កីឡា

កីឡាករ៥រូបមានតម្លៃពលកម្មខ្ពស់ជាងគេ នៅ Premier League រដូវកាលនេះ

បានផុស

៤ សប្តាហ៍ មុន

នៅ

ថ្ងៃអង្គារ ២៧ សីហា ២០២៤

ដោយ

រដូវកាលឆ្នាំ២០២៤-២៥ ក្លិប Manchester City និង Manchester United នៅតែបន្តជាប់ឈ្មោះជាក្លិបសំបូរទៅដោយកីឡាករដែលមានថ្លៃពលកកម្មខ្ពស់ជាងគេនៅក្របខណ្ឌ Premier League។ ថ្ងៃនេះសារព័ត៌មាន«កម្ពុជាថ្មី» សូមបង្ហាញពីកីឡាករ៥រូបទទួលបានថ្លៃពលកម្មច្រើនជាងគេក្នុងលីគកំពូលប្រទេសអង់គ្លេស រដូវកាលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៥. កីឡាករ Bruno Fernandes របស់ក្លិប Manchester United

ខ្សែបម្រើ Bruno Fernandes ជាកីឡាករទី៣ នៅក្នុងក្លិបបិសាចក្រហម Man Utd ទទួលបានថ្លៃពលកម្មច្រើនជាងគេ។ រូបគេដែលទើបត្រូវបានផ្តល់កុងត្រាថ្មីទទួលបានតម្លៃពលកម្ម ៤១៦,៨៩១ដុល្លារ ក្នុង១សប្ដាហ៍។

៤. កីឡាករ Casemiro របស់ក្លិប Manchester United

ខ្សែបម្រើ Casemiro នៅសល់កុងត្រា២ឆ្នាំទៀតជាមួយក្លិប Man Utd។ កីឡាករអាយុ៣២ឆ្នាំរូបនេះទទួលបានតម្លៃពលកម្ម ៤៥៥,០០០ដុល្លារ ក្នុង១សប្ដាហ៍ ហើយជាកីឡាករទី៤ ទទួលបានថ្លៃពលកម្មខ្ពស់ក្នុងក្របខណ្ឌ Premier League។

៣. កីឡាករ Mohamed Salah របស់ក្លិប Liverpool

ខ្សែប្រយុទ្ធ Mohamed Salah ទទួលបានតម្លៃពលកម្ម ៤៦១,៨៩១ដុល្លារ ក្នុង១សប្ដាហ៍។ រូបគេជាកីឡាករមានប្រាក់ពលកម្មខ្ពស់បំផុតនៅ Liverpool។ Salah នៅសល់កុងត្រា១ឆ្នាំទៀតជា Liverpool។ រូបគេអាចមានជម្រើស២ ប្រសិនបើក្លិបមិនបន្ដកុងត្រា គឺអាចផ្លាស់ទៅអារ៉ាប៊ីសាអូឌីត ដើម្បីទទួលបានប្រាក់ឈ្នួលខ្ពស់ ឬទទួលយកការកាត់តម្លៃពលកម្មដើម្បីបន្តនៅ Liverpool។

២. កីឡាករ Erling Haaland របស់ក្លិប Manchester City

ខ្សែប្រយុទ្ធ Haaland ដែលនៅសល់កុងត្រា៣ឆ្នាំទៀតជាមួយក្លិប Man City មានតម្លៃពលកម្មខ្ពស់បំផុតទី២នៅ Premier League។ តារាបាល់ទាត់សញ្ជាតិន័រវេសទទួលបានថ្លៃពលកម្ម ៤៩៤,៨៨៣ដុល្លារ ក្នុង១សប្តាហ៍។ គិតមកដល់ពេលនេះ Haaland ស៊ុតបាន៩១គ្រាប់ក្នុង១០០ប្រកួតឲ្យ Man City។ បន្ថែមពីលើកំណត់ត្រាផ្ទាល់ខ្លួន ខ្សែប្រយុទ្ធវ័យ២៤ឆ្នាំរូបនេះបានឈ្នះពានរង្វាន់ Champions League, Premier Leagues ចំនួន២លើក, FA Cup, English Community Shield, European Super Cup និង៣លើកជាមួយ Man City។

១. កីឡាករ Kevin De Bruyne របស់ក្លិប Manchester City

ខ្សែបម្រើស De Bruyne ដែលនៅសល់កុងត្រាមួយឆ្នាំទៀតជាមួយក្លិប Manchester City ជាកីឡាករមានតម្លៃខ្ពស់បំផុតនៅ Premier League និង Man City។ ខ្សែបម្រើបែលហ្ស៊ិករូបនេះមានតួនាទីសំខាន់ក្នុងការបញ្ជូនបាល់ និងស៊ុតបញ្ចូលទី។ រូបគេទទួលបានថ្លៃពលកម្ម ៥២៧,៨៧៦ដុល្លារ ក្នុង១សប្ដាហ៍។ រដូវកាលក្រោយ កីឡាករវ័យ៣៣ឆ្នាំរូបនេះអាចផ្លាស់ទៅប្រទេសអារ៉ាប៊ីសាអូឌីត ដើម្បីទទួលបានប្រាក់ខែខ្ពស់ជាងនេះទៀត៕

ប្រែសម្រួល៖ ផា រតនា