កីឡា

អ្នកប៉ះសេឆ្នើម Dio កំពុងជួយក្រុម Lavani ឈរលើកំពូលតារាងលីគឥណ្ឌូណេស៊ី

បានផុស

៨ ខែ មុន

នៅ

ថ្ងៃពុធ ១៩ មិថុនា ២០២៤

ដោយ

កីឡាករប៉ះសេឆ្នើមជម្រើសជាតិឥណ្ឌូណេស៊ី Dio Zulfikri កំពុងជួយក្រុម Jakarta Lavani របស់ខ្លួនឲ្យឈរលើកំពូលតារាងបាល់ទះលីគកំពូលឥណ្ឌូណេស៊ី (Proliga) រដូវកាល២០២៤ បន្ទាប់ពីចាប់ផ្តើមប្រកួតតាំងពីចុងខែមេសាមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លងកាត់ការប្រកួត១១លើកកន្លងមក ក្រុម Jakarta Lavani ទទួលបានជ័យជម្នះ៩លើក និងចាញ់២លើក រកបាន២២ពិន្ទុ កំពុងឈរលើកំពូលតារាងលីគ Proliga ដែលមានក្រុមចូលរួមប្រកួតចំនួន៧។

ក្នុងចំណោមសមាជិកក្រុម២០រូប កីឡាករ Dio Zulfikri ដែលបានជួយក្រុមបញ្ជាការដ្ឋានអង្គរក្សឈ្នះជើងឯកតេជោលីគកាលពីដើមឆ្នាំ២០២៤បានដើរតួនាទីយ៉ាងសំខាន់បំផុតក្នុងការជួយលើកបាល់ឲ្យខ្សែប្រយុទ្ធសញ្ជាតិប្រេស៊ីល Renan Buiatti ជាអ្នកផ្តាច់។ កីឡាករប្រេស៊ីលរូបនេះនេះមានកម្ពស់២.១៧ម៉ែត្រចាប់ដៃគ្នាជាមួយកីឡាករអ៉ីរ៉ង់ Mohammadreza Beik កម្ពស់២.០០ម៉ែត្រ និងសមាជិកថ្មីកីឡាករគុយបា Oreol Camejo កម្ពស់២.០៧ម៉ែត្រ។ កីឡាករទាំង៤រូបនេះជាកម្លាំងស្នូលមិនអាចខ្វះបានសម្រាប់ក្រុម Jakarta Lavani។

ចំណែកកីឡាករឥណ្ឌូណេស៊ី Luvi Febrian និង Doni Haryono ដែលបានមកលេងឲ្យបញ្ជាការដ្ឋានអង្គរក្សដែរនោះកំពុងលេងឲ្យក្រុម Jakarta Stin Bin។ ក្រុមនេះកំពុងឈរចំណាត់ថ្នាក់លេខ៣ជាបណ្តោះអាសន្ន បន្ទាប់ពីឆ្លងកាត់១០ប្រកួត ឈ្នះ៦ និងចាញ់៤ រកបាន២០ពិន្ទុ។ អ្វីដែលគួរឲ្យកត់សំគាល់ ៣ប្រកួតចុងក្រោយ ក្រុមJakarta Stin Bin ចាញ់រហូត។

ខាងក្រោមជាលទ្ធផលទាំង១១ប្រកួតរបស់ក្រុម Jakarta Lavani គិតត្រឹមថ្ងៃទី១៥ ខែមិថុនា។