អ្នកចាំទី២រូប​រក្សាសំណាញ់ទីមិនឲ្យដៃគូ​ស៊ុត​ចូល​ច្រើនបំផុតក្នុងពានរង្វាន់ EURO

អ្នកចាំទីជាកីឡាករសំខាន់មួយរូបដែលមិនអាចខ្វះបាននៅ​ទី​លាន​បាល់ទាត់ ជាពិសេសពួកគេជាកីឡាករចុងក្រោយ​រារាំងពី​ការ​ស៊ុត​របស់គូប្រកួត។ ខាងក្រោមនេះជាអ្នកចាំទីរក្សាសំណាញ់ទីមិនឲ្យគូប្រកួតស៊ុតចូលច្រើនបំផុតក្នុងពានរង្វាន់ EURO។

១. អ្នកចាំទី Edwin van der Sar

លោក Edwin van der Sar ដែលជាអតីតអ្នកចាំទីរបស់ក្រុមជម្រើសជាតិហុល្លង់ បច្ចុប្បន្នវ័យ៥៣ឆ្នាំ បានបង្ហាញខ្លួនចំនួន៤លើកក្នុងព្រឹត្តិការណ៍ EURO ជុំចុងក្រោយ​គឺ​ឆ្នាំ១៩៩៦ ២០០០ ២០០៤ និង​២០០៨។​ លោក​បាន​បង្ហាញខ្លួនលើ​ទី​លាន​​១៦​ប្រកួត​ គិតជានាទីបាន​១៥៣៤នាទី ហើយរក្សាសំណាញ់ទីមិនឲ្យគូប្រកួតស៊ុត​ចូល​បាន៩លើក។

២. អ្នកចាំទី Iker Casillas

លោក Iker Casillas វ័យ៤៣ឆ្នាំ ដែលជាអតីតអ្នកចាំទីក្រុមជម្រើសជាតិអេស្ប៉ាញ ជាប់ឈ្មោះក្នុងជម្រើសជាតិក្នុងការប្រកួតជុំចុងក្រោយ EURO ចំនួន៤លើក​គឺ​ឆ្នាំ២០០០ ២០០៤ ២០០៨ ២០១២ និង២០១៦ ប៉ុន្តែ​លោក​បាន​បង្ហាញ​ខ្លួន​លើ​ទី​លាន​តែ​៣​លើក​ចុង​ក្រោយ​ប៉ុណ្ណោះ។ លោក​បាន​រក្សាសំណាញ់ទីមិនឲ្យគូរប្រកួតស៊ុតបញ្ចូលទី៩​ប្រកួត​ និង​​ជួយក្រុមជម្រើស​ជាតិ​អេស្ប៉ាញ​ឈ្នះ​​ជើងឯក​ EURO ២លើកគឺ​ឆ្នាំ​២០០៨ និង​២០១២៕

អត្ថបទ៖ ផា រតនា​