កីឡា
ដើម្បីជាតិ កញ្ញា ទួន ស្រីភីន មិនខ្វល់រឿងគ្រោះថ្នាក់ក្នុងការប្រកួតគុនចម្រុះអាស៊ី
កីឡាការិនីប្រដាល់គុនខ្មែរ ទួន ស្រីភីន មិនធ្លាប់បានហ្វឹកហាត់កីឡាគុនចម្រុះ (MMA) មុនពេលសហព័ន្ធកីឡាគុនចម្រុះកម្ពុជាជ្រើសរើសយកកញ្ញាជាកីឡាការិនីជម្រើសជាតិចូលរួមប្រកួតគុនចម្រុះអាស៊ី លើកទី២ ឆ្នាំ២០២៤ ដែលកម្ពុជាធ្វើជាម្ចាស់ផ្ទះ។
ទួន ស្រីភីន បានប្រាប់ថា បន្ទាប់ពីវិលត្រឡប់មកពីប្រកួតគុនខ្មែរនៅប្រទេសបារាំងកាលពីថ្ងៃទី២ ខែមិថុនា និងដល់ថ្ងៃធ្វើសន្និសីទសារព័ត៌មានអំពីការប្រកួតចម្រុះអាស៊ី កាលពីថ្ងៃទី១២ ខែមិថុនា មក កញ្ញាមិនទាន់បានហ្វឹកហាត់គុនចម្រុះម្តងណាសោះ បើទោះបីជាមានឈ្មោះចូលរួមប្រកួតគុនចម្រុះអាស៊ីក៏ដោយ។
ចាប់ពីថ្ងៃទី១៣ ខែមិថុនា ទើបកញ្ញា បានចូលជំរំហ្វឹកហាត់គុនចម្រុះជាមួយកីឡាករ កីឡាការិនីជម្រើសជាតិផ្សេងទៀតនៅក្លិប Cambodian Top Team ដែលមានលោកគ្រូ ហ៊ុន ចន្ទរាជ និងគ្រូជំនាញគុនចម្រុះជាច្រើនរូបទៀត។ កីឡាការិនី ទួន ស្រីភីន បានប្រាប់ថា សម្រាប់ការហ្វឹកហាត់ និងប្រកួតគុនចម្រុះលើកដំបូងនេះគឺប្លែក ពិបាកសម្រាប់នាង ពីព្រោះមិនមែនជាជំនាញរបស់ខ្លួន។
ស្រីភីន បាននិយាយថា ៖«ខ្ញុំធ្លាប់តែវ៉ៃឈរ តែមកហ្វឹកហាត់វ៉ៃឈរ ដេក អង្គុយ អីចឹងទៅវាពិបាក តែអារម្មណ៍ខ្ញុំអត់ភ័យខ្លាចអ្វីទេ។ ខ្ញុំធ្វើចិត្តឲ្យសប្បាយៗ ជិតដល់ថ្ងៃប្រកួតហើយ»។
ជាពិសេសទៀតនោះ ការជាប់ជម្រើសជាតិគឺជាក្តីស្រមៃរបស់នាងតាំងពីតូចមិនថាកីឡាអ្វីនោះទេគឺជាអ្វីដែលកញ្ញាលះបង់គ្រប់បែបយ៉ាងដើម្បីជាតិ។ កញ្ញាបានលើកឡើងថា ៖«ខ្ញុំដឹងថា ពិបាក តែប្រកួតតំណាងជាតិ យើងជាម្ចាស់ផ្ទះ។ សហព័ន្ធគុនចម្រុះផ្តល់ឱកាសឲ្យខ្ញុំគឺខ្ញុំត្រូវតែលះបង់គ្រប់បែបយ៉ាងដើម្បីជាតិ។ ទោះបីជាខ្ញុំជួបបញ្ហា ឧបសគ្គគ្រោះថ្នាក់យ៉ាងណា ក៏ខ្ញុំមិនសោកស្តាយដែរគឺលះបង់ដើម្បីជាតិដែរ»។
កីឡាការិនីគុនខ្មែររូបនេះសង្កត់ធ្ងន់ថា ៖«វាមានតម្លៃធំធេងណាស់សម្រាប់ខ្ញុំក្នុងនាមជាកីឡាការិនីតំណាងជាតិ។ ពាក្យថា តំណាងជាតិ ឬជម្រើសជាតិគឺជាក្តីសុបិនតាំងពីតូច»។
កញ្ញា ទួន ស្រីភីន បន្ថែមថា ៖«ក្បាច់គុន យើងមិនត្រូវចេះតែមួយមុខទេគឺយើងត្រូវចេះច្រើនមុខ ពីព្រោះយើងត្រូវវ៉ៃគុនខ្មែរ គុនចម្រុះ ឃីកបុកស៊ីងជាដើម។ ការបន្ថែមបច្ចេកទេសកីឡាកាន់ច្រើន គឺកាន់តែល្អ»។
នេះជាកីឡាទី២ដែលកីឡាការិនី ទួន ស្រីភីន ទទួលបានឱកាសប្រកួតឲ្យតំណាងជាតិ បន្ទាប់ពីកញ្ញាធ្លាប់ជាប់ជម្រើសជាតិគុនខ្មែរសម្រាប់ការចូលរួមប្រកួតក្នុងកីឡាស៊ីហ្គេម ឆ្នាំ២០២៣ ដែលកម្ពុជាជាម្ចាស់ផ្ទះ។ នៅពេលនោះ កញ្ញាទទួលបានមេដាយប្រាក់។
ទួន ស្រីភីន ស្ថិតក្នុងចំណោមកីឡាការិនី៥រូបគឺ ខៀវ ចិន្ដារ័ត្ន, នៅ ស្រីពៅ, គុណ វ៉ាន់នីតា, សំ ថារ័ត្ន និងកីឡាករ១១រូបគឺ ផេង សុបញ្ញា, ឡុង ឡា, រិន សារ័ត្ន, ហ៊ុន គឹមហៀង, មាស ម៉ើ, សែន ច័ន្ទឫទ្ធិគុន, ហ៊ុន ចន្ទរាជ, ធាន អាន, ចាន់ រតនា, អេ វីរៈខាំឈីតភូថង និង ហាត ភី សម្រាប់់ការប្រកួតគុនចម្រុះអាស៊ី លើកទី២ នៅថ្ងៃទី១១-១២-១៣ ខែកក្កដា ឆ្នាំ២០២៤ នៅវិមានពហុកីឡដ្ឋានជាតិអូឡាំពិក។
គោលបំណងធំបំផុតនៃការរៀបចំព្រឹត្តិការណ៍គុនចម្រុះនេះដើម្បីជំរុញ ផ្សព្វផ្សាយ និងលើកកម្ពស់តម្លៃកីឡាគុនចម្រុះឲ្យក្លាយជាកីឡាផ្លូវការ ស្តង់ដាត្រឹមត្រូវដើម្បីចូលក្នុងព្រឹត្តិការណ៍កីឡាអាស៊ី និងកីឡាអូឡាំពិក។
ការប្រកួតគុនចម្រុះជើងឯកអាស៊ី លើកទី២ នៅប្រទេសកម្ពុជា ក៏ជាការប្រកួតជម្រុះដើម្បីជ្រើសរើសជ័យលាភីទៅចូលរួមប្រកួតក្នុងព្រឹត្តិការណ៍«កីឡាក្នុងសាល និងក្បាច់គុនអាស៊ី (Asian Indoor and Martial Arts Games) នាខែវិច្ឆិកា ឆ្នាំ២០២៤ នៅប្រទេសថៃ៕
អត្ថបទ៖ វីរបុត្រ
ឈរជើងនៅ Galaxy ៤ឆ្នាំ ព្រាប សុវត្ថិ Update ខ្លួនឯងមិនធម្មតា
សម្ដេច ហ៊ុន សែន៖ ៦៩ឆ្នាំជាសមាជិក UN កម្ពុជារួមចំណែកយ៉ាងសកម្មក្នុងសកម្មភាពថែរក្សាសន្តិភាពពិភពលោក
ថ្ងៃ១៤ធ្នូ ជាខួប៣២ឆ្នាំដែលតំបន់អង្គរចុះបញ្ជីបេតិកភណ្ឌពិភពលោក សម្ដេចតេជោ សម្ដែងការអបអរសាទរ
ចិន៖ ហ្វីលីពីន បង្កបញ្ហានៅសមុទ្រចិនខាងត្បូង ព្រោះអាងមានអាមេរិកជាខ្នងបង្អែក
ស្រ្តីថៃម្នាក់ ដើរសុំទានរហូតមានលុយក្នុងដៃជាង៨ម៉ឺនដុល្លារ និងក្នុងកុងធនាគារ ជិត៣០ម៉ឺនដុល្លារ
រុស្ស៊ី ស្នើសុំក្រុមឧទ្ទាមស៊ីរី ដែលផ្ដួលរបប Assad រក្សាទុកមូលដ្ឋានយោធា២កន្លែង
ក្រុមហ៊ុនអន្តរជាតិ ២៣ ចូលរួមដាក់ស្ដង់ពិព័រណ៍ពាណិជ្ជកម្មកម្ពុជា
អ៊ុយក្រែន ធ្វើឃាតអ្នកជំនាញមីស៊ីលរុស្ស៊ី នៅក្បែរទីក្រុង មូស្គូ
ត្រាំ គំរាមឈប់ធ្វើជំនួញជាមួយប្រទេសណា ដែលមិនព្រមទទួលយកជនអន្តោប្រវេសន៍ ទៅវិញ
ធ្លាប់តែគិតថា ខ្លួនឯងនៅម្នាក់ឯងមួយជីវិតហើយ តែ Um Ki Joon បែរមកជួបគូព្រេងនៅអាយុ48ឆ្នាំ
-
ព័ត៌មានអន្ដរជាតិ៤ ថ្ងៃ ago១១ខែ វៀតណាម រញ្ជួយដី ៤៥៨លើក
-
សុខភាព១ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៣ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ចរាចរណ៍៣ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៤ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
ជីវិតកម្សាន្ដ៥ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម៦ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
បច្ចេកវិទ្យា៦ ថ្ងៃ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ