កីឡា

កក់ប្រាក់រង្វាន់១០ម៉ឺនដុល្លារ See You Soon ប៉ះ AP Bren វគ្គ៨ក្រុមពាន MSC 2024

បានផុស

៤ ខែ មុន

នៅ

ថ្ងៃចន្ទ ៨ កក្កដា ២០២៤

ដោយ

ក្រុមកីឡាអេឡិចត្រូនិកកម្ពុជា See You Soon បានឡើងទៅកាន់វគ្គ៨ក្រុមចុងក្រោយពានរង្វាន់ MLBB Mid Season Cup 2024 នៅរាជធានីរីយ៉ាត ព្រះរាជាណាចក្រអារ៉ាប៊ីសាអ៊ូឌីត បន្ទាប់ពីធ្វើបានល្អវគ្គសន្សំពិន្ទុក្នុងពូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គសន្សំពិន្ទុទី១ See You Soon បានស្មើនឹងក្រុម Selangor Red Giants ដោយលទ្ធផល ១-១ ប៉ុន្តែការប្រកួតនោះមានបញ្ហាក្នុងទំនាក់ទំនងគ្នានៅពេលប្រកួត។ គណៈកម្មការរៀបចំការប្រកួតបានពិន័យលើក្រុមកម្ពុជាដោយដកពិន្ទុ ពិន័យជាទឹកប្រាក់ និងមិនអនុញ្ញាតឲ្យមានគ្រូបង្វឹកនៅពេលប្រកួតបន្ទាប់។ តាមរយៈការសម្រេចរបស់គណៈកម្មការរៀបចំការប្រកួតនេះត្រូវបានបដិសេធដោយសហព័ន្ធកីឡាអេឡិចត្រូនិកកម្ពុជាដែលបានស្នើឲ្យមានភស្តុតាងច្បាស់លាស។

ការប្រកួតដោយគ្មានគ្រូបង្វឹក See You Soon បានធ្វើឲ្យមានការភ្ញាក់ផ្អើលខ្លាំងមែនទែនដោយយកឈ្នះក្រុមខ្លាំងឥណ្ឌូណេស៊ី Fnatic ONIC ដោយលទ្ធផល ២-០ និងចុងក្រោយបានយកឈ្នះក្រុមម្ចាស់ផ្ទះអារ៉ាប៊ីសាអ៊ូឌីត Team Falcons ដោយលទ្ធផល ២-០ ដើម្បីស្ថិតនៅចំណាត់ថ្នាក់លេខ២ក្នុងពូល B បានឡើងទៅកាន់វគ្គ៨ក្រុមចុងក្រោយ។

នៅវគ្គ៨ក្រុមចុងក្រោយ See You Soon ត្រូវប៉ះក្រុមហ្វីលីពីន AP. Bren Falcons ជាក្រុមលេខ១ក្នុងពូល D បន្ទាប់ពីឆ្លងកាត់៣ប្រកួត ពួកគេទទួលបានជ័យជម្នះទាំង៣ប្រកួត។ គិតចាប់ទាំងពីឆ្នាំ២០១៨មក ក្រុមហ្វីលីពីននេះមានប្រវត្តិល្អមែនទែនដោយពួកគេបានឈ្នះជើងឯកពិភពលោកពីរដងគឺ M2 កាលពីឆ្នាំ២០២១ និង M5 ឆ្នាំ២០២៣។ ពួកគេធ្លាប់ឈ្នះជើងឯកលីគហ្វីលីពីន MPL Philippines ២ដង និងជើងឯករង៣ដង ព្រមទាំងជើងឯកពានរង្វាន់មួយចំនួនទៀត។

គូប្រកួតវគ្គ៨ក្រុមចុងក្រោយ ពីថ្ងៃទី១០ ដល់ ទី១៤ ខែកក្កដា ឆ្នាំ២០២៤

Liquid Echo (ហូឡង់) vs Falcon Esport (មីយ៉ាន់ម៉ា)
Falcons AP. Bren (ហ្វីលីពីន) vs See You Soon (កម្ពុជា)
Selangor Red Giants (ម៉ាឡេស៊ី) vs Fire Flux Esports (តួកគី)
NIP Flash (សិង្ហបុរី) vs HomeBois (ម៉ាឡេស៊ី)

ការឈានឡើងដល់វគ្គ៨ក្រុមចុងក្រោយមានន័យថា ក្រុម See You Soon មានប្រាក់រង្វាន់ក្នុងដៃ១០ម៉ឺនដុល្លាររួចស្រេចទៅហើយ ប៉ុន្តែប្រសិនបើអាចឡើងទៅកាន់វគ្គពាក់កណ្តាលផ្តាច់ព្រ័ត្រ (៤ក្រុមចុងក្រោយ) នឹងមានប្រាក់រង្វាន់ក្នុងដៃ២០ម៉ឺនដុល្លារអាមេរិក។

ប្រាក់រង្វាន់សរុប៣លានដុល្លារ