កីឡា
អេស្ប៉ាញបានលេខ១ក្នុងពូលឡើងវគ្គ១៦ក្រុមអឺរ៉ូ ខណៈអង់គ្លេសបង្ហាញទម្រង់មិនសូវល្អ
ក្រុមបាល់ទាត់ជម្រើសជាតិអេស្ប៉ាញបានក្លាយជាក្រុមទី២បានឡើងទៅកាន់វគ្គ១៦ក្រុមចុងក្រោយពានរង្វាន់អឺរ៉ូ ឆ្នាំ២០២៤ បន្ទាប់ពីទទួលបានជ័យជម្នះ២លើកជាប់គ្នានៅសន្សំពិន្ទុក្នុងពូល។
![](https://www.kampucheathmey.com/wp-content/uploads/2024/06/spain.avif)
ការប្រកួតសន្សំពិន្ទុលើកទី១ អេស្ប៉ាញបានយកឈ្នះក្រូអាតដោយលទ្ធផល ៣-០ កាលពីថ្ងៃទី១៥ ខែមិថុនា និងការប្រកួតលើកទី២បានយកឈ្នះអ៉ីតាលីដោយលទ្ធផល ១-០។ គ្រាប់បាល់ជ័យជម្នះរបស់អេស្ប៉ាញកាលពីយប់មិញគឺជាការធ្វើឲ្យចូលទីខ្លួនឯងរបស់ខ្សែការពារអ៉ីតាលី Calafiori នៅនាទី៥៥។
តាមរយៈជ័យជម្នះលើអ៉ីតាលីនេះបានធ្វើឲ្យអេស្ប៉ាញឈរលេខ១ក្នុងពូល B បើទោះបីជានៅសល់១ប្រកួតទៀត ពីព្រោះអ៉ីតាលី ដែលមាន៣ពិន្ទុ កំពុងឈរលេខ២ក្នុងពូលមិនអាចឡើងទៅកាន់លេខ១ក្នុងពូលបានទេ។ បើគិតតាមរូបមន្ត Head to Head អ៉ីតាលីបានចាញ់អេស្ប៉ាញ ដូច្នេះការប្រកួតសន្សំពិន្ទុចុងក្រោយ ក្នុងករណី អ៉ីតាលី ឈ្នះក្រូអាត ហើយអេស្ប៉ាញចាញ់អាល់បានី មាន៦ពិន្ទុស្មើគ្នា ក៏អេស្ប៉ាញនៅតែឈរលេខ១ក្នុងពូល។
![](https://www.kampucheathmey.com/wp-content/uploads/2024/06/RKTE3QGFYHFQP6XSMW3HGYQPEE.avif)
ចំណែកនៅពូលជាមួយគ្នា អាល់បាលី និងក្រូអាត មាន១ពិន្ទុដូចគ្នា បន្ទាប់ពីស្មើ១ប្រកួត និងចាញ់១ប្រកួត ដូច្នេះអស់ឱកាសប្រជែងលេខ១ក្នុងពូលហើយ។
កាលពីយប់មិញនេះដែរ អង់គ្លេស បានត្រឹមស្មើជាមួយ ដាណឺម៉ាក ដោយលទ្ធផល ១-១។ មើលតាមទម្រង់លេង អង់គ្លេសគ្មានអ្វីគួរឲ្យចាប់អារម្មណ៍ ឬបង្ហាញពីភាពរឹងមាំតំបន់ការពារ ឬប្រយុទ្ធដ៏គ្រោះថ្នាក់ឡើយ។ ផ្ទុយទៅវិញ ដាណឺម៉ាក ហាក់មានសន្ទុះគួរឲ្យកត់សំគាល់។ ទោះបីជាយ៉ាងណា អង់គ្លេស កំពុងឈរលើកំពូលតារាងពូល C ដោយមាន៤ពិន្ទុ បន្ទាប់ពីឈ្នះ១ប្រកួត និងស្មើ១ប្រកួត។
![](https://www.kampucheathmey.com/wp-content/uploads/2024/06/ENGLAND-1-1024x652.jpg)
គិតត្រឹមថ្ងៃទី២១ ខែមិថុនា ឆ្នាំ២០២៤ មានក្រុមពីរហើយបានកក់កៅអីឡើងវគ្គ១៦ក្រុមចុងក្រោយគឺម្ចាស់ផ្ទះអាល្លឺម៉ង់ និងអេស្ប៉ាញ ប៉ុន្តែអាល្លឺម៉ង់នៅមិនទាន់ដឹងថាតើស្ថិតនៅលេខ១ ឬលេខ២ក្នុងពូលទេ ដោយត្រូវចាំអ៊ុតការប្រកួតចុងក្រោយ៕
![](https://www.kampucheathmey.com/wp-content/uploads/2024/06/euro-2024-result-round-2-819x1024.jpg)
អត្ថបទ៖ វីរបុត្រ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ