កីឡា
ប្រធាន UEFA ថា EURO នារី ឆ្នាំ២០២៥ នឹងក្លាយជាព្រឹត្ដិការណ៍ធំបំផុត
ប្រធានសហព័ន្ធបាល់ទាត់ទ្វីបអឺរ៉ុបបានចាត់ទុកការប្រកួតពានរង្វាន់ EURO នារី ឆ្នាំ២០២៥ នៅប្រទេសស្វីស នឹងក្លាយជាព្រឹត្ដិការណ៍ធំបំផុតមិនធ្លាប់មាន ក្រោយមានសំបុត្រជាង៧០ម៉ឺនសន្លឹកនឹងត្រូវដាក់លក់។
![](https://www.kampucheathmey.com/wp-content/uploads/2024/07/istockphoto-1280479806-612x612-1.jpg)
ប្រទេសស្វីសទទួលបានសិទ្ធិរៀបចំព្រឹត្តិការណ៍ EURO នារី ឆ្នាំ២០២៥ ដែលត្រូវបានគេរំពឹងថា នៅទីនោះនឹងក្លាយជាកន្លែងធ្វើឲ្យអ្នកចូលរួមទស្សនាទទួលអារម្មណ៍ប្លែកមិនធ្លាប់មាន។ ស្វីសជាប់ឈ្មោះជាប្រទេសមានសុវត្ថិភាពហើយជាពិសេសមានទេសភាព និងបរិស្ថានស្រស់ស្អាតបំផុត។
សំបុត្រជាង៧២០,០០០សន្លឹកនឹងត្រូវបានដាក់លក់នៅថ្ងៃទី១ ខែតុលា ខាងមុខនេះនៅភ្នំ Jungfraujoch ដែលតំបន់ទេសចរណ៍ដ៏ល្បីល្បាញបំផុតមួយរបស់ប្រទេសស្វីស និងមានស្ថានីយ៍រថភ្លើងខ្ពស់បំផុតនៅអឺរ៉ុបគឺមានកម្ពស់៣,៤៥៤ម៉ែត្រពីនីវ៉ូទឹកសមុទ្រ។
![](https://www.kampucheathmey.com/wp-content/uploads/2024/07/bc3231e5-4959-4685-a4c5-6a8354c3566c-1.jpg)
លោក Aleksander Čeferin ប្រធានសហព័ន្ធបាល់ទ្វីបអឺរ៉ុបបាននិយាយថា ៖«យើងមានគោលបំណងដើម្បីអភិវឌ្ឍការប្រកួតកីឡាផ្នែកនារីបន្ថែមទៀតសម្រាប់ក្រុមជម្រើសជាតិ ហើយ EURO នារី នាពេលខាងមុខនឹងក្លាយជាជំហានដ៏អស្ចារ្យ។ យើងរំពឹងថា នឹងមានការប្រកួតដ៏អស្ចារ្យដើម្បីបង្កើតកេរ្តិ៍ដំណែលយូរអង្វែងនៅក្នុងប្រទេសស្វីស»។
![](https://www.kampucheathmey.com/wp-content/uploads/2024/07/image-1.jpg)
លោកស្រី Dominique Blanc ប្រធានសមាគមកីឡាបាល់ទាត់ស្វីស បាននិយាយថា ៖«EURO នារី ឆ្នាំ២០២៥ កាន់តែខិតជិតមកដល់។ ឥឡូវនេះយើងនៅសល់តែមួយឆ្នាំទៀតប៉ុណ្ណោះ។ យើងត្រៀមរួចរាល់ជាមួយផែនការសម្រាប់ទីក្រុងត្រូវធ្វើការប្រកួត ហើយអាជ្ញាធរក្នុងតំបន់ យើងនឹងធានាថា ផ្តល់ជូនអ្នកគាំទ្រនូវឆ្នាំដ៏ដ៏អស្ចារ្យ»៕
ប្រែសម្រួល៖ ផា រតនា
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានអន្ដរជាតិ៣ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១៧ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤