Arda Güler ក្លាយជាកីឡាករវ័យក្មេងទី៥ស៊ុតបញ្ចូលទីនៅ EURO

ក្រោយស៊ុតបញ្ចូលទីក្នុងជំនួបរវាងក្រុមតួកគីទល់នឹង​ក្រុមហ្សកហ្ស៊ី កីឡាករ Arda Güler បានក្លាយជាកីឡាករវ័យក្មេងទី៥ រកគ្រាប់ស៊ុតបញ្ចូលទីក្នុងការប្រកួតព្រឹត្តិការណ៍អឺរ៉ូជុំចុងក្រោយ។

ខ្សែបម្រើប្រយុទ្ធសញ្ជាតិតួកគី Arda Güler បានស៊ុតបញ្ចូលទីនៅនាទី៦៥ ក្នុងជំនួបរវាងក្រុមតួកគីជា​មួយ​ក្រុម​ហ្សកហ្ស៊ី ក្នុងវគ្គសន្សំពិន្ទុក្នុងពូល F កាលពីយប់ថ្ងៃទី១៩ ខែមិថុនា ឆ្នាំ២០២៤ ក្នុងវ័យត្រឹមតែ១៩ឆ្នាំនិង១១៤ថ្ងៃ។ ក្រោយការស៊ុតបញ្ចូលទីនេះ រូប​គេ​បាន​ក្លាយជាកីឡាករវ័យក្មេងទី៥ ស៊ុតបញ្ចូលទីក្នុងព្រឹត្តិការណ៍អឺរ៉ូជុំចុងក្រោយ។

បញ្ជីឈ្មោះកីឡាករវ័យក្មេងទាំង៥រូបស៊ុតបញ្ចូលទីក្នុងព្រឹត្តិការណ៍អឺរ៉ូជុំចុងក្រោយ

១. កីឡាករ Johan Vonlanthen ស៊ុតបញ្ចូលទីក្នុងវ័យ១៨ឆ្នាំនិង១៤១ថ្ងៃ ក្នុងជំនួបរវាងក្រុមស្វីសជា​មួយ​​បារាំង កាលពីថ្ងៃទី២១ ខែមិថុនា ឆ្នាំ២០០៤។

២. កីឡាករ Wayne Rooney ស៊ុតបញ្ចូលទីក្នុងវ័យ១៨ឆ្នាំនិង២៣៧ថ្ងៃ ក្នុងជំនួបរវាងក្រុមអង់គ្លេសនិងក្រុមស្វីស កាលពីថ្ងៃទី១៧ ខែមិថុនា ឆ្នាំ២០០៤។

៣. កីឡាករ Renato Sanches ស៊ុតបញ្ចូលទីក្នុងវ័យ១៨ឆ្នាំនិង៣១៧ថ្ងៃ ក្នុងជំនួបរវាងក្រុមព័រទុយហ្គាល់និងក្រុមប៉ូឡូញ កាលពីថ្ងៃទី៣០ ខែមិថុនា ឆ្នាំ២០១៦។

៤. កីឡាករ Dragan Stojković ស៊ុតបញ្ចូលទីក្នុងវ័យ១៩ឆ្នាំនិង១០៨ថ្ងៃ ក្នុងជំនួបរវាងក្រុមព័រទុយហ្គាល់និងក្រុមប៉ូឡូញ កាលពីថ្ងៃទី១៩ ខែមិថុនា ឆ្នាំ១៩៨៤។

៥. កីឡាករ Arda Güler ស៊ុតបញ្ចូលទីក្នុងវ័យ១៩ឆ្នាំនិង១១៤ថ្ងៃ ក្នុងជំនួបរវាងក្រុមតួកគីនិងក្រុមហ្សកហ្ស៊ី  កាលពីថ្ងៃទី១៩ ខែមិថុនា ឆ្នាំ២០២៤៕

ប្រភព៖ UEFA
ប្រែសម្រួល៖ ផា រតនា