កីឡា
អាល្លឺម៉ង់កក់កៅអី១៦ក្រុមចុងក្រោយមុនគេ EURO 2024 ខណៈក្រូអាតប្រឈមធ្លាក់
ក្រុមបាល់ទាត់ជម្រើសជាតិអាល្លឺម៉ង់បានឡើងវគ្គ១៦ក្រុមចុងក្រោយមុនគេក្នុងពានរង្វាន់លំដាប់ទី១ទ្វីបអឺរ៉ុប EURO 2024 បន្ទាប់ពីទទួលបានជ័យជម្នះ២លើកនៅវគ្គសន្សំពិន្ទុក្នុងពូល ខណៈក្រូអាតកាន់តែឈមនឹងអស់ឱកាសឡើងវគ្គ១៦ក្រុមចុងក្រោយ។
![](https://www.kampucheathmey.com/wp-content/uploads/2024/06/Germany-2-0-Hungry-6.png)
ក្នុងនាមជាម្ចាស់ផ្ទះ ការប្រកួតសន្សំពិន្ទុពូល A ទី១ អាល្លឺម៉ង់បានយកឈ្នះ ស្កុតឡែន ដោយលទ្ធផល ៥-១ កាលពីថ្ងៃទី១៤ ខែមិថុនា និងការប្រកួតលើកទី២បានយកឈ្នះ ហុងគ្រី ដោយលទ្ធផល ២-០ កាលពីយប់មិញដើម្បីទទួលបាន៦ពិន្ទុពេញ ឈរលើកំពូលតារាង។ ការប្រកួតសន្សំពិន្ទុក្នុងពូលចុងក្រោយ អាល្លឺម៉ង់ ត្រូវប៉ះស្វីស នៅថ្ងៃទី២៣ ខែមិថុនា ឆ្នាំ២០២៤។
![](https://www.kampucheathmey.com/wp-content/uploads/2024/06/Germany-2-0-Hungry-4.png)
អាល្លឺម៉ង់ ជាក្រុមដែលត្រូវបានអ្នកវិភាគមើលថា មានលទ្ធភាពខ្ពស់ក្នុងការឈានឆ្ពោះទៅដល់វគ្គផ្តាច់ព្រ័ត្រ។ នៅក្នុងពូលជាមួយគ្នាគ្មានក្រុមណាដែលជាឧបសគ្គធំសម្រាប់ម្ចាស់ផ្ទះឡើយ។ ប្រសិនបើពួកគេឈរលេខ១ក្នុងពូល A នោះពួកគេនឹងត្រូវជួបក្រុមលេខ២ក្នុងពូល C ប៉ុន្តែប្រសិនបើឈរលេខ២ក្នុងពូល A នឹងត្រូវប៉ះក្រុមលេខ២ក្នុងពូល B។
![](https://www.kampucheathmey.com/wp-content/uploads/2024/06/Germany-2-0-Hungry-5-1024x664.png)
លទ្ធផលការប្រកួត៣គូកាលពីយប់មិញ ក្រុមក្រូអាតរងការខកចិត្តយ៉ាងខ្លាំង បន្ទាប់ពីបានត្រឹមស្មើដោយលទ្ធផល ២-២ ជាមួយអាល់បានី។ ក្រូអាតទើបតែរកបាន១ពិន្ទុប៉ុណ្ណោះពីការស្មើ១ និងចាញ់១ កំពុងឈរបាតតារាង។ ការប្រកួតសន្សំពិន្ទុចុងក្រោយ ក្រូអាតប៉ះក្រុមខ្លាំងអ៉ីតាលី នៅថ្ងៃទី២៤ ខែមិថុនា ឆ្នាំ២០២៤ ដូច្នេះក្រូអាតកំពុងប្រឈមនឹងអត់បានឡើងទៅកាន់វគ្គ១៦ក្រុមចុងក្រោយ។
![](https://www.kampucheathmey.com/wp-content/uploads/2024/06/croatia-2-2-albani.png)
ជាមួយគ្នានេះ ស្កុតឡែន និង ស្វីស បានចែកគ្នា១ពិន្ទុម្នាក់ បន្ទាប់ពីស្មើគ្នាដោយលទ្ធផល ១-១។ ស្វីសមាន៤ពិន្ទុ កំពុងឈរលេខ២ក្នុងពូល ហើយ ស្កុតឡែន មាន១ពិន្ទុ ឈរលេខ៣ និងហុងគ្រីមិនទាន់មានពិន្ទុទេ ឈរនៅបាតតារាង៕
![](https://www.kampucheathmey.com/wp-content/uploads/2024/06/Germany-2-0-Hungry-3.png)
![](https://www.kampucheathmey.com/wp-content/uploads/2024/06/euro-2024-round-2-result-819x1024.jpg)
អត្ថបទ៖ វីរបុត្រ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ