កីឡា

តម្លៃសំបុត្រពិធីបើកអឺរ៉ូយប់នេះចាប់ពី៥៤ដល់ជាង៦៥៤ដុល្លារ

បានផុស

៨ ខែ មុន

នៅ

ថ្ងៃសុក្រ ១៤ មិថុនា ២០២៤

ដោយ

ព្រឹត្តិការណ៍បាល់ទាត់ធំបំផុតប្រចាំទ្វីបអឺរ៉ុប The 2024 European Championship នឹងចាប់ផ្តើមទំព័រប្រវត្តិសាស្ត្រនៅយប់ថ្ងៃទី១៤ ខែមិថុនា ឆ្នាំ២០២៤ នៅប្រទេសអាល្លឺម៉ង់ដែលជាម្ចាស់ផ្ទះនិងមានក្រុមចំនួន២៤បានឡើងដល់ជុំចុងក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការប្រកួតបាល់ទាត់ដែលមានប្រជាប្រិយភាពបំផុតលំដាប់ទី២ បន្ទាប់ពីជើងឯកពិភពលោក FIFA World Cup ការប្រកួតអឺរ៉ូមានតម្លៃសំបុត្រចូលទស្សនាផ្ទាល់ជាច្រើនប្រភេទដែលមានកម្រិត១ កម្រិត២ កម្រិត៣ និងកម្រិត៤ ហើយកម្រិតនីមួយៗតម្លៃខុសគ្នាទៅតាមពិធីបើក វគ្គសន្សំពិន្ទុក្នុងពូល វគ្គ១៦ក្រុមចុងក្រោយ វគ្គ៨ក្រុមចុងក្រោយ វគ្គ៤ក្រុមចុងក្រោយ និងវគ្គផ្តាច់ព្រ័ត្រ។

តម្លៃសំបុត្រមានប្រភេទសម្រាប់អ្នកគាំទ្រទូទៅ និងសម្រាប់ភ្ញៀវពិសេស។ តម្លៃសំបុត្រកម្រិតទី១ សម្រាប់អ្នកគាំទ្រចូលទស្សនាផ្ទាល់គឺប្រហែល៥៤ដុល្លារសម្រាប់ពិធីបើកការប្រកួត។ តម្លៃប្រហែល៣២ដុល្លារសម្រាប់ការប្រកួតសន្សំពិន្ទុក្នុងពូល។ តម្លៃប្រហែល៥៤ដុល្លារសម្រាប់វគ្គ១៦ក្រុមចុងក្រោយ។ តម្លៃប្រហែល៦៥ដុល្លារសម្រាប់វគ្គ៨ក្រុមចុងក្រោយ។ តម្លៃប្រហែល៨៧ដុល្លារសម្រាប់វគ្គពាក់កណ្តាលផ្តាច់ព្រ័ត្រ និងតម្លៃប្រហែល១០៣ដុល្លារសម្រាប់វគ្គផ្តាច់ព្រ័ត្រ។ ចំពោះកម្រិតទី២ ទី៣ និងទី៤មានតម្លៃផ្សេង។

ពិធីបើកយប់នេះ ការប្រកួតរវាងក្រុមម្ចាស់ផ្ទះ អាល្លឺម៉ង់ និង ស្កុតឡែន វេលាម៉ោង២យប់នេះ តម្លៃសំបុត្រចូលទស្សនាផ្ទាល់ចាប់ពី៥៤ដុល្លារ ដល់៦៥៤ដុល្លារអាមេរិក។