កីឡា

ជើងខ្លាំងរុស្ស៊ីខ្សែក្រវាត់ច្រើន Alexandr សង្ឃឹមឈ្នះ ធឿន ធារ៉ា ២០០%

បានផុស

១០ ខែ មុន

នៅ

ថ្ងៃព្រហស្បតិ៍ ១៣ មិថុនា ២០២៤

ដោយ

ជើងខ្លាំងរុស្ស៊ី Alexandr Skvortsov ដែលមានបទពិសោធជោកជាំតាំងពីកុមារភាពសង្ឃឹមឈ្នះជើងខ្លាំងគុនខ្មែរ ធឿន ធារ៉ា រហូតដល់២០០% នៅពេលអ្នកទាំងពីរត្រូវជួបគ្នានៅយប់ថ្ងៃសុក្រ ទី១៤ ខែមិថុនា ឆ្នាំ២០២៤ នៅសង្វៀនថោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដាក់ក្តីសង្ឃឹមខ្ពស់បែបនេះសមទំនងរបស់កីឡាកររុស្ស៊ីរូបនេះដែរ បើប្រៀបធៀបនឹងបទពិសោធរបស់ខ្លួន។ រូបគេបានចាប់ផ្តើមប្រកួតប្រដាល់សេរីតាំងពីកុមារភាពមកម្ល៉េះពោលគឺមានរយៈពេលប្រហែលជា១៥ឆ្នាំហើយ។

Alexandr មានប្រវត្តិឡើងសង្វៀនទាំងអាជីព៣៥ដង ក្នុងនោះឈ្នះ២០ដង ចាញ់១៣ដង និងស្មើ២ដង ហើយធ្លាប់ប្រកួតលក្ខណៈស្ម័គ្រចិត្តប្រមាណ១៤៩ដង ក្នុងនោះឈ្នះ១៣២ដង និងចាញ់១៣ង។ បើសរុបការប្រកួតទាំងអាជីព និងស្ម័គ្រចិត្ត គឺចំនួន១៨៤ដង ដូចនឹងកីឡាករគុនខ្មែរដែលប្រកួតមិនគិតអាជីព ឬស្ម័គ្រចិត្តទេគឺសរុបស្ថិតិប្រកួតទាំងអស់។

ក្នុងរយៈពេលចាប់តាំងពីយុវជនក្នុងការប្រកួតលក្ខណៈស្ម័គ្រចិត្ត រហូតដល់ប្រកួតអាជីព កីឡាករ Alexandr Skvortsov បានឈ្នះខ្សែក្រវាត់ទាំងថ្នាក់ជាតិ អឺរ៉ុប និងពិភពលោកប្រហែលជា១៧ខ្សែ។

ខ្សែក្រវាត់ទាំងរបស់ Alexandr មានដូចជា

ខ្សែក្រវាត់ថ្នាក់ជាតិរុស្ស៊ី កម្រិតយុវជនទម្ងន់៥៤គ ឆ្នាំ២០១២
ខ្សែក្រវាត់ថ្នាក់ជាតិរុស្ស៊ី កម្រិតយុវជន ទម្ងន់៥៦គក ឆ្នាំ២០១៣
ខ្សែក្រវាត់ថ្នាក់ជាតិរុស្ស៊ី កម្រិតយុវជនទម្ងន់៦៧គក ឆ្នាំ២០១៥
ខ្សែក្រវាត់ទ្វីបអឺរ៉ុប កម្រិតយុវជន ទម្ងន់៦៧គីឡូក្រាម ឆ្នាំ២០១៦
ខ្សែក្រវាត់ថ្នាក់ជាតិរុស្ស៊ី កម្រិតយុវជន ទម្ងន់៧១គីឡូក្រាម ឆ្នាំ២០១៦
ខ្សែក្រវាត់ថ្នាក់ជាតិរុស្ស៊ី កម្រិតយុវជនទម្ងន់៧១គីឡូក្រាម ឆ្នាំ២០១៦
ខ្សែក្រវាត់ទ្វីបអឺរ៉ុប កម្រិតយុវជនទម្ងន់៦៧គក ឆ្នាំ២០១៦
ខ្សែក្រវាត់ថ្នាក់ជាតិរុស្ស៊ី ទម្ងន់៧១គីឡក្រាម ឆ្នាំ២០១៧
ខ្សែក្រវាត់ K-1 សង្វៀន Fair Fight ទម្ងន់៧០គីឡូក្រាម ឆ្នាំ២០១៨
ខ្សែក្រវាត់ K-1 សង្វៀន Fair Fight ទម្ងន់៧០គីឡូក្រាម ឆ្នាំ២០១៩
ខ្សែក្រវាត់ថ្នាក់ជាតិរុស្ស៊ី WMC ទម្ងន់៦៩.៩គីឡូក្រាម ឆ្នាំ២០២០
ខ្សែក្រវាត់ថ្នាក់ជាតិរុស្ស៊ី ទម្ងន់៧១គីឡូក្រាម ឆ្នាំ២០២០
ខ្សែក្រវាត់ថ្នាក់ជាតិរុស្ស៊ី ទម្ងន់៧១គីឡូក្រាម ឆ្នាំ២០២០
ខ្សែក្រវាត់ពិភពលោក TNA ទម្ងន់៧០គីឡូក្រាម ឆ្នាំ២០២១

ធឿន ធារ៉ា បានក្លាយជាអត្តពលិកខ្មែរដំបូងគេបង្អស់ដែលជាប់ឈ្មោះក្នុងទស្សនាវដ្តីអាមេរិកដ៏ល្បី «Forbes» បន្ទាប់ពីទទួលបានជោគជ័យយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយ និងរួមចំណែកយ៉ាងសំខាន់ក្នុងការផ្សព្វផ្សាយគុនខ្មែរទៅលើឆាកអន្តរជាតិ។