ថ្ងៃ​នេះក្រុមបាល់ទាត់កម្ពុជាប្រកួតពានរង្វាន់អន្តរជាតិ២ផ្សេងគ្នា

នៅថ្ងៃទី១៧ ខែកក្ដដា នេះ ក្លិប​បាល់ទាត់​ព្រះខ័នរាជស្វាយរៀង និងក្រុមជម្រើសជាតិកម្ពុជាអាយុក្រោម១៩ឆ្នាំ ​ត្រូវ​ប្រកួត​ពានរង្វាន់អន្តរជាតិ២ផ្សេងគ្នា។

ពានរង្វាន់ Asean Club Championship 2024–2025

វេលម៉ោង៧:៣០នាទីយប់​ ក្រុមម្ចាស់ជើងឯកលីគកំពូលកម្ពុជា ព្រះខ័នរាជស្វាយរៀង នឹងត្រូវ​ប្រកួតជាមួយក្រុមឡាវ Young Elephants ជើងទី១ វគ្គ​ជម្រុះ​ពានរង្វាន់ Asean Club Championship នៅទឹកដីប្រទេសឡាវ។ កាប្រកួតនេះ​នឹង​មានការផ្សាយផ្ទាល់ផេក BTV News។ មុនការការប្រកួតចូលមកដល់កីឡាករ Nick Taylor ក៏រំពឹងថា ក្លិបព្រះខ័នរាជស្វាយរៀងនឹងធ្វើបានល្អ ទោះបី​ក្លិបមានការផ្លាស់ប្ដូរកីឡាករច្រើនក៏ដោយ។

ពានរង្វាន់ ASEAN U19 Boys’ Championship 2024

វេលាម៉ោង៣រសៀល ក្រុមជម្រើសជាតិកម្ពុជាអាយុក្រោម១៩ឆ្នាំ ប្រកួតជាមួយក្រុមជម្រើសជាតិទីម័រខាងកើត វគ្គសន្សំពិន្ទុក្នុងពូលពានរង្វាន់ ASEAN U19 Boys’ Championship 2024 នៅ​ប្រទេសឥណ្ឌូណេស៊ី។ កាប្រកួតនេះ​មានការការប្រកួតផ្សាយបន្តផ្ទាល់​នៅ​ Hang Meas HDTV។

កម្ពុជាស្ថិតក្នុងពូល A រួមមានឥណ្ឌូណេស៊ី ទីម័រខាងកើត និងហ្វីលីពីន។ មុនការប្រកួតចូលមកដល់ លោក ភា សុភក្ត្រា គ្រូបង្វឹកក្រុមជម្រើសកម្ពុជាអាយុក្រោម១៩ឆ្នាំ សន្យាថា នឹងប្រឹងឲ្យអស់លទ្ធភាពក្នុងការប្រកួតថ្ងៃ​នេះ​ដើម្បីបងប្អូនអ្នកគាំទ្រ​ពេញ​ចិត្ត៕

អត្ថបទ៖ ផា រតនា