កីឡា
លោក Felix ប្រាប់ថា ទម្រង់លេងឈ្នះម៉ុងហ្គោលីតាមក្បួនចង់បាន
ក្រុមបាល់ទាត់ជម្រើសជាតិកម្ពុជាបានយកឈ្នះក្រុមបាល់ទាត់ជម្រើសជាតិម៉ុងហ្គោលី ដោយលទ្ធផល ២-០ សម្រាប់ការប្រកួតមិត្តភាពអន្តរជាតិ យប់ថ្ងៃទី៧ ខែកក្កដា ឆ្នាំ២០២៤ នៅពហុកីឡដ្ឋានជាតិអូឡាំពិក។
លទ្ធផលជ័យជម្នះបានធ្វើឲ្យលោក Félix Dalmás គ្រូបង្វឹកជម្រើសជាតិកម្ពុជាសប្បាយចិត្ត និងមានមោទនភាពចំពោះអ្វីដែលកីឡាករកម្ពុជាបង្ហាញខ្លួនលើទីលាន។
ក្រោយចប់ការប្រកួត លោក Félix Dalmás ៖«យើងបានព្យាករហើយថា ការប្រកួតនេះតឹងតែងខ្លាំង ហើយភ្លៀងរឹតតែធ្វើឲ្យការប្រកួតកាន់តែលំបាក។ ជាពិសេសកីឡាករម៉ុងហ្គោលីមានកាយសម្បទាធំខ្ពស់។ យ៉ាងណា ខ្ញុំសប្បាយចិត្តដែលបានឃើញក្រុមបានព្យាយាមលេងតាមអ្វីដែលយើងចង់ធ្វើ។ គ្រប់កីឡាករទាំងអស់ព្យាយាមលេង ទោះស្ថិតក្នុងកាលៈទេសៈលំបាកយ៉ាងណាក៏ដោយ ដែលបានធ្វើឲ្យយើងមានមោទនភាព។ ពួកគេលេងដោយឆន្ទៈ ស្មារតីជាក្រុម និងលេងដើម្បីអ្នកគាំទ្រពិតជាអស្ចារ្យខ្លាំងណាស់។ ដូច្នេះហើយបានជាខ្ញុំសប្បាយចិត្តចំពោះអ្វីដែលយើងបានបង្ហាញនៅលើទីលាន។ ទោះបីជាគេមានមាឌធំ យើងមានមាឌតូច តែយើងមានឆន្ទៈប្រយុទ្ធ»។
«អ្វីដែលខ្ញុំចង់និយាយជាពិសេសទៀតនោះគឺអរគុណអ្នកគាំទ្រ។ ទោះបីជាមេឃភ្លៀងយ៉ាងណា ពួកគាត់តស៊ូទស្សនាទាំងសើមជោកជាំបានធ្វើឲ្យខ្ញុំព្រឺសម្បុរ បន្តស្រែក បន្តហ៊ោគាំទ្រ ហើយនឹកឃើញកាលខ្ញុំនៅពីកុមារភាពពេលទៅមើលជាមួយគ្រួសារ»។ លោកបានអរគុណដល់អ្នកគាំទ្រ។
លោក Félix Dalmás បានបន្ថែមថា ការរកបាន២គ្រាប់នៅវគ្គទី១មិនមែនដោយសារតែមានអំណោយផលពីការភ្លៀងធ្លាក់ទេ។ ផ្ទុយទៅវិញ ភ្លៀងធ្លាក់បានធ្វើឲ្យការលេងកាន់តែពិបាកខ្លាំង។ អ្វីដែលធ្វើឲ្យក្រុមទទួលបានជ័យជម្នះគឺកើតចេញពីឆន្ទៈលេងរបស់កីឡាករទាំងអស់គ្នា។
ក្រុមជម្រើសជាតិកម្ពុជានឹងធ្វើដំណើរទៅប្រទេសម៉ុងហ្គោលីទាំងយប់នេះតែម្តងដើម្បីប្រកួតមិត្តភាពលើកទី២ជាមួយម៉ុងហ្គោលី៕
អត្ថបទ៖ វីរបុត្រ
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
ត្រាំ គំរាមដាក់ពន្ធលើសហភាពអឺរ៉ុប និងចិនជាថ្មី ខណៈម៉ិកស៊ិក និងកាណាដា ត្រៀមចាត់វិធានការឆ្លើយតប
សហជីពនៅកម្ពុជា៖ ការស្លាប់របស់លោក លិម គិមយ៉ា ជាឈ្នាន់ដើម្បីក្រុមប្រឆាំងប្រមូលកម្លាំងតវ៉ាករណីកោះគុត
កម្ពុជារកចំណូលបានជាង $៦៧១ លាន ពីការនាំចេញជ័រកៅស៊ូ ខណៈតម្លៃបានកើនជាង ៦០០ ដុល្លារ ក្នុងមួយតោន
លោក ស៊ី និងលោក ពូទីន ពិភាក្សាគ្នាពីទំនាក់ទំនងជាមួយ ត្រាំ អ៊ុយក្រែន និងតៃវ៉ាន់
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ