កីឡាករ​ចិន Ouyang ដៃគូប្រកួត Buakaw បានដកខ្លួនពីខ្សែក្រវាត់ K-1 World Max

នៅ​សល់​តែ​ប៉ុន្មានសប្ដាហ៍​ទៀត ​ការ​ប្រកួត​ដណ្តើម​ខ្សែ​ក្រវាត់​ឃីក​បុក​ស៊ីង​ពិភព​លោក K-1 World Max ឈាន​ចូល​មក​ដល់ កីឡាករ​ចិន Ouyang Feng ដែល​ជា​ជើង​ខ្លាំង​បាន​សម្រេច​​ដក​ខ្លួន​ចេញ​ដោយសារ​របួស។

បន្ទាប់​ពី​កីឡាករ​ចិន​ Ouyang Feng ជា​ម្ចាស់​ខ្សែ​ក្រវាត់​ K-1 បច្ចុប្បន្ន​បាន​ប្រកាស​​ដក​ខ្លួន​ ​ដោយសារ​​របួស​បាក់​ឆ្អឹង​ជំនី​ កីឡាករប៊ុលហ្គារី Stoyan Koprivlenski ត្រូវ​បាន​ដាក់​ជំនួស។

កីឡាករ Stoyan Koprivlenski ត្រូវជំនួស​កីឡាករ Ouyang Feng សម្រាប់​ការ​ជួប​កីឡាករ​ថៃ​ Buakaw Banchamek នៅ​ជុំ​ទី១​ ខ្សែ​ក្រវាត់ K-1 World Max ទម្ងន់​៧០​គីឡូក្រាម។

អ្នកគាំទ្រពិតជាសោកស្ដាយដោយសារពួកគេទន្ទឹងរង់ចាំមើលជំនួបរវាងកំពូលកីឡាករប្រដាល់ឃីកបុងសុីងចិន Ouyang ​Feng ជួបជាកីឡាករបទពិសោធច្រើនជនជាតិថៃ Buakaw។ សម្រាប់ព្រឹត្តិការណ៍ K-1 World MAX 2024 នឹងធ្វើឡើងនៅថ្ងៃទី៧ ខែកក្ដដា នៅទីក្រុងតូក្យូ ប្រទេសជប៉ុន៕

ប្រែស្រមួល៖ ផា រតនា