កីឡា

អបអរសាទរ! អេស្ប៉ាញ បានក្លាយជាក្រុមឈ្នះជើងឯក Euro ច្រើនជាងគេ

បានផុស

៦ ខែ មុន

នៅ

ថ្ងៃចន្ទ ១៥ កក្កដា ២០២៤

ដោយ

ក្រុមបាល់ទាត់ជម្រើសជាតិអេស្ប៉ាញ បានក្លាយជាក្រុមជម្រើសជាតិតែមួយគត់ដែលបានឈ្នះពានរង្វាន់ទ្វីបអឺរ៉ុប (Euro) ច្រើនជាងគេបំផុត បន្ទាប់ពីបានយកឈ្នះឈ្នះអង់គ្លេស ២-១ ក្នុងវគ្គផ្តាច់ព្រ័ត្រ នៅឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គទី១ អេស្ប៉ាញ វាយសម្រុកយ៉ាងខ្លាំង ប៉ុន្តែគ្មានគ្រាប់បាល់កើតឡើងទេ ដោយសារអង់គ្លេសព្យាយាមការពារយ៉ាងខ្លាំង។ នៅវគ្គទី២បានត្រឹមតែពីរនាទីប៉ុណ្ណោះ ខ្សែបម្រើប្រយុទ្ធ Williams ស៊ុតចូលជួយអេស្ប៉ាញ ១-០ ដើម្បីបង្កើតភាពសប្បាយរីករាយយ៉ាងខ្លាំង។ យ៉ាងណា ខ្សែប្រើប្រយុទ្ធ Cole Palmer បានស៊ុតជួយអង់គ្លេសតាមស្មើ ១-១ នៅនាទី៧៣ មុនពេលគ្រាប់បាល់ជ័យជម្នះ ២-១ នៅនាទីទី៨៦ដោយខ្សែប្រយុទ្ធ Olyrzabal ជួយឲ្យ អេស្ប៉ាញ គ្រងជើងឯកឆ្នាំ២០២៤។

អង់គ្លេស បានត្រឹមជើងឯករងជាលើកទី២ បន្ទាប់ពីបានត្រឹមជើងឯករងដូចគ្នាកាលពីឆ្នាំ២០២០។

ជ័យលាភី

អេស្ប៉ាញ ជាម្ចាស់ជើងឯក Euro ប្រចាំឆ្នាំ២០២៤
អង់គ្លេស ជាជើងឯករង Euro ប្រចាំឆ្នាំ២០២៤
កីឡាករ Rodri ជាម្ចាស់ពានកីឡាករឆ្នើមប្រចាំព្រឹត្តិការណ៍ ឆ្នាំ២០២៤
កីឡាករ Lamine Yamal ជាម្ចាស់ពានកីឡាករវ័យក្មេងឆ្នើមប្រចាំ២០២៤
កីឡាករ Dani Olmo ជាម្ចាស់ពាន អ្នកស៊ុតបញ្ចូលទីច្រើនជាងគេ(៣គ្រាប់)

គិតរហូតដល់ពេលនេះ អេស្ប៉ាញ បានក្លាយជាក្រុមនៅអឺរ៉ុបតែមួយគត់បានឈ្នះជើងឯកច្រើនជាងគេគឺ៤ដង ក្នុងនោះឈ្នះនៅឆ្នាំ១៩៦៤ ២០០៨ ២០១២ និងថ្មីបំផុត២០២៤ ខណៈ អាល្លឺម៉ង់ ធ្លាប់ឈ្នះ៣ដង អ៉ីតាលី២ដង បារាំង២ដង រុស្ស៊ី១ដង ឆេក១ដង ព័រទុយហ្គាល់១ដង ស្កូវ៉ាគី១ដង ហូឡង់១ដង ដាណឺម៉ាក១ដង និងក្រិក១ដង៕