កីឡា

ក្រុមស៊ែប៊ីគំរាមដកខ្លួនចេញពីការប្រកួត Euro

បានផុស

១ នាទី មុន

នៅ

ថ្ងៃសុក្រ ២១ មិថុនា ២០២៤

ដោយ

ក្រុមបាល់ទាត់ជម្រើសជាតិស៊ែប៊ីបានគំរាមដកខ្លួនចេញពីព្រឹត្តិការណ៍ Euro ឆ្នាំ២០២៤ ជុំវិញការស្រែកច្រៀងបែបប្រមាថដល់ការសម្លាប់ជនជាតិស៊ែប៊ី របស់អ្នកគាំទ្រក្រូអាត និងអាល់បានី កាលពីថ្ងៃពុធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គលេខាធិការសមាគមកីឡាបាល់ទាត់ស៊ែប៊ី លោក Jovan Surbatovic បានអំពាវនាវឱ្យមានការដាក់ទណ្ឌកម្មខ្លាំងបំផុតលើអ្នកគាំទ្រដែលបានស្រែកច្រៀងប្រមាថដល់ការសម្លាប់ជនជាតិស៊ែប៊ី។ ក្រុមស៊ែប៊ីបានគំរាមដកខ្លួនចេញពីព្រឹត្តិការណ៍ Euro ឆ្នាំ២០២៤ បន្ទាប់ពីករណីនេះកើតឡើង។ ជាពិសេស ពួកគេចង់ឲ្យមានការពិន័យឬដាក់ទោសចំពោះអ្នកប្រព្រឹត្តទង្វើនេះ។ ស្ថាប័នគ្រប់គ្រងបាល់ទាត់អឺរ៉ុប (UEFA) ក៏បានបើកការស៊ើបអង្កេតលើបញ្ហានេះភ្លាមៗផងដែរ។

នៅក្នុងសេចក្តីថ្លែងការណ៍របស់សហព័ន្ធបាល់ទាត់ស៊ែប៊ី ផ្ញើទៅកាន់អគ្គលេខាធិការ (UEFA) លោក Theodore Theodoridis ដោយគូសបញ្ជាក់ពីការស្រែករួមគ្នារវាង អ្នកគាំទ្រក្រូអាត និងអាល់បានី ក្នុងការប្រមាថដល់ការស្លាប់របស់ជនជាតិស៊ែប៊ី។ ក្រោយមកសហព័ន្ធបាល់ទាត់ទ្វីបអឺរ៉ុប បានបើកការស៊ើបអង្កេតអំពីករណីរើសអើងជាតិសាសន៍ និងអាកប្បកិរិយារើសអើងជាតិសាសន៍របស់អ្នកគាំទ្រ។

បន្ថែមពីនេះ ពួកគេក៏កំពុងស៊ើបអង្កេតលើអាកប្បកិរិយាមិនសមរម្យរបស់ខ្សែប្រយុទ្ធអាល់បានី Mirlind Daku ដែលត្រូវបាននិយាយដាក់មេក្រូទៅកាន់អ្នកគាំទ្រ បន្ទាប់ពីការប្រកួតចប់៕