អាហ្សង់ទីន ក្លាយជាក្រុមឈ្នះពាន Copa America ច្រើនជាងគេ

ក្រោយឈ្នះក្រុមជម្រើសជាតិកូឡុំប៊ី វគ្គផ្ដាច់ព្រ័ត្រក្នុងលទ្ធផល ១-០ នៅម៉ោងបន្ដែម១៥នាទី២ដង ក្រុម​បាល់ទាត់​ជម្រើស​ជាតិ​អាហ្សង់ទីនបានក្លាយជាក្រុម​បាន​ឈ្នះពានរង្វាន់ Copa America ច្រើនជាងគេគិតត្រឹមឆ្នាំ២០២៤។

អាហ្សង់ទីន​ជាក្រុមទី១ក្នុងប្រវត្តិសាស្រ្ដពានរង្វាន់បាល់ទាត់ទ្វីបអាមេរិកឡាទីន​ដោយ​បាន​ឈ្នះ​ជើង​ឯក​ Copa America ច្រើនបំផុត។ ពួកគេ​បាន​ឈ្នះ​១៦លើក។ អាហ្សង់ទីនធ្លាប់ឡើងដល់វគ្គផ្ដាច់ព្រ័ត្រ​ចំនួន៣០លើកក្នុងនោះឈ្នះជើងឯក១៦លើកក្នុងឆ្នាំ១៩២១, ១៩២៥, ១៩២៧, ១៩២៩, ១៩៣៧, ១៩៤១, ១៩៤៥, ១៩៤៦, ១៩៤៧, ១៩៥៥, ១៩៥៧, ១៩៥៩, ១៩៩១, ១៩៩៣, ២០២១ និង២០២៤ ខណៈពួកគេឈ្នះជើងឯករងចំនួន១៤លើក។

ក្រុមជម្រើសជាតិអ៊ុយរូហ្គាយជាក្រុមជោគជ័យទី២ ក្នុងពានរង្វាន់ Copa America បន្ទាប់ពីក្រុមជម្រើស​ជាតិអាហ្សង់ទីន។ អ៊ុយរូហ្គាយ ធា្លប់ឡើងដល់វគ្គផ្ដាច់​ព្រ័ត្រ​ចំនួន២១លើក ក្នុងនោះពួកគេគ្រងជើងឯកចំនួន១៥លើកក្នុងឆ្នាំ១៩១៦, ១៩១៧, ១៩២០, ១៩២៣, ១៩២៤, ១៩២៦, ១៩៣៥, ១៩៤២, ១៩៥៦, ១៩៥៩, ១៩៦៧, ១៩៨៣, ១៩៨៧​,​ ១៩៩៥ និង២០១១ ហើយទទួលបានចំណាត់ថ្នាក់ចំនួន៦លើក៕

អត្ថបទ៖ ផា រតនា