កីឡា
យុទ្ធសាស្រ្ត ៣យ៉ាង អង់គ្លេស អាចឈ្នះអេស្ប៉ាញ លើកពានយូរ៉ូ
រាត្រីនេះ ក្រុមតោកំណាចអង់គ្លេស នឹងត្រូវតទល់ជាមួយគោលជល់អេស្ប៉ាញ ក្នុងការប្រកួតវគ្គផ្តាច់ព្រ័ត្រពានរង្វាន់ទ្វីបអឺរ៉ុប ឬគេហៅថា យូរ៉ូ២០២៤។

អ្នកគាំទ្រទាំងសងខាង សុទ្ធតែមានជំនឿចិត្តរៀងៗខ្លួនថា ជម្រើសជាតិរបស់ពួកគេ នឹងអាចនាំពានរង្វាន់មកទឹកដីកំណើត ប៉ុន្តែការប្រកួតនេះ ច្បាស់ជាតានតឹងខ្លាំងណាស់។
ទោះបីជាយ៉ាងណាក៏ដោយ ថ្ងៃនេះអ្នកវិភាគប្រចាំគេហទំព័រ Goal.com បានបង្ហាញយុទ្ធសាស្រ្ត៣យ៉ាងដែលអង់គ្លេស មានភាគរយខ្ពស់អាចយកឈ្នះអេស្ប៉ាញបាន៖
១. បិទ Yamal ឲ្យជាប់
កីឡាករវ័យក្មេងរូបនេះ បានក្លាយជាគ្រាប់ពេជ្រចែងចាំងចិញ្ចាច ក្នុងព្រឹត្តិការណ៍យូរ៉ូ ដោយបង្ហាញទម្រង់លេងយ៉ាងល្អឥតខ្ចោះ។ Yamal គឺជាសុបិនអាក្រក់របស់ខ្សែការពារគ្រប់រូប ពេលដែលលេងតទល់ជាមួយអេស្ប៉ាញ។
អ្នកវិភាគលើកឡើងថា ទម្រង់លេង ៣-៤-៣ របស់លោក Southgate ទំនងបង្កជាចន្លោះប្រហោងឲ្យ Yamal ទម្លុះបាន ដូច្នេះគ្រូអង់គ្លេស ធ្វើយ៉ាងណា ត្រូវដាក់ខ្សែការពារមានគុណភាពទាំងល្បឿននិងកាយសម្បទា ដើម្បីបិទ Yamal ឲ្យជាប់។
យ៉ាងណា អង់គ្លេស ក៏កុំប្រហែសជាមួយយុវជនកំពូលល្បឿន Williams ដែរ!

២. ប្រើកីឡាករបម្រុង
អង់គ្លេស សម្បូរទៅដោយកីឡាករល្អៗ សូម្បីតែឈុតបម្រុងក៏មិនណយដែរ។ ប៉ុន្មានប្រកួតមកនេះ អង់គ្លេស តែងវាយបកគូប្រកួត ជាពិសេសនៅចុងម៉ោងតែម្តង ជាក់ស្តែងការប្រកួតវគ្គ Semi ជាមួយហូឡង់តែម្តងដែល Cole Palmer និង Ollie Watkins ត្រូវបានប្តូរចូល ហើយអ្នកទាំងពីរ គឺជាអ្នករកជ័យជម្នះឲ្យអង់គ្លេស បានឡើងផ្តាច់ព្រ័ត្រ។
យុទ្ធសាស្រ្តរបស់លោក Southgate គឺបែបនេះ! គាត់តែងប្តូរកម្លាំងសំខាន់ចូលចុងម៉ោង ដើម្បីក្រឡុកទីលាន ហើយទទួលបានលទ្ធផលគាប់ប្រសើរ។

៣. ទប់យកប៉េណាល់ទី
អង់គ្លេសឥឡូវ មិនមែនដូចអង់គ្លេសពីមុនទេ ដែលតែងចាញ់បាល់ប៉េណាល់ទីគេ។ អង់គ្លេសឥឡូវ ស៊ុតប៉េណាល់ទីល្អជាងមុន ជាក់ស្តែងក្រោមការដឹកនាំរបស់លោក Southgate អង់គ្លេសឈ្នះបាល់ប៉េណាល់ទីដល់ទៅ៣ដង ក្នុងចំណោម៤ដង។
នេះមានន័យថា បើការប្រកួតវគ្គផ្តាច់ព្រ័ត្រនេះ អូសបន្លាយដល់ការស៊ុតបាល់ប៉េណាល់ទីមែននោះ អង់គ្លេស ប្រហែលមានទឹកមាត់លេប ខណៈដែលអេស្ប៉ាញ ធ្វើមិនបានល្អទេចំពោះការស៊ុតបាល់ប៉េណាល់ទីប៉ុន្មានលើកចុងក្រោយ៕

អត្ថបទ៖ សុខ សុវណ្ណ
ចុចអាន៖ តើ Kane អាចដោះបណ្តាសា ឈ្នះពានលើកដំបូងក្នុងអាជីពរបស់ខ្លួន បានទេ?

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ