កីឡា

កាន់តែធ្ងន់ Saddik ត្រូវបានចាប់ខ្លួនពីបទចាប់ជំរិតនិងជួញដូរគ្រឿងញៀន

បានផុស

៤៦ វិនាទី មុន

នៅ

ថ្ងៃពុធ ១០ កក្កដា ២០២៤

ដោយ

អ្នកប្រដាល់កូនកាត់សញ្ជាតិហូឡង់-ម៉ារ៉ុក Jamal Ben Saddik ត្រូវបានជាប់ចោទបន្ថែមទៀត ពីបទចាប់ជំរិតនិងវាយដំគ្នាពាក់ព័ន្ធជម្លោះជូញដូរគ្រឿងញៀន ក្រោយតុលាការទើបតែសម្រេចដាក់ទោសឲ្យជាប់ពន្ធធានាគារ៤០ខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករប្រដាល់ទម្ងន់ធ្ងន់ Jamal Ben Saddik អាយុ៣៣ឆ្នាំត្រូវបានចាប់ខ្លួន ក្រោយសង្ស័យពាក់ព័ន្ធលើការចាប់ជំរិតនិងការវាយប្រហារគ្នា ទាក់ទងជម្លោះរត់ពន្ធគ្រឿងញៀននៅកំពង់ផែ Antwerp។ រូបគេត្រូវបានចោទប្រកាន់ពីបទចាប់ជំរិត និងវាយដំកម្មករនៅកំពង់ផែ Antwerp ក្រោយសង្ស័យថាកម្មករនៅទីបានទទួលយកលុយមុនពេលនាំយកសារធាតុកូកាអុីនចេញពីកំពង់ផែ។

ការចាប់ខ្លួននេះកើតឡើងប៉ុន្មានថ្ងៃ បន្ទាប់ពីតុលាការនៅទីក្រុង Antwerp បានកាត់ទោស Saddik ឲ្យជាប់ពន្ធនាគារ រយៈពេល៤០ខែ និងពិន័យជាប្រាក់៤០,០០០អឺរ៉ូ ពីបទលាងលុយកង្វក់ និងការក្លែងបន្លំឯកសារ។ ចំពោះប្អូនប្រុសរបស់ Saddik ក៏ត្រូវបានកាត់ទោសក្នុងសំណុំរឿងនេះដែរ។