កំពូលអ្នកហែលទឹក Murphy ដាក់​គោល​ដៅ​យកមេដាយ​មាសកីឡាអូឡាំពិកឆ្នាំនេះ

កីឡាករ Ryan Murphy ប្រាប់ពីបំណងប្រាថ្នាធំរបស់ខ្លួន ក្នុងការប្រកួតអូឡាំពិកឆ្នាំ២០២៤នៅទីក្រុងប៉ារីសគឺការដណ្តើមយកមេដាយមាស សម្រាប់​វិញ្ញាសា​ចម្ងាយ​១០០ម៉ែត្រ។

កីឡាករវ័យ២៨ឆ្នាំរូបនេះបានបង្កើតកំណត់ត្រាយ៉ាងល្អ នៅព្រឹត្តិការណ៍អូឡាំពិកនៅទីក្រុង Rio ឆ្នាំ២០១៦ នៅប្រទេសប្រេសុីល ក្រោយដណ្ដើមបានមេដាយមាស៣គ្រឿង ប៉ុន្តែនៅក្នុងព្រឹត្តិការណ៍នៅទីក្រុងតូក្យូ ក្នុងឆ្នាំ២០២០ រូបគេដណ្ដើមបានមេដាមាស១ ប្រាក់១ និងសំរិទ្ធ១។

កីឡាករ Ryan Murphy និយាយថា៖«ខ្ញុំមានអារម្មណ៍ថា ខ្ញុំតែងតែមានភ្លើងនៅក្រោមគូទរបស់ខ្ញុំ។ ខ្ញុំ​ជា​មនុស្ស​ដែល​មាន​កម្លាំង​ចិត្ត​ខ្លាំង។ ខ្ញុំ​ចង់​ឈ្នះ​រាល់​ពេល​ប៉ះ​ទឹក មិនថា​តែពេលហ្វឹកហាត់​នៅ​ព្រឹក​ថ្ងៃ​ច័ន្ទ ឬ​វគ្គ​ផ្តាច់​ព្រ័ត្រ​អូឡាំពិកទេ។ ខ្ញុំចង់ទៅអូឡាំពិក ហើយខ្ញុំចង់ឈ្នះ»។

ម្ចាស់មេដាយមាស៤គ្រឿង​បានបញ្ចប់ក្នុងចំណាត់ថ្នាក់លេខ៣ ក្នុងការប្រកួតហែលទឹកចម្ងាយ១០០ម៉ែត្រក្នុងកីឡា​អូឡាំពិល ទីក្រុងតូក្យូ ឆ្នាំ​២០២០ តាមពីក្រោយអត្តពលិករុស្ស៊ី២នាក់។ ក្នុងព្រឹត្តិការណ៍អូឡាំពិកឆ្នាំ២០២៤ ជាពេលវេលាដែល Ryan Murphy ដាក់​ក្តី​ស្រមៃ​យក​មេដាយមាស ក្នុងការប្រកួតហែលទឹកចម្ងាយ១០០ម៉ែត្រ៕

ប្រភព៖ Reuters
ប្រែសម្រួល៖ ផា រតនា