កីឡា

បារាំងគ្រងជើងឯក 2024 VNL ខណៈតារាឆ្នើមជប៉ុន Yuki ឈ្នះពានវាយផ្តាច់ល្អបំផុត

បានផុស

៧ ខែ មុន

នៅ

ថ្ងៃចន្ទ ១ កក្កដា ២០២៤

ដោយ

កីឡាករបាល់ទះជម្រើសជាតិជប៉ុន Yuki Ishikawa បានឈ្នះពានរង្វាន់ឯកត្តជនតែមួយប៉ុណ្ណោះគឺអ្នកវាយផ្តាច់ឆ្នើមបំផុត ក្នុងការប្រកួតបាល់ទះជើងឯកពិភពលោក 2024 Men’s Volleyball Nations League ដែលក្រុមបាល់ទះជម្រើសជាតិបារាំងជាម្ចាស់ជើងឯក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គផ្តាច់ព្រ័ត្រកាលពីយប់មិញនេះ បារាំងបានឈ្នះ ជប៉ុន ដោយលទ្ធផល ៣-១ (២៥-២៣, ១៨-២៥, ២៣-២៥ និង ២៥-២៣)។ នេះជាការសងសឹកបានសម្រេចរបស់បារាំង បន្ទាប់ពីពួកគេបានចាញ់ ជប៉ុន កាលវគ្គសន្សំពិន្ទុដោយលទ្ធផល ២-៣។

វាពិតជាគួរឲ្យភ្ញាក់ផ្អើលមែនទែនសម្រាប់បារាំងដែលបានបង្ហាញទម្រង់លេងដ៏ល្អចាប់ពីវគ្គ៨ក្រុមចុងក្រោយមកតែងតែធ្វើបានល្អជានិច្ច។ នៅវគ្គ៨ក្រុមចុងក្រោយ បារាំង បានទម្លាក់ក្រុមខ្លាំង អ៉ីតាល ដោយលទ្ធផល ៣-២ និងវគ្គពាក់កណ្តាលផ្តាច់ព្រ័ត្រ បានទម្លាក់ក្រុមខ្លាំងលេខ១លើលោក និងជាក្រុមម្ចាស់ផ្ទះ ប៉ូឡូញ ដោយលទ្ធផល ៣-២ ហើយវគ្គផ្តាច់ព្រ័ត្រយកឈ្នះ ក្រុមខ្លាំងអាស៊ី ជប៉ុន ដោយលទ្ធផល ៣-១។ ចំណែកចំណាត់ថ្នាក់លេខ៣បានទៅប៉ូឡូញ បន្ទាប់ពីយកឈ្នះស្លូវេនី ដោយលទ្ធផល ៣-០។

កីឡាករបារាំង Antoine Brizard បានឈ្នះពានរង្វាន់កីឡាករឆ្នើមបំផុតប្រចាំព្រឹត្តិការណ៍ (MVP) និងឈ្នះពានរង្វាន់ អ្នកប៉ះសេឆ្នើម (Best Setter) ប្រចាំព្រឹត្តិការណ៍ថែមទៀត។ ចំពោះតារាឆ្នើមជម្រើសជាតិជប៉ុន Yuki Ishikawa បានឈ្នះពានរង្វាន់កីឡាករវាយផ្តាច់ឆ្នើមបំផុត ខណៈពានរង្វាន់នេះក៏បានទៅកីឡាករបារាំង Tomasz Fornal ដែរ។

ជ័យលាភីក្រុម និងឯកត្តជន

ជើងឯក (មេដាយមាស) ៖ បារាំង
ជើងឯករង (មេដាយប្រាក់)៖ ជប៉ុន
លេខ៣ (មេដាយសំរិទ្ធ) ៖ ប៉ូឡូញ
លេខ៤៖ ស្លូវេនី
ពានរង្វាន់កីឡាករឆ្នើមបំផុតប្រចាំព្រឹត្តិការណ៍៖ Antoine Brizard (បារាំង)
ពានរង្វាន់អ្នកប៉ះសេឆ្នើមបំផុត៖ Antoine Brizard (បារាំង)
ពានរង្វាន់វាយផ្តាច់ឆ្នើមបំផុត៖ Yuki Ishikawa (ជប៉ុន) និង Tomasz Fornal (ប៉ូឡូញ)
ពានរង្វាន់បិទកណ្តាលឆ្នើមបំផុត៖ Nicolas Le Goff (បាំរាំង) និង Jakub Kochanowski (ប៉ូឡូញ)
ពានរង្វាន់បាំងទម្លាក់យកពិន្ទុឆ្នើមបំផុត៖ Jean Patry (បារាំង)
ពានរង្វាន់លីប៊ើរ៉ូឆ្នើមបំផុត៖ Tomohiro Yamamoto (ជប៉ុន)