កីឡា

ផ្នែកម្ខាងសុទ្ធតែក្រុមខ្លាំងប៉ះគ្នា វគ្គ៨ក្រុមចុងក្រោយ Euro 2024

បានផុស

១០ នាទី មុន

នៅ

ថ្ងៃពុធ ៣ កក្កដា ២០២៤

ដោយ

ការប្រកួតជើងឯកទ្វីបអឺរ៉ុប Euro 2024 បានរកឃើញក្រុមខ្លាំងឡើងវគ្គ៨ក្រុមចុងក្រោយហើយ បន្ទាប់ការប្រកួតវគ្គ១៦ក្រុមចុងក្រោយបញ្ចប់កាលពីយប់មិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមដែលឡើងវគ្គ៨ក្រុមចុងក្រោយរួមមាន ម្ចាស់ផ្ទះ អាល្លឺម៉ង់ អេស្ប៉ាញ ព័រទុយហ្គាល់ បារាំង ហូឡង់ តួកគី អង់គ្លេស និងស្វីស។ ការប្រកួតវគ្គ៨ក្រុមចុងក្រោយមានក្រុម៤នៅម្ខាង និង៤ក្រុមទៀតនៅម្ខាង។

ក្រុម៤នៅផ្នែកម្ខាងសុទ្ធតែក្រុមខ្លាំងៗគឺ ម្ចាស់ផ្ទះអាល្លឺម៉ង់ ប៉ះ អេស្ប៉ាញ និង ព័រទុយហ្គាល់ ប៉ះ បារាំង។ ក្រុមទាំង៤នេះគឺមាន២ក្រុមឡើងវគ្គពាក់កណ្តាលផ្តាច់ព្រ័ត្រ និងមាន១ក្រុមឡើងវគ្គផ្តាច់ព្រ័ត្រ។ ដូច្នេះក្រុមខ្លាំង៤នេះមិនអាចប៉ះគ្នានៅវគ្គផ្តាច់ព្រ័ត្រឡើយ ហើយពិតជាគួរឲ្យស្តាយដែលមាន២ក្រុមត្រូវធ្លាក់ត្រឹមវគ្គ៨ក្រុមចុងក្រោយ និងមាន១ក្រុមត្រូវធ្លាក់ត្រឹមវគ្គពាក់កណ្តាលផ្តាច់ព្រ័ត្រ។

ចំណែក៤ក្រុមនៅផ្នែកមួយទៀតសុទ្ធតែមានគុណភាពមិនសូវជាលើសខ្វះគ្នាប៉ុន្មានឡើយ គឺ ហូឡង់ ប៉ះ តួកគី និង អង់គ្លេស ប៉ះ ស្វីស។ បើនិយាយពីប្រជាប្រិយភាពល្បីលើទីផ្សារអន្តរជាតិវិញ គឺ អង់គ្លេស និង ហូឡង់។ និយាយឲ្យខ្លី អង់គ្លេស ជាក្រុមល្បីជាងគេដែលអ្នកគាំទ្រចង់ឃើញពួកគេឡើងដល់វគ្គផ្តាច់ព្រ័ត្របំផុត ខណៈ៣ក្រុមផ្សេងទៀតធ្លាក់ក៏មិនសូវធ្វើឲ្យអ្នកគាំទ្រសោកស្តាយខ្លាំងទេ។