កីឡា
សហព័ន្ធបាល់ទះបរិច្ចាគប្រាក់៩៩៩៩ដុល្លារ ដល់មន្ទីរពេទ្យគន្ធបុប្ផាជាមួយក្តីរំពឹងធ្វើរាល់ឆ្នាំ
សហព័ន្ធកីឡាបាល់ទះកម្ពុជាបានយកថវិកាចំនួន ៩៩៩៩ដុល្លារអាមេរិកបរិច្ចាគជូនមន្ទីរពេទ្យគន្ធបុប្ផា នៅព្រឹកថ្ងៃចន្ទ ទី១០ ខែមិថុនា ឆ្នាំ២០២៤ ដឹកនាំដោយលោក អាំង សិរីពិសិដ្ឋ អនុប្រធាន និងជាអគ្គលេខាធិការតំណាងឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធកីឡាបាល់ទះកម្ពុជា។
លោក អាំង សិរីពិសិដ្ឋ បានរៀបរាប់ថា ថវិកាទាំងអស់នេះទទួលបានកីឡាករបាល់ទះវិសាខាដែលបានឈ្នះពានរង្វាន់ Win-Streak Volleyball Invitation ឆ្នាំ២០២៤ បូករួមទាំងក្រុមបាល់ទះស្នងការដ្ឋាននគរបាលទាំង២៥ខេត្ត-ក្រុងដែលមួយតំបន់១លានរៀល ស្មើនឹង២៥លានរៀលដើម្បីចូលរួមជាមួយថវិការបស់កីឡាករ។
លោកអគ្គលេខាធិការ និងជាអនុប្រធានមានប្រសាស៍ថា ៖«ហេតុអ្វីបានជាមិនបន្ថែម១ដុល្លារដើម្បីឲ្យគ្រប់១ម៉ឺនដុល្លារ? ក្នុងន័យនេះគឺយើងចង់បង្ហាញថា យើងនៅតែត្រូវការ១ដុល្លារជានិច្ចសម្រាប់មន្ទីរពេទ្យគន្ធបុប្ផាពីអត្តពលិក ពីសប្បុរសជនដែលអាចចូលរួមបរិច្ចាគ១ដុល្លារក្តី ២ដុល្លារក្តី ឬក៏យុទ្ធនាការ១ម៉ឺនរៀល ១ម៉ឺននាក់របស់លោកជំទាវបណ្ឌិត ពេជ ចន្ទមុន្នី ដែលលោកតែងតែអំពាវនាវ ហើយអំពាវនាវទៀត។ យើងសង្ឃឹម និងជឿថា យុទ្ធនាការមួយនេះនឹងទ្រទ្រង់ដល់មន្ទីរពេទ្យគន្ធបុប្ផាឲ្យក្លាយជាមន្ទីរពេទ្យមួយមានលទ្ធភាពគ្រប់គ្រាន់ និងនិរន្តរភាពសម្រាប់ព្យាបាលកុមារកម្ពុជា»។
តំណាងសហព័ន្ធកីឡាបាល់ទះកម្ពុជារូបនេះរំពឹងថា កិច្ចការសប្បុរសធម៌នេះនឹងបន្តកើតមានជារៀងរាល់ឆ្នាំរបស់សហព័ន្ធកីឡាបាល់ទះកម្ពុជា។ លោកថា ៖«មិនមែនចាំតែទទួលបានជោគជ័យទើបបរិច្ចាគនោះទេ ហើយក៏មិនមែនចាំក្លាយខ្លួនជាសេដ្ឋីទើបបរិច្ចាគដែរ។ ទឹកចិត្តសប្បុរសធម៌ តិចក្តី ច្រើនក្តីគឺកើតចេញពីបេះដូងដ៏បរិសុទ្ធ ហើយខ្ញុំជឿជាក់ថា សហព័ន្ធកីឡាបាល់ទះកម្ពុជា អត្តពលិកដែលជាជម្រើសជាតិបច្ចុប្បន្ន និងយុវជននឹងក្លាយជាយុវជនបន្តវេនទៀតលើពីកិច្ចការសប្បុរសធម៌ជាប់ជានិច្ច»។
លោក អាំង សិរីពិសិដ្ឋ បានបញ្ជាក់ថា ៖«ខ្ញុំជឿជាក់ថា កិច្ចសប្បុរសធម៌នេះនឹងបន្តមានជារៀងរាល់ឆ្នាំ មិនមែនចាំតែយើងទទួលបានជ័យជម្នះទើបយើងសាទរ ហើយបរាជ័យមិនសាទរ មិនដូច្នេះទេ»៕
អត្ថបទ៖ វីរបុត្រ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៨ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៨ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?