កីឡា

មុនប៉ះគ្នាយប់នេះ ស្វីស មិនធ្លាប់ឈ្នះ អុីតាលី ៣១ឆ្នាំចុងក្រោយ ខណៈអាល្លឺម៉ង់ ប៉ះ ដាណឺម៉ាក

បានផុស

៥ ខែ មុន

នៅ

ថ្ងៃសៅរ៍ ២៩ មិថុនា ២០២៤

ដោយ

ការប្រកួតពានរង្វាន់ EURO វគ្គ១៦ក្រុមចុងក្រោយចាប់ផ្តើមនារាត្រី ថ្ងៃសៅរ៍ ទី២៩ ខែមិថុនា ឆ្នាំ២០២៤នេះហើយដោយ ក្រុមម្ចាស់ផ្ទះអាល្លឺម៉ង់ជួបក្រុមដាណឺម៉ាក ខណៈក្រុមជម្រើសជាតិអ៉ីតាលីជួបក្រុមជម្រើសជាតិស្វីស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេលាម៉ោង១១យប់ រវាងស្វីស និងអុីតាលី គឺជាការជួបគ្នាដែលអ្នកគាំទ្រមើលឃើញថា ស្វីសត្រូវធ្វើការធ្ងន់មែនទែន។ ការប្រកួត៣លើកក្នុងវគ្គសន្សំពិន្ទុកន្លងមកក្រុមទាំង២ធ្វើបានល្អដូចគ្នា។ ស្វីសបានបញ្ចប់លេខ២ ក្នុងពូល A ក្រោយ ឈ្នះ១ និងស្មើ២ មាន៥ពិន្ទុ រកគ្រាប់សរុបបាន៥គ្រាប់និងរបូតគ្រាប់បាល់៣គ្រាប់។

ចំណែកអុីតាលីក៏ជាលេខ២ ក្នុងពូល B បន្ទាប់ពីឈ្នះ១ ចាញ់១ ស្មើ១ មាន៤ពិន្ទុ រកគ្រាប់បាន៣គ្រាប់និងរបូតគ្រាប់បាល់៣គ្រាប់។

ប្រវត្តិជួបគ្នា៦០លើកចុងក្រោយគ្រប់កម្មវិធីរបស់ក្រុមទាំងពីរគឺ អុីតាលីឈ្នះ២៩ដង ស្វីសឈ្នះតែ៧ដងប៉ុណ្ណោះ និងស្មើគ្នា២៩ដង។ ក្នុងរយៈ៣១ឆ្នាំចុងក្រោយ ក្នុងការជួបគ្នា១១លើក ស្វីសមិនដែលយកឈ្នះអុីតាលីឡើយ។

ព្យាករណ៍ជម្រើសដំបូងក្រុមស្វីស
Sommer; Schar, Akanji, Rodriguez; Stergiou, Xhaka, Freuler, Aebischer; Ndoye, Vargas; Embolo

ព្យាករណ៍ជម្រើសដំបូងក្រុមអុីតាលី
Donnarumma; Darmian, Mancini, Bastoni; Di Lorenzo, Barella, Jorginho, Pellegrini, Dimarco; Chiesa, Scamacca

ព្យាករណ៍លទ្ធផល
-ស្វីស ១-២ អុីតាលី (ម៉ោង១១យប់)
-អាល្លឺម៉ង់ ២-០ ដាណឺម៉ាក (ម៉ោង២រំលងអធ្រាត្រ)