កីឡា

មកស្គាល់ក្រុមជម្រើសជាតិជោគជ័យបំផុតក្នុងពានរង្វាន់ EURO

បានផុស

១០ ខែ មុន

នៅ

ថ្ងៃព្រហស្បតិ៍ ១៣ មិថុនា ២០២៤

ដោយ

ពានរង្វាន់អឺរ៉ូគឺជាក្ដីស្រមៃរបស់ក្រុមជម្រើសជាតិ និងកីឡាករម្នាក់នៅទ្វីបអឺរ៉ុប ដែលតែងតែប្រាថ្នាចង់ឈ្នះជើងឯក។ យ៉ាងណាមិនមានក្រុមជម្រើសជាតិច្រើនទេដែលបានឈ្នះជើងឯក បន្ទាប់ពីពានរង្វាន់នេះបានចាប់ផ្តើមលើកទី១តាំងពី១៩៥៥។ ខាងក្រោមនេះជាក្រុមជម្រើសជាតិដែលបានឈ្នះពានរង្វាន់ EURO ច្រើនជាងគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.ក្រុមជម្រើសជាតិអាល្លឺម៉ង់

ក្រុមជម្រើសជាតិអាល្លឺម៉ង់ ធ្លាប់ឈ្នះជើងឯកអឺរ៉ូ៣លើកក្នុងឆ្នាំ១៩៧២ ១៩៨០ និង១៩៩៦ និងឈ្នះជើងឯករងចំនួន៣លើកគឺឆ្នាំ១៩៧៦ ១៩៩២ និង២០០៨។ ពួកគេជាក្រុមបាល់ទាត់នៅអឺរ៉ុបដែលជោគជ័យជាងគេ ក្រោយធ្លាប់ឡើងដល់វគ្គផ្ដាច់ព្រ័ត្រ៦លើក។

២. ក្រុមជម្រើសជាតិអេស្ប៉ាញ

មិនខុសពីក្រុមជម្រើសជាតិអាល្លឺម៉ង់ទេ ក្រុមជម្រើសជាតិអេស្ប៉ាញ ធ្លាប់ឈ្នះជើងឯកអឺរ៉ូ៣លើកដែរគឺ ឆ្នាំ១៩៦៤ ២០០៨ និង២០១២ ប៉ុន្តែធ្លាប់ទទួលបានត្រឹមជើងឯករង១លើកគឺឆ្នាំ១៩៨៤។ ទោះបីឈ្នះជើងឯកទ្វីបអឺរ៉ុប៣លើកដូចអាល្លឺម៉ង់ ប៉ុន្តែក្រុមអេស្ប៉ាញធ្លាប់ឡើងដល់វគ្គផ្ដាច់ព្រ័ត្រតែ៤លើក។

៣. ក្រុមជម្រើសជាតិអុីតាលី

ក្រុមជម្រើសជាតិអុីតាលី ធ្លាប់ធ្លាប់ឈ្នះជើងឯកអឺរ៉ូ២លើកក្នុងឆ្នាំ១៩៦៨ និង២០២០ ឈ្នះជើងឯករង២លើកគឺឆ្នាំ២០០០និង២០១២។ ក្រុមជម្រើសជាតិអុីតាលីមានកំណត់ត្រាឡើងដល់វគ្គផ្ដាច់ព្រ័ត្រ៤លើកដូចអេស្ប៉ាញដែរ។

៤. ក្រុមជម្រើសជាតិបារាំង

មិនខុសពីអុីតាលីទេ ក្រុមជម្រើសជាតិបារាំង ធ្លាប់ឈ្នះជើងឯកអឺរ៉ូ២លើកគឺឆ្នាំ១៩៨៤និង២០០០ ហើយធ្លាប់ទទួលបានជើងឯករង១លើកគឺឆ្នាំ២០១៦។ ក្រុមជម្រើសជាតិបារាំង បានឡើងដល់វគ្គផ្ដាច់ព្រ័ត្រ៣លើក។

៥. ក្រុមជម្រើសជាតិរុស្សី

ក្រុមជម្រើសជាតិរុស្សី ធ្លាប់ឈ្នះជើងឯកអឺរ៉ូ១លើកក្នុងឆ្នាំ១៩៦០ ហើយឈ្នះជើងឯករង៣លើកគឺឆ្នាំ១៩៤៦ ១៩៧២ និង១៩៨៨។ រុស្សី បានឡើងដល់វគ្គផ្ដាច់ព្រ័ត្រ៤លើក ប៉ុន្តែឈ្នះជើងឯកតែ១ដងប៉ុណ្ណោះ។ ជាមួយគ្នានេះ ក្រុមជម្រើសជាតិឆែក ព័រទុយហ្គាល់ ស្លូវាគី ហុល្លង់ ដាណឺម៉ាក់ និងក្រិក ធ្លាប់បានឈ្នះ១លើកដូចគ្នា៕