កីឡា

យប់នេះ ជប៉ុន សងសឹក កាណាដា បាល់ទះជើងឯកពិភពលោក VNL 2024

បានផុស

៦ ខែ មុន

នៅ

ថ្ងៃព្រហស្បតិ៍ ២៧ មិថុនា ២០២៤

ដោយ

ការប្រកួតបាល់ទះជើងឯកពិភពលោក 2024 FIVB Men’s Volleyball Nations League ចាប់ផ្តើមវគ្គ៨ក្រុមចុងក្រោយ នៅយប់ថ្ងៃទី២៧ ខែមិថុនា នេះហើយ បន្ទាប់ពីសម្រាករយៈពេល៥ថ្ងៃក្រោយពេលការប្រកួតវិលជុំសន្សំពិន្ទុបានបញ្ចប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គ៨ក្រុមចុងក្រោយនៅយប់ថ្ងៃទី២៧ ខែមិថុនា មាន២គូគឺជាការប៉ះគ្នារវាងក្រុមជម្រើសជាតិជប៉ុន និងកាណាដា ហើយ ប៉ូឡូញ ប៉ះ ប្រេស៊ីល។ នៅថ្ងៃទី២៨ ខែមិថុនា មាន២គូទៀតគឺ ស្លូវេនី ប៉ះ អាហ្សង់ទីន និង អ៉ីតាលី ប៉ះ បារាំង។

កាលវគ្គវិលជុំសន្សំពិន្ទុ ជប៉ុនធ្វើបានល្អមែនទែនដោយស្ថិតនៅចំណាត់ថ្នាក់លេខ៤ក្នុងតារាងដែលមាន១៦ក្រុមជម្រើសជាតិ បន្ទាប់ពីឈ្នះ៩ប្រកួត និងចាញ់៣ប្រកួត រកបាន២៧ពិន្ទុ។ ក្នុងចំណោមបរាជ័យទាំង៣លើក ជប៉ុន បានចាញ់ កាណាដា ដោយលទ្ធផល ២-៣ ដូច្នេះជាឱកាសដែលជប៉ុនត្រូវសងសឹកវិញហើយដើម្បីរកឱកាសឡើងទៅកាន់វគ្គពាក់កណ្តាលផ្តាច់ព្រ័ត្រ។

ពានរង្វាន់ FIVB Men’s Volleyball Nations League ត្រូវបានបង្កើតឡើងកាលពីឆ្នាំ២០១៨ដែលក្រុមបាល់ទះជម្រើសជាតិខ្លាំងទូទាំងពិភពលោកចូលរួមប្រកួត។ ជប៉ុនធ្លាប់បានឡើងដល់វគ្គពាក់កណ្តាលផ្តាច់ព្រ័ត្រម្តងកាលពីឆ្នាំ២០២៣កន្លងទៅ និងទទួលបានមេដាយសំរិទ្ធ បន្ទាប់ពីបានយកឈ្នះក្រុមខ្លាំង អ៉ីតាលី ដោយលទ្ធផល ៣-២។