កីឡា

រកឃើញក្រុមបាល់ទះនារីទាំង១២បានកៅអីកីឡាអូឡាំពិក២០២៤

បានផុស

៨ ខែ មុន

នៅ

ថ្ងៃពុធ ១៩ មិថុនា ២០២៤

ដោយ

ក្រោយបញ្ចប់ការប្រកួតវគ្គវិលជុំសន្សំពិន្ទុក្នុងពូលពានរង្វាន់នារីពិភពលោក Nations League ទីបំផុតរកឃើញក្រុមបាល់ទះនារីចំនួន១២ទទួលបានកៅអីទៅការប្រកួតក្នុងព្រឹត្តិការណ៍អូឡាំពិកនៅប្រទេសបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវិលជុំសន្សំពិន្ទុ Women’s Volleyball Nations League (VNL) ជាការប្រកួតជម្រុះកីឡាអូឡាំពិកទីក្រុងប៉ារីសឆ្នាំ២០២៤។ ផ្អែកតាមលទ្ធផលចំណាត់ថ្នាក់ពិភពលោកបាល់ទះនារីពិភពលោកនៅថ្ងៃទី១៧ ខែមិថុនា បានកំណត់ក្រុមនារីចុងក្រោយចំនួន៥ក្រុមមានឱកាសឡើងទៅប្រកួតវិញ្ញាសាបាល់ទះនារី ក្នុងកីឡាអូឡាំពិក ជាមួយក្រុមនារី៧ផ្សេងទៀតរង់ចាំដោយស្វ័យប្រវត្តិ។

ក្រុមបាល់ទះនារីសរុបចំនួន១២គឺម្ចាស់ផ្ទះបារាំង១ក្រុម ជាមួយក្រុម៦បានមកពីការប្រកួតវគ្គជម្រុះឆ្នាំ២០២៣ មុនព្រឹត្តិការណ៍អូឡាំពិក និងក្រុមល្អបំផុតចំនួន៥ក្រុម ក្នុងតារាងចំណាត់ថ្នាក់ពិភពលោកគិតត្រឹមថ្ងៃទី១៧ ខែមិថុនា។ ក្រុមចំនួន២បានផ្តល់អាទិភាពដល់ក្រុមល្អបំផុតមកពីអាស៊ី និងអាហ្រ្វិក។ ការប្រកួតបាល់ទះនារី Paris 2024 នឹងប្រព្រឹត្តទៅចាប់ពីថ្ងៃទី១៨ ខែកក្កដា ដល់ថ្ងៃទី១១ ខែសីហា នៅកីឡដ្ឋាន Paris South Arena។

សមាសភាពក្រុមទាំង១២រួមមាន ម្ចាស់ផ្ទះបារាំង ដូមីនីក ស៊ែប៊ី តួកគី ប្រេស៊ីល សហរដ្ឋអាមេរិក ប៉ូឡូញ អុីតាលី ចិន ជប៉ុន ហុល្លង់ និងកេនយ៉ា៕

ប្រែសម្រួល៖ ផា រតនា