កីឡា

U20បាល់ទះកម្ពុជា មិនអាចឡើងវគ្គចែកពូលជើងឯកអាស៊ីបានឡើយ បន្ទាប់ពីចាញ់វៀតណាម

បានផុស

៣ ខែ មុន

នៅ

ថ្ងៃអង្គារ ២៥ មិថុនា ២០២៤

ដោយ

ក្រុមបាល់ទះជម្រើសជាតិកម្ពុជាអាយុក្រោម២០ឆ្នាំ មិនអាចឡើងទៅកាន់វគ្គចែកពូលបានឡើយ បន្ទាប់ពីចាញ់ ក្រុមយុវជនវៀតណាម ដោយលទ្ធផល ២-៣ នៅវគ្គជម្រុះពានរង្វាន់យុវជនអាស៊ីអាយុ២០ឆ្នាំ (Asian Men’s U20 Volleyball Championship) លើកទី២២ ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតដែលធ្វើនៅប្រទេសថៃជាទឹកដីកណ្តាល នៅសិតទី១ ក្រុមយុវជនកម្ពុជាបានយកឈ្នះដោយពិន្ទុ ២៥-២១។ សិតទី២ ក្រុមយុវជនកម្ពុជាបានចាញ់វៀតណាមដោយពិន្ទុ ១៦-២៥។ សិតទី៣បន្តយកឈ្នះដោយពិន្ទុ ២៥-២០។ ប៉ុន្តែនៅសិតទី៤ កម្ពុជា បានចាញ់វៀតណាម ក្នុងលទ្ធផល ២២-២៥ និងនៅសិតទី៥ ក្រុមយុវជនកម្ពុជា បន្តចាញ់ក្រោមលទ្ធផល ៥-១៥។

ការប្រកួតជុំចុងក្រោយ ត្រូវបានកំណត់ជ្រើសរើសយកក្រុមយុវជនជម្រើសជាតិចំនួន១៦ក្រុម។ ក្រុមទាំង១៦រួមមាន តំបន់អាស៊ីកណ្តាលមាន៤ក្រុម (បង់ក្លាដែស ឥណ្ឌា អ៉ីរ៉ង់ និងកាហ្សាស្ថាន) តំបន់អាស៊ីខាងកើតមាន៥ក្រុម (ចិន ឆាយនីយតៃប៉ិ ជប៉ុន កូរ៉េខាងត្បូង និង១ក្រុមទៀត ស្ថិតក្នុងជម្រុះ) តំបន់អូសេអានី១ (ស្ថិតក្នុងវគ្គជម្រុះ) តំបន់អាស៊ីអាគ្នេយ៍មាន៣ក្រុម (ឥណ្ឌូណេស៊ីជាម្ចាស់ផ្ទះ ថៃ និងវៀតណាម)។ តំបន់អាស៊ីខាងលិចមាន៣ក្រុម (គុយវែត កាតារ និងអារ៉ាប៊ីសាអ៊ូឌីត)។

តាមរយៈជ័យជម្នះក្នុងវគ្គជម្រុះទទួលបានកៅអីទៅជុំចុងក្រោយនេះ ក្រុមយុវជនវៀតណាមចូលទៅក្នុង Pool D ដែលមាន កូរ៉េខាងត្បូង ថៃ កាហ្សាស្ថាន ដើម្បីចាប់ឆ្នោតប៉ះក្រុមដែលស្ថិតនៅ Pool C, B និង A។

នេះជាលើកដំបូងក្នុងរយៈពេលប្រហែលជា៥០ឆ្នាំចុងក្រោយដែលយុវជនកម្ពុជាបានចូលរួមប្រកួតយុវជនអាស៊ី៕

អត្ថបទ៖ វីរបុត្រ