កីឡា

បាល់ទាត់បារាំងប្តឹង FIFA ករណីរើសអើងពូជសាសន៍របស់កីឡាករ Enzo

បានផុស

៩ ខែ មុន

នៅ

ថ្ងៃពុធ ១៧ កក្កដា ២០២៤

ដោយ

សហព័ន្ធបាល់ទាត់បារាំង បានសម្រេចដាក់ពាក្យបណ្ដឹងទៅសហព័ន្ធបាល់ទាត់ពិភពលោក (FIFA) និងសហព័ន្ធកីឡាបាល់ទាត់អាហ្សង់ទីន ចំពោះករណីរើសអើងពូជសាសន៍ពីកីឡាករ Enzo Fernandez។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហព័ន្ធបាល់ទាត់បារាំង បានលើកឡើងថា ខ្លួននឹងដាក់ពាក្យបណ្តឹងទៅសហព័ន្ធបាល់ទាត់ពិភពលោក ជុំវិញវីដេអូដែលច្រៀងដោយក្រុមកីឡាករអាហ្សង់ទីនប៉ុន្មាននាក់ទាក់ទងអំពីកីឡាករបារាំង។ សហព័ន្ធបាល់ទាត់បារាំងនឹងទាក់ទងទៅសហព័ន្ធបាល់ទាត់អាហ្សង់ទីន អំពីវីដេអូផ្សាយផ្ទាល់ដែលត្រូវបានបង្ហោះនៅលើបណ្តាញសង្គមដោយកីឡាករ Fernandez ក្រោយក្រុមអាហ្សង់ទីនបានឈ្នះជើងឯក Copa America បន្ទាប់ពីយកឈ្នះកូឡុំប៊ី ១-០ នៅវគ្គផ្តាច់ព្រ័ត្រកាលពីថ្ងៃអាទិត្យ។

សេចក្តីថ្លែងការណ៍មួយរបស់សហព័ន្ធបាល់ទាត់បារាំង បានថ្កោលទោសយ៉ាងខ្លាំងបំផុត ដោយមិនអាចទទួលយកបានទេពាក់ព័ន្ធករណីរើសអើងមកលើកីឡាករបារាំង។ រឿងនេះជាបញ្ហាប្រឈមយ៉ាងធ្ងន់ធ្ងរ ដែលផ្ទុយពីតម្លៃនៃកីឡានិងសិទ្ធិមនុស្សជាមូលដ្ឋាន។

យ៉ាងណាមិញ ខ្សែបម្រើអាហ្សង់ទីន Enzo Fernandez ក៏បានចេញមុខសុំទោស និងបានបញ្ជាក់ថា វាជាកំហុសអចេតនា៕

ប្រែសម្រួល៖ ផា រតនា