កីឡា

ម្ចាស់មេដាយអូឡាំពិករុស្ស៊ី៣រូប មិនមានសិទ្ធិចូលរួមប្រកួតកីឡាអូឡាំពិកនៅបារាំង

បានផុស

៩ ខែ មុន

នៅ

ថ្ងៃអង្គារ ១៨ មិថុនា ២០២៤

ដោយ

គណៈកម្មាធិការអូឡាំពិកអន្តរជាតិបានប្រកាសអំពីអត្តពលិកឯកត្តជនអព្យាក្រឹត (AIN) មានសិទ្ធិចូលរួមប្រកួតកីឡាអូឡាំពិក ប៉ារីស ឆ្នាំ២០២៤ ស្របពេលគ្នានោះកីឡាករចំបាប់១៦នាក់ត្រូវកាត់ចេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមអ្នកចំបាប់១៦នាក់ ត្រូវបានអនុម័តនោះមានអត្តពលិក១០នាក់ជាអ្នកកាន់លិខិតឆ្លងដែនរុស្ស៊ី ខណៈ៦នាក់ជាអ្នកកាន់លិខិតឆ្លងដែនបេឡារុស្ស។ អត្តពលិកដែលមានសិទ្ធិត្រូវបានអញ្ជើញដែលមានលិខិតឆ្លងដែនរុស្ស៊ី១០នាក់ ក្នុងនោះរួមមានកីឡាចំបាប់ Freestyle រួមមានកីឡាករ Nachin Mongush (៥៧គីឡូក្រាម), Shamil Mamedov (៦៥ គីឡូក្រាម), Arslan Bagaev (៨៦ គីឡូក្រាម), Abdulla Kurbanov (១២៥ គីឡូក្រាម), Greco-Roman Alan Ostaev (៨៧ គីឡូក្រាម) , Magomed Murtazaliev (៩៧ គីឡូក្រាម), អ្នកចំបាប់ស្ត្រី Natalya Malysheva (៥៣ គីឡូក្រាម), Veronika Chumikova (៥៧ គីឡូក្រាម), Alina Kasabieva (៦២ គីឡូក្រាម) និង Elizaveta Petliakova (៦៨ គីឡូក្រាម) ។

ប្រទេសរុស្ស៊ីមានការខាតបង់យ៉ាងខ្លាំងក្នុងកីឡាចំបាប់សេរី។ ដោយសារម្ចាស់ជើងឯកអូឡាំពិក Abdulrashid Sadulaev ម្ចាស់ជើងឯកតូក្យូឆ្នាំ ២០២០ កីឡាករ Zaur Uguev ជើងឯកតូក្យូឆ្នាំ ២០២០ និងជាម្ចាស់ជើងឯកពិភពលោក Zaurbek Sidakov ម្ចាស់មេដាយសំរឹទ្ធអូឡាំពិក កីឡាករ Artur Naifonov មិនស្ថិតក្នុងបញ្ជីមានសិទ្ធិចូលរួមនៅព្រឹត្តិការណ៍អូឡាំពិកប្រទេសបារាំងទេ ក្នុងប្រភេទទម្ងន់៧៤គីឡូក្រាម និង៩៦គីឡូក្រាម។

ខណៈពេលអ្នកចំបាប់ក្រិកបុរាណ របស់រុស្ស៊ីទទួលបាន៦អាជ្ញាប័ណ្ណ សម្រាប់ទីក្រុងប៉ារីស ឆ្នាំ២០២៤ ពួកគេនឹងប្រកួតតែក្នុងប្រភេទទម្ងន់៨៧គីឡូក្រាម និង៩៧គីឡូក្រាមប៉ុណ្ណោះ៕