កីឡា

Davis Cup៖ ថ្ងៃនេះ កម្ពុជា ប៉ះ ក្រុមខ្លាំង គុយវែត ប្រជែងយកលេខ១ពូល B

បានផុស

៧ ខែ មុន

នៅ

ថ្ងៃសុក្រ ១២ កក្កដា ២០២៤

ដោយ

ក្រុមកីឡាវាយកូនបាល់កម្ពុជា ត្រូវប្រកួតវគ្គសន្សំពិន្ទុក្នុងចុងក្រោយជាមួយក្រុមខ្លាំង គុយវែត នៅថ្ងៃនេះ ដើម្បីប្រជែងលេខ១ក្នុងពូល B ក្នុងព្រឹត្តិការណ៍ពិភពលោក Davis Cup ប្រចាំតំបន់អាស៊ី-អូសេអានី កម្រិត៤ (ASIA/OCEANIA IV)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមម្ចាស់ផ្ទះ កម្ពុជា និង គុយវែត បានកក់កៅអីវគ្គខ្វែងរួចហើយ បន្ទាប់ពីបានឈ្នះ២ប្រកួតរៀងៗខ្លួនក្នុងវគ្គសន្សំពិន្ទុក្នុងពូល។ ការប្រកួតសន្សំពិន្ទុកាលពីថ្ងៃទី១០ ខែកក្កដា កម្ពុជា បានយកឈ្នះ អ៉ីរ៉ាក់ ៣-០ និងនៅថ្ងៃទី១១ ខែកក្កដា កម្ពុជា បានឈ្នះ មីយ៉ាន់ម៉ា ៣-០។ ចំណែក គុយវែត ឈ្នះ មីយ៉ាន់ម៉ា ២-០ និងឈ្នះ អ៉ីរ៉ាក់ ២-០ ដែរ។

ពិន្ទុលំអិត កម្ពុជា ៣-០ អ៉ីរ៉ាក់

វិញ្ញាសាឯកត្តជន៖ កីឡាករ ប៊ុន កេន្នី បានឈ្នះ Saidi Adel ២-០ (៦-១, ៦-០)
វិញ្ញាសាឯកត្តជន កីឡាករ Krusling Mathew បានឈ្នះ Abdullah Ali Hatem ២-០ (៧-៦, ៦-៣)
វិញ្ញាសាគូ៖ កីឡាករ ឡេង សារិនរាជ និង Tep Timothy បានឈ្នះ Al Ubaidy min និង Mohammed Abuzed Saber ដោយលទ្ធផល ២០- (ពិន្ទុ ៦-៤, ៦-៤)

ពិន្ទុលំអិត កម្ពុជា ៣-០ មីយ៉ាន់ម៉ា

វិញ្ញាសាឯកត្តជនទី១៖ កីឡាករ Krusling Mathew បានឈ្នះកីឡាករមីយ៉ាន់ម៉ា Hein Latt Kyaw ២-០ (៦-៤, ៦-៤)
វិញ្ញាសាឯកត្តជនទី២៖ កីឡាករ ឡេង សារិនរាជ បានឈ្នះកីឡាករមីយ៉ាន់ម៉ា Aung Kyaw Naing ដោយពិន្ទុ ២-០ (៦-៣, ៦-២)
វិញ្ញាសាវាយគូ៖ កីឡាករ ប៊ុន កេន្នី ចាប់ដៃគូ ឃ្លាំង ពន្លក បានឈ្នះ កីឡាករមីយ៉ាន់ម៉ា Hein Htet Zaw ចាប់ដៃ Aung Myo Thant ដោយលទ្ធផល ២-០ (៧-៥, ៧-២)

តាមដានលទ្ធផលផ្សាយផ្ទាល់៖ Davis Cup Result