កីឡា
មេដឹកនាំប្រទេស G7 អំពាវនាវឱ្យមានបទឈប់បាញ់អូឡាំពិក
មេដឹកនាំក្រុមប្រទេស G7 បានអំពាវនាវឱ្យមានបទឈប់បាញ់អូឡាំពិក នៅក្នុងអំឡុងព្រឹត្តិការណ៍កីឡាអូឡាំពិក ឆ្នាំ២០២៤ នៅទីក្រុងប៉ារីស តាមរយៈសេចក្តីប្រកាសចុងក្រោយនៃកិច្ចប្រជុំកំពូល។
សេចក្តីថ្លែងការណ៍បាននិយាយថា ៖«យើងជំរុញឱ្យប្រទេសទាំងអស់គោរពវាជាលក្ខណៈបុគ្គល និងជាសមូហភាព ដូចបានលើកឡើងនៅក្នុងដំណោះស្រាយនៃមហាសន្និបាតអង្គការសហប្រជាជាតិដែលបានអនុម័តកាលពីថ្ងៃទី១៥ ខែធ្នូ ឆ្នាំ២០២៣»។
![](https://www.kampucheathmey.com/wp-content/uploads/2024/06/G77-1.png)
G7 ដែលជាក្រុមប្រទេសមានឧស្សាហកម្មធំបំផុតទាំង៧របស់ពិភពលោកបានគាំទ្របទឈប់បាញ់អូឡាំពិកកាលពីថ្ងៃសុក្រសប្តាហ៍មុន ហើយបានអំពាវនាវឱ្យពិភពលោកចូលរួមគ្នាទាំងអស់គ្នា។ នេះបើយោងតាមការប្រកាសរបស់កិច្ចប្រជុំកំពូលនៅភាគខាងត្បូងប្រទេសអ៉ីតាលី។
មេដឹកនាំក្រុមនេះបានជួបពិភាក្សាគ្នារហូតដល់ថ្ងៃសៅរ៍នៅក្នុងសណ្ឋាគារមួយក្នុងតំបន់ Puglia ប្រទេសអ៊ីតាលី បានរម្លឹកថា បទឈប់បាញ់នេះត្រូវបានអនុម័តដោយមហាសន្និបាតអង្គការសហប្រជាជាតិកាលពីថ្ងៃទី២១ ខែវិច្ឆិកា ឆ្នាំ២០២៣។ វាត្រូវបានអនុម័តដោយមានសំឡេងគាំទ្រចំនួន១១៨ និងអនុប្បវាទចំនួនពីរគឺរុស្ស៊ី និងស៊ីរី ដែលបានតវ៉ាប្រឆាំងនឹងការបណ្តេញរុស្ស៊ីចេញពីគណៈកម្មាធិការអូឡាំពិកអន្តរជាតិ។
បទឈប់បាញ់អូឡាំពិកមានន័យថា កាំភ្លើងនឹងនៅស្ងៀមក្នុងអំឡុងពេលពីរសប្តាហ៍នៃការប្រកួតកីឡាអូឡាំពិក ប៉ុន្តែវាមិនធ្លាប់មានក្នុងប៉ុន្មានទសវត្សរ៍ចុងក្រោយនេះឡើយ ដោយទើបតែកើតឡើងស្របពេលជាមួយនឹងសង្រ្គាមពីរនៃផលប៉ះពាល់សកលលោកដ៏ធំដូចជានៅអ៊ុយក្រែន និងហ្គាហ្សា។
![](https://www.kampucheathmey.com/wp-content/uploads/2024/06/G77-2-1024x578.png)
ប្រធានាធិបតីបារាំងលោក Emmanuel Macron និងចិនលោក Xi Jinping បានអំពាវនាវរួចហើយកាលពីខែឧសភា សម្រាប់បទឈប់បាញ់កីឡាអូឡាំពិក នៅក្នុងជម្លោះទាំងអស់ក្នុងអំឡុងពេលការប្រកួតកីឡាប៉ារីសនាពេលខាងមុខ ដែលនឹងអនុញ្ញាតឱ្យមានវឌ្ឍនភាពក្នុងការស្វែងរកដំណោះស្រាយផងដែរ។
លោក Emmanuel Macron បានព្យាយាមហើយព្យាយាមម្តងទៀត ប៉ុន្តែការអង្វររបស់លោកសម្រាប់កីឡាអូឡាំពិកដោយសន្តិភាពដោយគ្មានសង្គ្រាមនៅក្នុងប្រទេសរុស្ស៊ី និងអ៊ុយក្រែននៅតែគ្មានប្រសិទ្ធភាព។
លោកប្រធានធិបតីរុស្ស៊ី វ្ល៉ាឌីមៀ ពូទីន បានច្រានចោលការអំពាវនាវរបស់ប្រធានាធិបតីបារាំងឱ្យមានបទឈប់បាញ់ក្នុងអំឡុងការប្រកួតកីឡាប៉ារីសឆ្នាំ២០២៤ ដូចសមភាគីអ៊ុយក្រែនលោក Volodymyr Zelensky ដែរ៕
ប្រែសម្រួល៖ មន្នីរ័ត្ន
ប្រភព៖ Reuters
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៧ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ