កីឡា
លើកនេះដាច់ស្រឡះ អេ អាំម៉ារីន ផ្តួល ឡុង សំណាង ទឹក២ គ្រងខ្សែក្រវាត់ KKF
កីឡាករវ័យក្មេងកម្ពស់ អេ អាំម៉ារីនភូថង បានគ្រងខ្សែកក្រវាត់សហព័ន្ធកីឡាប្រដាល់គុនខ្មែរ (KKF) សហការជាមួយទូរទស្សន៍បាយ័ន បន្ទាប់ពីបានយកឈ្នះដៃគូចាស់ ឡុង សំណាង ក្នុងទឹកទី២ ក្រោមវត្តមានកំពូលអ្នកប្រដាល់សកលហ្វីលីពីន ម៉ានី ប៉ាគីអៅ នៅយប់ថ្ងៃសុក្រ ទី៣១ ខែឧសភា ឆ្នាំ២០២៤។
ខ្សែក្រវាត់ម៉ារ៉ាតុងសហព័ន្ធគុនខ្មែរ KKF ទម្ងន់៦៥គីឡូក្រាមនេះមានបេក្ខភាព៤រូបចូលរួមប្រកួតប្រជែង។ នៅជុំទី១ អេ អាំម៉ារីនភូថង បានវាយកីឡាករ សូត្រ វាសនា ឲ្យអាជ្ញាកណ្តាលបញ្ឈប់ក្នុងទឹកទី៣ដើម្បីឡើងទៅវគ្គផ្តាច់ព្រ័ត្រជួប ឡុង សំណាង ដែលបានយកឈ្នះ ផាន់ គ្រាន់ ដោយពិន្ទុ។
សម្រាប់ការប្រកួតវគ្គផ្តាច់ព្រ័ត្រ ឡុង សំណាង បានចូលវ៉ៃដោយទំនុកចិត្តចាប់ពីទឹកទី១តាមរយៈការប្រើកណ្តាប់ដៃ និងទាន់ ខណៈ អេ អាំម៉ារីនភូថង ព្យាយាមវាយមួយៗ ថយ និងការពារតាមបច្ចេកទេស។ នៅទឹកទី២នៅពេលដៃគូចូលវាយ និងប្តូរកណ្តាប់ដៃ អេ អាំម៉ារីនភូថង ឃើញចន្លោះប្រហោងវាយកណ្តាប់ឆ្វេងពេញចំលើមុខរបស់ ឡុង សំណាង ឲ្យដួលសន្លប់ឈឹង និងត្រូវអាជ្ញាកណ្តាលបញ្ឈប់ការប្រកួតតែម្តង។
នេះជាការវាយផ្តាច់ស្រឡះដោយគ្មានមន្ទិលសង្ស័យពាក់ព័ន្ធនឹងមនោសញ្ចេតនា។ នៅចាំបានថា អេ អាំម៉ារីនភូថង បានប្រកួតដណ្តើមខ្សែក្រវាត់ពី ឡុង សំណាង នៅទូរទស្សន៍ PNN កាលពីប៉ុន្មានខែមុន ប៉ុន្តែមិនបានសម្រេចទេ។ ការប្រកួតកាលណោះត្រូវបានគេមើលឃើញថា កូនប្រុសរបស់លោក អេ ភូថង វាយមិនលះសោះទាំងបច្ចេកទេស អាវុធ និងទឹកចិត្ត។ ពេលនោះ ក្រោយការប្រកួត រូបគេបាននិយាយពីអារម្មណ៍មិនដាច់ស្រឡះក្នុងមនោសញ្ចេតនា។
ទោះបីជាយ៉ាងណា សម្រាប់ការជួបគ្នាលើកនេះ មុនការប្រកួត អេ អាំម៉ារីនភូថង បាននិយាយថា រូបគេនឹងវាយឲ្យដាច់ស្រឡះ។ ទីបំផុតរូបគេធ្វើបានសម្រេចមែន។
សម្រាប់ការឈ្នះខ្សែក្រវាត់នេះ អេ អាំម៉ារីនភូថង ទទួលបានប្រាក់រង្វាន់២០លានរៀល និងបានក្លាយជាកីឡាករកម្ពុជាទី១ដែលបំពាក់ដោយវីរបុរសប្រដាល់ហ្វីលីពីន ម៉ានី ប៉ាគីអៅ។
ចំណែក ឡុង សំណាង នេះជាការចាញ់សន្លប់លើកទី២ បន្ទាប់ពីចាញ់សន្លប់បាត់បង់ខ្សែក្រវាត់ក្រោមកណ្តាប់ដៃរបស់ លន បញ្ញា។ សម្រាប់ចំណាត់ថ្នាក់លេខ២នេះ សំណាង ទទួលពាន និងប្រាក់រង្វាន់៣ពាន់ដុល្លារអាមេរិក៕
អត្ថបទ៖ វីរបុត្រ
ឪពុកក្មេក ម្ដាយក្មេកសម្ដេចធិបតី ទស្សនាកម្សាន្តសិល្បៈនៅផ្លូវថ្មេីរជេីង(Walk Street)
[អត្ថបទវិភាគ] ការបោះឆ្នោតរបស់មីយ៉ាន់ម៉ា គឺជាច្រកចេញរបបសឹកយោធាដើម្បីត្រួសត្រាយផ្លូវបង្កើតរដ្ឋាភិបាលចម្រុះ និងការទទួលស្គាល់
សម្តេច ទៀ បាញ់ ចែកវិញ្ញាបនប័ត្រសម្គាល់ម្ចាស់អចលនវត្ថុជាង៤ម៉ឺនប័ណ្ណ ដល់ពលរដ្ឋខេត្តសៀមរាប
កម្ពុជា-ថៃ នឹងពង្រឹងបន្ថែមលើកិច្ចសហប្រតិបត្តិការក្នុងវិស័យការងារ និងបណ្ដុះបណ្ដាលវិជ្ជាជីវៈ
មន្ទីរបរិស្ថានខេត្តមណ្ឌលគិរី បើកយុទ្ធនាការ «ផ្លូវជាតិស្អាតគ្មានសំរាម និងសំណល់ប្លាស្ទិក» នៅស្រុកអូររាំង
ថៃ ព្រមាន! យុវជនបង្ហោះរូបស្រាតពេលលេងសប្បាយបុណ្យសង្ក្រាន្ត ប្រឈមជាប់ពន្ធនាគារ៥ឆ្នាំ
បេសកជនអាមរិក ស្នើផែនការកាត់តំបន់ចំនួន៤ឲ្យរុស្ស៊ី ជាថ្នូរនឹងបទឈប់បាញ់
កុំភ្លេចទស្សនា! ជើងខ្លាំងកម្ពុជា ៤រូបប្រកួតនៅសហរដ្ឋអាមេរិកស្អែកនេះហើយ
ហ្សេលេនស្គី៖ រុស្ស៊ី ប្រើបណ្ដាញសង្គម និងលុយទាក់ទាញទាហានចិនឲ្យចូលច្បាំង
ពលរដ្ឋខេត្តក្រចេះនិងកំពង់ធំ នឹងភ្ជាប់និស្ស័យគ្នា តាមរយៈគម្រោងស្ថាបនាផ្លូវជាតិលេខ ៦០បេ
-
សន្តិសុខសង្គម៧ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៦ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៦ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម១ សប្តាហ៍ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម៥ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ២ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៤ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ១ សប្តាហ៍ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល