលមានវ័យ​៩០ឆ្នាំទទួលបានឱកាសដ៏អស្ចារ្យមួយដើម្បីកាន់ភ្លើងគប់កីឡាអូឡាំពិក ក្នុងអំឡុងពេលពិធីបើកការប្រកួតកីឡា​អូឡាំពិក​នៅទីក្រុងប៉ារីសនាពេលខាងមុខ។

លោក Dieme ទទួលបានការចងចាំ ក្នុងនាមរូបលោកស្ថិតក្នុងជំលោះនៃទាហានជើងទឹកអាហ្វ្រិកដែលបានបម្រើប្រទេសបារាំង ទាំងនៅក្នុងសង្គ្រាមលោក និងជម្លោះអាណានិគមជាច្រើន។

អតីតយុទ្ធជនសង្គ្រាមត្រូវបានជ្រើសរើសជាអ្នកកាន់ភ្លើងម្នាក់ ដើម្បីកាន់អណ្តាតភ្លើងអូឡាំពិក នៅពេលដែលភ្លើងគប់ឆ្លងកាត់តាមតំបន់ Seine-Saint-Denis ក្នុង​ទីក្រុងប៉ារីស សម្រាប់ការបើកហ្គេមនៅចុងខែកក្កដា។

លោកបាន​និយាយថា ៖«ខ្ញុំគឺជាអ្នកនៅរស់រានមានជីវិតតែម្នាក់គត់។ វាគឺជាអព្ភូតហេតុដែលខ្ញុំត្រូវបានជ្រើសរើស។ បើគិតពីអាយុ ខ្ញុំចង់មានកូនប្រុសរបស់ខ្ញុំចូលរួមរត់ជាមួយផងដែរ»។

 សំណើរបស់នាយកដ្ឋាននេះត្រូវបានអនុម័តដោយអ្នករៀបចំ ដោយសម្គាល់អតីតកន្លែងស្នាក់នៅរបស់ Dieme នៅក្នុងតំបន់នេះ មុនពេលលោក​ផ្លាស់ទៅសេណេហ្គាល់នៅឆ្នាំ២០២៣។

លោក Stephane Troussel ប្រធាននាយកដ្ឋាន​នៅតំបន់ Seine-Saint-Denis បាននិយាយ​ថា ៖«ការជ្រើស​រើស​លោក Oumar Dieme ដោយសារលោករួមចំណែកដល់ការងារសំខាន់នៃការចងចាំ ពីព្រោះទាហាន​សេណេហ្គាល់​ត្រូវបានបំភ្លេចចោលយូរពេកនៅក្នុងការចងចាំរួមរបស់យើង»។

លោក Dieme ស្ថិតក្នុងចំណោមទាហានជាច្រើនដែលសាទរពីអតីតអាណានិគមបារាំងនៅទ្វីបអាហ្រ្វិក ដែលបានបម្រើការនៅក្នុងកងពល​មានឈ្មោះថា Senegalese Tirailleurs ត្រូវបានបង្កើតឡើងក្នុងឆ្នាំ១៨៥៧។ លោកបានចូលរួមជាមួយអង្គភាពនេះនៅថ្ងៃទី០៦ ខែមីនា ឆ្នាំ១៩៥៣៕

ប្រែសម្រួល៖ មន្នីរ័ត្ន
ប្រភព៖ Inside The Games