កីឡា
Varga មានស្ថានភាពល្អប្រសើរ បន្ទាប់ពីរបួសបាក់ឆ្អឹងយប់មិញ
ខ្សែប្រយុទ្ធហុងគ្រី Barnabas Varga កំពុងសម្រាកនៅក្នុងមន្ទីរពេទ្យ បន្ទាប់ពីត្រូវបានបញ្ជូនទៅសង្គ្រោះបន្ទាន់ ក្រោយមានការប៉ះទង្គិចជាមួយអ្នកចាំទី Angus Gunn របស់ក្រុមស្ដុតឡែន។
![](https://www.kampucheathmey.com/wp-content/uploads/2024/06/download-9-1.jpg)
ស្ថានភាពរបួសរបស់កីឡាករ Barnabas Varga កាលពីយប់មិញធ្ងន់ធ្ងរ ធ្វើឲ្យអ្នកគាំទ្រមានការព្រួយបារម្ភយ៉ាងខ្លាំង ប៉ុន្តែគ្រូបង្វឹកក្រុមជម្រើសជាតិហុងគ្រីបានបញ្ជាក់ថា ស្ថានភាពរបស់គេល្អប្រសើរច្រើនហើយ ដោយគ្មានសញ្ញាគ្រោះថ្នាក់ធ្ងន់ធ្ងរទេ។
លោក Marco Rossi បាននិយាយថា ៖«Varga មិនអីទេ តែជាអកុសលគាត់ត្រូវបានវះកាត់ដោយសាររបួសបាក់ឆ្អឹងជាច្រើនផ្នែក។ យើងនឹងឃើញមានអ្វីកើតឡើងបន្ទាប់។ ប្រសិនបើយើងអាចឡើងទៅវគ្គបន្ត ប្រាកដណាស់គាត់នឹងមិននៅចូលរួមជាមួយយើង។ Varga បច្ចុប្បន្នមានសុខភាពល្អ ហើយមិនស្ថិតក្រោមស្ថានភាពហានិភ័យទេ»។
![](https://www.kampucheathmey.com/wp-content/uploads/2024/06/TELEMMGLPICT000383077129_17191751980120_trans_NvBQzQNjv4Bqc3IxSbjMmXltPISQXxZkAKCFjM66479QldWRZZliqmY.webp)
ចំណែកសហព័ន្ធកីឡាបាល់ទាត់ហុងគ្រីក៏បានប្រកាសថា កីឡាករជម្រើសជាតិហុងគ្រី Barnabas Varga បច្ចុប្បន្នកំពុងសម្រាកនៅមន្ទីរពេទ្យមួយក្នុងទីក្រុង Stuttgart។ ពួកគេនឹងជូនដំណឹងដល់អ្នកគាំទ្រភ្លាមៗ ប្រសិនបើមានព័ត៌មានវិវត្ដថ្មីអំពីស្ថានភាព។
ក្រោយបញ្ចប់ការប្រកួត៣លើកវគ្គសន្សំពិន្ទុក្នុងពូល ក្រុមហុងគ្រីឈរនៅលេខ៣ មាន៣ពិន្ទុ។ ពួកគេអាចនឹងមានឱកាសឡើងទៅវគ្គ១៦ក្នុងនាមជាក្រុមលេខ៣ល្អ ប៉ុន្តែយ៉ាងណាមិញត្រូវរង់ចាំមើលលទ្ធផលនៃការប្រកួតនៅពូលផ្សេងៗទៀត៕
ប្រភព៖ BBC
ប្រែសម្រួល៖ ផា រតនា
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ១១ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ១ សប្តាហ៍ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៦ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី