កីឡា
រសៀលនេះ U16 កម្ពុជា ប៉ះ U16 ព្រុយណេ ត្រូវការឈ្នះច្រើនគ្រាប់
ក្រុមបាល់ទាត់ជម្រើសជាតិកម្ពុជាអាយុ១៦ឆ្នាំ (U16) ត្រូវប្រកួតវគ្គសន្សំពិន្ទុក្នុងពូលចុងក្រោយជាមួយក្រុមយុវជន ព្រុយណេ ដើម្បីរកឱកាសឡើងទៅកាន់វគ្គពាក់កណ្តាលផ្តាច់ព្រ័ត្រជើងឯកយុវជនអាស៊ាន ឆ្នាំ២០២៤ នៅប្រទេសឥណ្ឌូណេស៊ី។
ការបង្ហាញទម្រង់លេងរបស់ក្រុមយុវជនកម្ពុជាឆ្នាំនេះទទួលបានការកោតសរសើរយ៉ាងខ្លាំងពីអ្នកគាំទ្រ បន្ទាប់ពីរកបាន៤ពិន្ទុ តាមរយៈជ័យជម្នះ២-១លើក្រុមយុវជនមីយ៉ាន់ម៉ា និងស្មើ យុវជនវៀតណាម ដោយលទ្ធផល ១-១ ដើម្បីឈរលេខ២ក្នុងតារាងពូល B។
កម្ពុជាកំពុងមាន៤ពិន្ទុស្មើនឹងវៀតណាមដែលកំពុងឈរលេខ១ក្នុង ដោយសារគ្រាប់បាល់ចំណេញច្រើន។ ការប្រកួតរបស់យុវជនកម្ពុជានៅរសៀលម៉ោង៣ ថ្ងៃនេះគឺប្រជែងកំពូលតារាងជាមួយវៀតណាម ប៉ុន្តែក៏ត្រូវប្រជែងលេខ២ល្អបំផុតក្នុងពូលជាមួយ ឡាវ (៦ពិន្ទុ) និង អូស្ត្រាលី (៤ពិន្ទុ)។ ជម្រើសមានជាច្រើនក្នុងការប្រជែងគ្នាឡើងដើម្បីទៅវគ្គពាក់កណ្តាលផ្តាច់ព្រ័ត្រ ដោយអាស្រ័យលើលទ្ធផល និងគ្រាប់បាល់នៃការប្រកួតរៀងៗខ្លួន ខណៈលេខ១ប្រចាំពូលទាំង៣គឺបានឡើងវគ្គពាក់កណ្តាលផ្តាច់ព្រ័ត្រដោយមិនចាំបាច់ខ្វល់នឹងពូលផ្សេង។
ការប្រកួតសន្សំពិន្ទុក្នុងពូល A បានបញ្ចប់ហើយដោយ ម្ចាស់ផ្ទះឥណ្ឌូណេស៊ី បានឡើងទៅកាន់វគ្គពាក់កណ្តាលផ្តាច់ព្រ័ត្រមុនគេ បន្ទាប់ពីឈ្នះ ឡាវ ដោយលទ្ធផល ៦-១ កាលពីយប់មិញ។ ដូច្នេះឡាវស្ថិតនៅលេខ២ក្នុងពូលដែលត្រូវប្រជែងជាមួយ កម្ពុជា និង អូស្ត្រាលី សម្រាប់ក្រុមលេខ២ល្អបំផុតក្នុងពូល។
ប្រវត្តិជួបគ្នា៥លើកក្នុងពានរង្វាន់ ASEAN U-16 Boys Championship របស់ក្រុមទាំងពីរគឺកម្ពុជា ឈ្នះ៣ ព្រុយណេឈ្នះ១ និងស្មើគ្នា១។ អ្វីដែលគួរឲ្យចាប់អារម្មណ៍ ប៉ះគ្នា២លើកចុងក្រោយ ក្រុមយុវជនព្រុយណេ ធ្វើបានល្អគួរឲ្យកត់សំគាល់។
ប្រវត្តិជួបគ្នា៥លើក
- កម្ពុជា ២-០ ព្រុយណេ ឆ្នាំ២០០៧
- កម្ពុជា ៨-០ ព្រុយណេ ឆ្នាំ២០១៣
- កម្ពុជា ២-០ ព្រុយណេ ឆ្នាំ២០១៦
- កម្ពុជា ០-២ ព្រុយណេ ឆ្នាំ២០១៧
- កម្ពុជា ១-១ ព្រុយណេ ឆ្នាំ២០១៩
ទោះបីជាយ៉ាងណា បើក្រឡេកមើលការប្រកួតក្នុងឆ្នាំ២០២៤នេះ ក្រុមយុវជនព្រុយណេធ្វើមិនបានល្អទេដោយត្រូវដៃគូស៊ុតចូលច្រើនគ្រាប់។ ការប្រកួតសន្សំពិន្ទុលើកទី១ ពួកគេចាញ់ វៀតណាម ០-១៥ និងប្រកួតលើកទី២ ចាញ់ មីយ៉ាន់ម៉ា ១-៨។ ព្រុយណេអស់ឱកាសប្រជែងកៅអីវគ្គពាក់កណ្តាលផ្តាច់ព្រ័ត្រហើយ ប៉ុន្តែពួកគេនឹងព្យាយាមឲ្យអស់ពីលទ្ធភាពដើម្បីរកគ្រាប់បាល់ទម្លាយសំណាញ់ទីរបស់កម្ពុជា ក៏ដូចធ្វើយ៉ាងណាឲ្យចាញ់តិចគ្រាប់។
តាមទម្រង់លេងរបស់ក្រុមយុវជនកម្ពុជា២ប្រកួតកន្លងមកឃើញថា មានកម្លាំងស៊ុហ្វល្អ ការពារបានល្អ និងបច្ចេកទេសរកឱកាសវាយបកបានល្អ ហើយក៏មានអ្នកចាំទីដ៏ល្អដែរ ប៉ុន្តែការសម្រេចទីគឺនៅមានកម្រិត។ ខ្សែប្រយុទ្ធទាំងឆ្វេង និងស្តាំ មិនសូវជាចែកបាល់ឲ្យមិត្តរួមក្រុមទេពោលគឺព្យាយាមស៊ុតខ្លួនឯងច្រើនជាង។ ការប្រកួតរសៀលនេះ ក្រុមយុវជនកម្ពុជាត្រូវកែប្រែចំណុចទាំងនេះដើម្បីរកគ្រាប់បាល់ឲ្យបានច្រើន។
កម្មវិធីប្រកួត ម៉ោង៣រសៀលដំណាលគ្នា
- កម្ពុជា vs ព្រុយណេ
- វៀតណាម vs មីយ៉ាន់ម៉ា
ពិន្ទុពូល A
- ឥណ្ឌូណេស៊ី មាន៩ពិន្ទុ បានឡើងវគ្គពាក់កណ្តាលផ្តាច់ព្រ័ត្រ
- ឡាវ មាន៦ពិន្ទុ (៣ប្រកួត ចប់វគ្គសន្សំពិន្ទុ)
- សិង្ហបុរី មាន៣ពិន្ទុ (៣ប្រកួត ចប់វគ្គសន្សំពិន្ទុ)
- ហ្វីលីពីន មាន0ពិន្ទុ (៣ប្រកួត ចប់វគ្គសន្សំពិន្ទុ)
ពិន្ទុពូល B
- វៀតណាម មាន៤ពិន្ទុ (២ប្រកួត)
- កម្ពុជា មាន៤ពិន្ទុ (២ប្រកួត)
- មីយ៉ាន់ម៉ា មាន៣ពិន្ទុ (២ប្រកួត)
- ព្រុយណេ មាន០ពិន្ទុ (២ប្រកួត)
ពិន្ទុពូល C
- ថៃ មាន៤ពិន្ទុ (២ប្រកួត)
- អូស្ត្រាលី មាន៤ពិន្ទុ (២ប្រកួត)
- ម៉ាឡេស៊ី មាន៣ពិន្ទុ (២ប្រកួត)
- ទីម័រខាងកើត មាន០ពិន្ទុ ធ្លាក់ (២ប្រកួត)
អត្ថបទ៖ វីរបុត្រ
ក្រសួងការងារបញ្ជាក់ជូន ERIA ពីសក្តានុពលនៃការបណ្តុះបណ្តាលជំនាញជាគន្លឹះក្នុងការទាក់ទាញវិនិយោគមកកម្ពុជា
រដ្ឋមន្ត្រីមហាផ្ទៃ ដកតំណែងអធិការនគរបាលក្រុងច្បារមន ឱ្យមកជាមន្ត្រី និងបន្ថយស័ក្ដិ១ថ្នាក់
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
អ្នកជំនាញ៖ អាជីវកម្មថៃកំពុងប្រឈមមុខនឹងវិបត្តិ ធ្ងន់ធ្ងរជាងអំឡុងវិបត្តិកូវីដ១៩
សម្ដេចតេជោ ប្រាប់ក្រុមប្រឹក្សាជាតិកម្ពុជាដើម្បីស្ត្រី ត្រូវពង្រឹងការអប់រំឱ្យស្ត្រីបានបន្តការសិក្សាឱ្យបានខ្ពស់
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
បុរសអ្នកតខ្សែភ្លើងភ្ជាប់រ៉ឺម៉កដើម្បីការពារសត្វកណ្ដុរឡើងស៊ីបន្លែ តែត្រូវឆក់ក្មេងប្រុសម្នាក់ស្លាប់ចូលខ្លួនសារភាពកំហុស
ប្រធានមន្ទីរពេទ្យគន្ធបុប្ផា៖ មិនមែន កុមារជិត ៧០០ នាក់ កើតជំងឺទឹកនោមផ្អែម ក្នុងឆ្នាំ២០២៤ ទេ
ព្យុះសង្ឃរា Beryl ដ៏កាចសាហាវ បង្កការបំផ្លិចបំផ្លាញធំធេង នៅ ការ៉ាប៊ីន
រថយន្តដឹកទំនិញពីចិនចាយពេល ៥ ថ្ងៃ លើចម្ងាយផ្លូវ ២៥០០ គីឡូម៉ែត្រ ទើបមកដល់ប្រទេសកម្ពុជា
-
ព័ត៌មានជាតិ៣ ថ្ងៃ agoរថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ agoនគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ agoចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ agoបញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៥ ថ្ងៃ agoក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៧ ថ្ងៃ agoសម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១ ថ្ងៃ agoក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ១២ ម៉ោង agoកូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤