កីឡា

ច្បាស់ក្រឡែតបាល់ប៉ះដៃ តែ អាជ្ញាកណ្តាលមិនឲ្យប៉េណាល់ទីទៅ Man United

បានផុស

៤ years មុន

នៅ

ថ្ងៃចន្ទ ១ មីនា ២០២១

ដោយ

ការប្រកួតធំប្រចាំសប្តាហ៍នៅលីគបាល់ទាត់កំពូលអង់គ្លេសរវាងម្ចាស់ផ្ទះ តោខៀវ Chelsea និងភ្ញៀវបិសាចក្រហម Manchester United បានបញ្ចប់ទៅដោយលទ្ធផលស្មើគ្នាគ្មានគ្រាប់បាល់ទម្លាយសំណាញ់ទី។

រឿងមួយដែលធ្វើឲ្យលោក Ole Gunnar Solskjaer គ្រូបង្វឹករបស់បិសាចក្រហមខឹងសម្បាយ៉ាងខ្លាំងនោះគឺដៃបានប៉ះបាល់ ប៉ុន្តែលោកអាជ្ញាកណ្តាលមិនបានផ្តល់ពិន័យប៉េណាល់ទីដល់ក្រុមរបស់លោកឡើយ បើទោះជាពិនិត្យមើលវីដេអូជំនួយអាជ្ញាកណ្តាលក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បាល់បានប៉ះដៃរបស់កីឡាករតោខៀវ Callum Hudon-Odoi នៅក្នុងប្រអប់គ្រោះថ្នាក់។ អាជ្ញាកណ្តាលលោក Stuart Attwell បានពិនិត្យមើលវីដេអូ(VAR)ជាច្រើន ប៉ុន្តែមិនបានផ្តល់បាល់ពិន័យប៉េណាល់ទី។

លោក Ole បានប្រាប់ Sky Sports ថា ច្បាស់ណាស់គឺ១០០%គឺបាល់ប៉ះដៃយ៉ាងច្បាស់ក្រឡែត។ វាបានយកពីរពីន្ទុពីក្រុមរបស់លោក។

ក្រុម Manchester United ត្រូវបានអ្នកគាំទ្រទូទាំងពិភពលោកឃើញថា ជាក្រុមដែលទទួលបានពិន័យប៉េណាល់ទីច្រើនជាងគេ។ ដូច្នេះនេះជារឿងកម្រដែលអាជ្ញាកណ្តាលមិនផ្តល់ពិន័យប៉េណាល់ទីដល់ក្រុមមួយនេះ។

បន្ទាប់ពីរកបានតែ១ពិន្ទុនៅក្រៅដី ក្រុមរបស់លោក Ole នៅតែឈរលេខ២ក្នុងតារាងដែលឃ្លាតឆ្ងាយពីក្រុមចំណាត់ថ្នាក់លេខ១ Manchester City រហូតដល់១២ពិន្ទុឯណោះ៕