កីឡា

មិនទាន់ចាញ់ដូចគ្នា វិសាខា ប៉ះក្រុមខ្លាំងម្ចាស់ផ្ទះ Win Streak ល្ងាចនេះ

បានផុស

៤ ខែ មុន

នៅ

ថ្ងៃព្រហស្បតិ៍ ៣០ ឧសភា ២០២៤

ដោយ

ក្លិបបាល់ទះ វិសាខា ប៉ះក្រុមម្ចាស់ផ្ទះ Win Streak វេលាម៉ោង៦ល្ងាចនេះក្នុងពានរង្វាន់ពានរង្វាន់ Win+Steak Volleyball Invitation (WSVI) ឆ្នាំ២០២៤ ដែលនឹងក្លាយជាការប្រកួតមួយគួរឲ្យចាប់អារម្មណ៍ និងតានតឹងខ្លាំងសម្រាប់ក្រុមទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លងកាត់១ប្រកួតម្នាក់ដូចគ្នាថ្ងៃបើកឆាកកាលពីម្សិលមិញ ក្រុមទាំងពីរសុទ្ធតែយកឈ្នះលើដៃគូដោយលទ្ធផល៣-០ ដូចគ្នានៅវគ្គសន្សំពិន្ទុក្នុងពូល។ ក្រុមវិសាខាបានយកឈ្នះក្រុមអូស្ត្រាលី Volleyball Academy ដោយលទ្ធផល ៣-០ (២៦-២៤, ២៥-២៣ និង ២៥-១៨)។

ចំណែកក្រុម Win Streak ដែលជាម្ចាស់ផ្ទះរៀបចំពានរង្វាន់នេះបានយកឈ្នះក្រុមជប៉ុន Saitama Azalea ដោយលទ្ធផល ៣-០ (២៥-២១, ២៥-២២ និង ២៥-១៩)។ ដូច្នេះក្រុមទាំងពីរមាន៣ពិន្ទុដូចគ្នា។

ល្ងាចនេះគឺជាការប្រកួតសន្សំពិន្ទុលើកទី២ដែលអាចចាត់ទុកថា តឹងតែងខ្លាំងសម្រាប់ក្រុមរបស់កម្ពុជា ពីព្រោះ Win Streak ជាក្រុមជើងឯកលីគកំពូលតៃវ៉ាន់ដែលមានកីឡាករល្អៗច្រើន ហើយទើបតែនាំចូលកីឡាករថ្មីពីរបីរូបបន្ថែមទៀត។

ស្របពេលជាមួយគ្នានេះ វិសាខា ក៏បានពង្រឹងក្រុមដែរដោយបាននាំចូលសមាជិកសញ្ជាតិបារាំង៣រូបគឺ Francois Rebeyrol, Thomas Gill និង Prierre Toledo ជាផ្នែកដ៏សំខាន់ជួយឲ្យក្រុមវិសាខាទទួលបានជ័យជម្នះថ្ងៃទី១នេះ។

ពូល A ៖ ក្លិប Flying Falcon (ម៉ាឡេស៊ី), ក្លិប Nature Med Club (ម៉ុងហ្គោលី), ក្លិប Long My Construction (តៃវ៉ាន់) និងក្លិប Thanh Pho Ho Chi Minh (វៀតណាម)។
ពូល B ៖ ម្ចាស់ផ្ទះ Win Streak, វិសាខា (កម្ពុជា) Saitama Azalea (ជប៉ុន) និង ក្រុម Australian Volleyball Academy (អូស្ត្រាលី)

លទ្ធផល៤គូកាលពីម្សិលមិញ