កីឡា
ចប់វគ្គសន្សំពិន្ទុក្នុងពូល រឿងភ្ញាក់ផ្អើល៣ក្នុងពាន Euro 2024
ការប្រកួតបាល់ទាត់ជើងឯកទ្វីបអឺរ៉ុប Euro 2024 បានបញ្ចប់វគ្គសន្សំពិន្ទុក្នុងពូលហើយ បន្ទាប់ចាប់ផ្តើមប្រកួតតាំងពីថ្ងៃទី១៤ ខែមិថុនា ដែលប្រទេសអាល្លឺម៉ង់ជាម្ចាស់ផ្ទះ។
![](https://www.kampucheathmey.com/wp-content/uploads/2024/06/EURO2024-LAST-16-TEAMS-1024x717.png)
ការប្រកួតវគ្គសន្សំពិន្ទុក្នុងពូលមានរឿងរ៉ាវជាច្រើនគួរឲ្យចាប់អារម្មណ៍ជាពិសេសលទ្ធផលនៃការប្រកួតតែម្តង។ ក្រុមខ្លាំងមួយចំនួនដែលត្រូវបានគិតថា នឹងបង្ហាញគុណផលល្អក្នុងការរកបានគ្រាប់បាល់ ប៉ុន្តែបែរជាធ្វើឲ្យអ្នកគាំទ្រខកចិត្តទៅវិញ។ ក្រុមខ្លាំងមិនត្រូវបានរំពឹងថា ធ្វើបានល្អ តែបែរជាល្អទៅវិញ។ ថ្ងៃនេះ សារព័ត៌មានកម្ពុជាថ្មី សូមលើកយករឿង៣សំខាន់ដែលគួរឲ្យចាប់អារម្មណ៍។
ទី១៖ អូទ្រីស យកបានលេខ១ក្នុងពូល
![](https://www.kampucheathmey.com/wp-content/uploads/2024/06/Austria-1-1024x570.png)
ក្រុមបាល់ទាត់ជម្រើសជាតិអូទ្រីស បានធ្វើឲ្យពិភពលោកមានការភ្ញាក់ផ្អើលនៅពេលពួកគេយកចបានចំណាត់ថ្នាក់លេខ២ក្នុងពូល D បន្ទាប់ពីឈ្នះ២ប្រកួត និងចាញ់១ប្រកួតក្នុងវគ្គសន្សំពិន្ទុក្នុងពូល ពានរង្វាន់ EURO ឆ្នាំ២០២៤ នៅប្រទេសអាល្លឺម៉ង់។ នៅពូលជាមួយគ្នានេះមានក្រុមខ្លាំង បារាំង និង ហូឡង់ ដែលគ្រប់គ្នាគិតថា ជាក្រុមទទួលបានចំណាត់ថ្នាក់ល្អ ប៉ុន្តែបែរជាចំណាត់លេខ១បានទៅ អូទ្រីស ទៅវិញ។ ៣ប្រកួតរបស់ អូទ្រីស គឺបានយកឈ្នះ ប៉ូឡូញ ៣-១, ឈ្នះហូឡង់ ៣-២ និងចាញ់ បារាំង ០-១។
![](https://www.kampucheathmey.com/wp-content/uploads/2024/06/euro-group-d-1024x349.png)
ទី២៖ ពូល E មាន៤ពិន្ទុស្មើ
វាអាចចាត់ទុកជាប្រវត្តិសាស្ត្រថ្មីមួយមិនធ្លាប់មានក្នុងព្រឹត្តិការណ៍ Euro ដែលការប្រកួតវគ្គសន្សំពិន្ទុក្នុងពូលមួយបញ្ចប់ទៅដោយមានពិន្ទស្មើគ្នាទាំង៤ក្រុម។ ក្រុមទាំង៤គឺឈ្នះ១ ស្មើ១ និងចាញ់១ ទទួលបាន៤ពិន្ទុដូចគ្នា។ រ៉ូម៉ានី ឈ្នះ អ៊ុយក្រែន ៣-០, ស្លូវ៉ាគី ឈ្នះ បែលហ្ស៊ិក ១-០, អ៊ុយក្រែន ឈ្នះ ស្លូវ៉ាគី ២-១, បែលហ្ស៊ិក ឈ្នះ រ៉ូម៉ានី ២-០, ស្លូវ៉ាគី ស្មើ រ៉ូម៉ានី ១-១ និង អ៊ុយក្រែន ស្មើ បែលហ្ស៊ិក ០-០។
![](https://www.kampucheathmey.com/wp-content/uploads/2024/06/EURO-2024-GROUP-E-1024x353.png)
ទី៣៖ ហ្សកហ្ស៊ី បង្កើតប្រវត្តិសាស្ត្រមួយកម្រិតទៀត
ហ្សកហ្ស៊ី បានបង្កើតប្រវត្តិមួយកម្រិតទៀតហើយក្នុងព្រឹត្តិការណ៍អឺរ៉ូ។ ក្រុមជម្រើសជាតិមួយនេះបានឡើងមកជុំចុងក្រោយជាលើកដំបូងក្នុងប្រវត្តិសាស្ត្ររបស់ខ្លួន។ កាលវគ្គជម្រុះ ហ្សកហ្ស៊ី បានស្ថិតនៅចំណាត់ថ្នាក់លេខ៤ ក្នុងពូល A ដែលស្មើនឹងកន្លះកៅអី ត្រូវប្រកួតជម្រុះជាមួយក្រុម លុចសំបួ ដោយឈ្នះក្នុងលទ្ធផល ២-០ និងបន្តឈ្នះ ក្រិក ដោយការទាត់ប៉េណាល់ ៤-០ ទើបទទួលបានកៅជុំផ្តាច់នៅប្រទេសអាល្លឺម៉ង់។
![](https://www.kampucheathmey.com/wp-content/uploads/2024/06/Georgia-1024x609.png)
នេះជាលើកដំបូងដែលហ្សកហ្ស៊ីបានឡើងមកដល់ជុំផ្តាច់ព្រ័ត្រ។ នៅជុំផ្តាច់ព្រ័ត្រ ហ្សកហ្ស៊ី ស្ថិតនៅពូល F ជាមួយ ព័រទុយហ្គាល់ តួកគី និង ឆេក ដែលស្ទើរតែគ្មាននរណាគិតថា ពួកគេអាចឆ្លងផុតវគ្គសន្សំពិន្ទុក្នុងពូលទេ។ អ្វីៗខុសស្រឡះ ហ្សកហ្ស៊ី បានចាញ់ តួកគី ១-៣ ប៉ុន្តែបានយកស្មើឆេក ១-១ និងចុងក្រោយយកឈ្នះក្រុមខ្លាំង ព័រទុយហ្គាល់ ២-០ ដើម្បីទទួលបាន៤ពិន្ទុ ស្ថិតនៅលេខ៣ក្នុងពូលបានឡើងទៅកាន់វគ្គ១៦ក្រុមចុងក្រោយ។ នេះជាប្រវត្តិសាស្ត្រថ្មីមួយទៀតសម្រាប់ហ្សកហ្ស៊ីបានឈានដល់វគ្គ១៦ក្រុមចុងក្រោយ៕
![](https://www.kampucheathmey.com/wp-content/uploads/2024/06/EUROU-GROUP-F-1024x344.png)
អត្ថបទ៖ វីរបុត្រ
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៧ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក