កីឡា
ថ្នាក់ដឹកនាំបាល់ទះបារម្ភផ្នែកស្មារតីនៅពេល U20 កម្ពុជា ប៉ះ វៀតណាម ថ្ងៃស្អែក
លោក អាំង សិរីពិសិដ្ឋ អនុប្រធាន និងជាអគ្គលេខាធិការនៃសហព័ន្ធកីឡាបាល់ទះកម្ពុជាមានការព្រួយបារម្ភផ្នែកស្មារតីអំពីក្រុមបាល់ទះជម្រើសជាតិកម្ពុជាអាយុក្រោម២០ឆ្នាំ (U20) នៅពេលត្រូវប្រកួតជាមួយ វៀតណាម វេលាម៉ោង៤រសៀលថ្ងៃទី២៥ ខែមិថុនា ឆ្នាំ២០២៤។
នេះជាការប្រកួតជម្រុះជើងឯកយុវជនអាស៊ី លើកទី២២ (Asian Men’s U20 Volleyball Championship) ឆ្នាំ២០២៤ ប្រចាំតំបន់អាស៊ីអាគ្នេយ៍ រវាងក្រុមយុវជនកម្ពុជា និង វៀតណាម ដែលប្រទេសថៃធ្វើជាទឹកដីកណ្តាល។ ក្រុមដែលទទួលបានជ័យជម្នះនឹងទទួលបានកៅអីឡើងទៅវគ្គចែកពូលដែលប្រទេសឥណ្ឌូណេស៊ីធ្វើជាម្ចាស់ផ្ទះនាខែកក្កដាខាងមុខ។
មុនពេលឡើងយន្តហោះចេញដំណើរទៅកាលពីថ្ងៃទី២៣ ខែមិថុនា ឆ្នាំ២០២៤ លោក អាំង សិរីពិសិដ្ឋ មានជំនឿចិត្តលើក្រុមយុវជនកម្ពុជានឹងប្រឹងប្រែងអស់ពីលទ្ធភាព និងទទួលបានការសាទរពីប្រជាជនកម្ពុជាទាំងមូលសម្រាប់ការបង្ហាញខ្លួននៅលើទីលាន។
លោកមានប្រសាសន៍ថា ៖«ទោះបីជាការប្រមូលផ្តុំរបស់យើងទើបតែបាន៦សប្តាហ៍ក៏ពិតមែន ប៉ុន្តែខ្ញុំជឿជាក់ថា អត្តពលិករបស់យើងនឹងប្រឹងប្រែងឲ្យអស់ពីលទ្ធភាព។ ធ្វើយ៉ាងណាដណ្តើមយកកៅអីឲ្យខាងតែបានពីក្រុមយុវជនវៀតណាម។ ខ្ញុំជឿជាថា កីឡាករយើងទាំង១២នាក់តំណាងឲ្យប្រជាជនកម្ពុជាទាំងមូល នឹងធ្វើបានល្អ និងទទួលបានការសាទរចំពោះការលេងរបស់ពួកគាត់នៅលើទីលាន»។
ទោះបីជាយ៉ាងណា ថ្នាក់ដឹកនាំរូបនេះមានការព្រួយបារម្ភអំពីស្មារតីជាងបច្ចេកទេសនៅលើទីលាន ពីព្រោះក្រុមយុវជនកម្ពុជាមិនធ្លាប់បានឆ្លងកាត់ការប្រកួតផ្លូវការធំៗ និងក្រៅប្រទេសឡើយ។
លោក អាំង សិរីពិសិដ្ឋ បានលើកឡើងថា ៖«បន្ទាប់ពីប្រកួតមិត្តភាពជាច្រើនលើកជាមួយក្រុមធំៗនៅប្រទេសកម្ពុជា គុណផលរបស់ក្រុមយុវជនកម្ពុជាមានការរីកចម្រើនច្រើន។ ប៉ុន្តែអ្វីដែលមានការព្រួយបារម្ភគឺ ពួកគាត់មិនធ្លាប់បានប្រកួតព្រឹត្តិការណ៍ផ្លូវការធំៗ ជាពិសេសនៅក្រៅទឹកដីតែម្តង។ នេះជាលើកទី១សម្រាប់ពួកគាត់ក្នុងការចេញលេងក្រៅប្រទេសគឺនៅប្រទេសថៃ ហើយជាការប្រកួតអន្តរជាតិផ្លូវការទៀតផង»។
ទន្ទឹមជាមួយគ្នានេះ ក្រុមកម្ពុជាស្ទើរតែមិនបានដឹងអ្វីសោះពីការត្រៀមខ្លួន និងកម្រិតសមត្ថភាពរបស់ក្រុមយុវជនវៀតណាម ពីព្រោះវៀតណាមគ្មានព័ត៌មានណាមួយពាក់ព័ន្ធនឹងការត្រៀមខ្លួនរបស់ពួកគេ។
សម្រាប់ការត្រៀមខ្លួនជម្រុះកម្រិតអាស៊ីលើកដំបូងគិតក្នុងរយៈពេល៦០ឆ្នាំចុងក្រោយនេះ ក្រុម U20 កម្ពុជាបានប្រមូលផ្តុំហ្វឹកហាត់បានរយៈពេល៦សប្តាហ៍ ក្នុងនោះបានប្រកួតមិត្តភាពក្តៅសាច់ដុំជាច្រើនជាមួយក្រុមធំៗនៃលីគបាល់ទះកំពូលកម្ពុជា។
ខាងក្រោមជាថ្នាក់ដឹកនាំ និងក្រុម U20 កម្ពុជា
- លោក អាំង សិរីពិដ្ឋ ជាអ្នកដឹកនាំ
- លោក ផេង សុវណ្ណនូ អ្នកជំនាញស្ថិតិ
- លោក Li Jun ជាគ្រូបង្វឹក
- លោក ងួន សេង គ្រូជំនួយ
- លោក នូវ សាម៉េត គ្រូជំនួយ
- កីឡាករ ឆោម ទីណា (ផ្តាច់ក្រៅប្រអប់)
- កីឡាករ លឹម ចិត្រា (ផ្តាច់ក្រៅប្រអប់)
- កីឡាករ គ្រុយ ម៉េងហ៊ួរ (ផ្តាច់ក្រៅប្រអប់)
- កីឡាករ កែវ ស្រេងលីហ៊ួរ (អ្នកប៉ះសេ)
- កីឡាករ យុន ខេមរ៉ាក់ (អ្នកប៉ះសេ)
- កីឡាករ ហុក គីមហាន (អ្នកប៉ះសេ)
- កីឡាករ ខេង ថុនា (ការពារកណ្តា)
- កីឡាករ សំ សិរីសម្បត្តិ (ការពារកណ្តាល)
- កីឡាករ ស៊យ រ៉ាសិទ្ធ (ការពារកណ្តាល)
- កីឡាករ សរ ពិសី (ផ្តាច់ក្នុងប្រអប់)
- កីឡាករ ណាក់ ផានិត (ផ្តាច់ក្នុងប្រអប់)
- កីឡាករ អ៊ុន សុវណ្ណរាជ (លីប៊ើរ៉ូ)
អត្ថបទ៖ វីរបុត្រ
ត្រាំ គំរាមដាក់ពន្ធលើសហភាពអឺរ៉ុប និងចិនជាថ្មី ខណៈម៉ិកស៊ិក និងកាណាដា ត្រៀមចាត់វិធានការឆ្លើយតប
សហជីពនៅកម្ពុជា៖ ការស្លាប់របស់លោក លិម គិមយ៉ា ជាឈ្នាន់ដើម្បីក្រុមប្រឆាំងប្រមូលកម្លាំងតវ៉ាករណីកោះគុត
កម្ពុជារកចំណូលបានជាង $៦៧១ លាន ពីការនាំចេញជ័រកៅស៊ូ ខណៈតម្លៃបានកើនជាង ៦០០ ដុល្លារ ក្នុងមួយតោន
លោក ស៊ី និងលោក ពូទីន ពិភាក្សាគ្នាពីទំនាក់ទំនងជាមួយ ត្រាំ អ៊ុយក្រែន និងតៃវ៉ាន់
អ្នកជំនាញ៖ វត្តមានជនបរទេសចូលរួម “សំណេរអង្គរ” បង្ហាញពីការស្រឡាញ់ និងការលើកស្ទួយអក្សរសាស្ត្រខ្មែរលើឆាកអន្តរជាតិ
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ