តួកគីនិងអ៊ីរ៉ង់ជាក្រុមមិនទាន់រកបានជ័យជម្នះក្នុង​ពាន Volleyball Nations League

ការប្រកួតពានរង្វាន់បាល់ទះពិភពលោកបុរស FIVB Men’s Volleyball Nations League ឆ្នាំ២០២៤ ឈានដល់សប្ដាហ៍ទី២ ក្នុងនោះក្រុមតួកគី និងអុីរ៉ង់ជាក្រុមតែ២គត់​ដែល​មិនទាន់រកបានជ័យជម្នះសោះ។

ក្រុមបាល់ទះ​ជម្រើស​ជាតិ​តួកគី ជាក្រុមឈរនៅលេខ១៥ ក្នុងតារាងចំណាត់ថ្នាក់បាល់ទះពិភពលោកបច្ចប្បន្ន ហើយជាក្រុមខ្លាំងមួយ​ ប៉ុន្តែបែរជាធ្វើមិនបានល្អសោះក្នុងឆ្នាំ២០២៤។ ក្រោយឆ្លងកាត់ការប្រកួតក្នុងវគ្គជុំវិលសន្សំពិន្ទុ​៦​លើល​ គឺ​ចាញ់ទាំង៦​លើក។ ក្រុមតួកគីកំពុង​ស្ថិត​នៅ​បាតតារាង ប្រឈមនឹងការបាត់បង់គ្មាន​ឱកាស​ឡើង​ទៅ​កាន់​វគ្គ​៨​ក្រុម​ចុង​​ក្រោយ។

លទ្ធផលការប្រកូត៦លើករបស់ក្រុមទួកគី
-តួកគី ១-៣ កាណាដា
-តួកគី ២-៣ ហុល្លង់
-តួកគី ១-៣​ បារាំង
-តួកគី ១-៣ សហរដ្ឋអាមេរិក
-តួកគី ០-៣ ស្លូវេនី
-តួកគី ០-៣ ប៉ូឡូញ

មិនខុសពីក្រុមតួកគី​ប៉ុន្មានទេ ក្រុមបាល់ទះជម្រើស​ជាតិ​អុីរ៉ង់ ជាក្រុមខ្លាំងមួយក្នុងតំបន់អាស៊ី និង​ឈរ​លេខ១៦ ក្នុងតារាងចំណាត់ថ្នាក់បាល់ទះពិភពលោក។​ ក្នុងព្រឹត្តិការណ៍ការប្រកួតពានរង្វាន់បាល់ទះពិភពលោកបុរសឆ្នាំនេះ អុីរ៉ង់​ធ្វើមិនបានល្អទាល់តែសោះ ក្រោយឆ្លងកាត់ការប្រកួតការប្រកួត៦​លើក​គឺ​ចាញ់ទាំង​៦​លើក កំពុងស្ថិតនៅលេខ១៥ ក្នុងតារាងពិន្ទុ។

លទ្ធផលការប្រកូត៦លើករបស់អុីរ៉ង់
-អុីរ៉ង់ ១-៣ ស៊ែប៊ី
-អុីរ៉ង់ ០-៣ អុីតាលី
-អុីរ៉ង់ ១-៣​ គុយបា
-អុីរ៉ង់ ២-៣​ អាហ្សង់ទីន
-អុីរ៉ង់ ០-៣ ជប៉ុន
-អ៉ីរ៉ង់ ០-៣ ប្រេស៊ីល

អត្ថបទ៖ ផា រតនា