កីឡា
សម្តេចធិបតី ហ៊ុន ម៉ាណែត ឧបត្ថម្ភប្រតិភូកីឡាកម្ពុជាម្នាក់ៗ៥០០ដុល្លារទៅប្រកួតអូឡាំពិក
សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានឧបត្ថម្ភថវិកាម្នាក់ៗចំនួន៥០០ដុល្លារអាមេរិកដល់ប្រតិភូកីឡាកម្ពុជាសម្រាប់ការចូលរួមប្រកួតកីឡាអូឡាំពិក ឆ្នាំ២០២៤ នៅទីក្រុងបារីស ប្រទេសបារាំង។
ការប្រគល់ថវិកាឧបត្ថម្ភដល់ប្រតិភូ និងអត្តពលិកកម្ពុជាធ្វើឡើងនៅព្រឹកថ្ងៃទី១៧ ខែកក្កដា ឆ្នាំ២០២៤ នៅទីស្នាក់ការនៃគណៈកម្មាធិការជាតិអូឡាំពិកកម្ពុជា នៅពេលលោក ថោង ខុន ទេសរដ្ឋមន្ត្រីទទួលបន្ទុកជំរុញការអភិវឌ្ឍកីឡា និងជាប្រធានគណៈកម្មាធិការជាតិអូឡាំពិកកម្ពុជាបានជួបសំណេះសំណាលជាមួយប្រតិភូ-អត្តពលិកកម្ពុជា។
នៅក្នុងពិធីសំណេះសំណាល លោក ថោង ខុន បានលើកឡើងថា អត្តពលិកកម្ពុជាចូលរួមប្រកួតនេះគឺក្នុងនាមជាសមាជិកចលនាអូឡាំពិកដែលទទួលបានសិទ្ធិអនុគ្រោះ ដោយសារអត្តពលិកកម្ពុជាមិនបានជាប់ជម្រុះសម្រាប់ការចូលរួមប្រកួតពេញសិទ្ធិទេ ប៉ុន្តែកីឡាករ កីឡាការិនីដែលមានឈ្មោះចូលរួមប្រកួតសុទ្ធតែត្រូវបានសម្រេចជ្រើសរើសដោយស្ថាប័នជំនាញអន្តរជាតិពោលគឺមិនមែនកម្ពុជាខ្លួនឯងជាអ្នកកំណត់អត្តពលិកតែម្យ៉ាងនោះទេ។ ហេតុដូច្នេះហើយបានជាជិតដល់ថ្ងៃចេញដំណើរទើបកម្ពុជាដឹងច្បាស់ពីអត្តពលិកដែលត្រូវចូលរួម។
លោក ថោង ខុន បានសង្កត់ធ្ងន់ថា អ្វីដែលសំខាន់ក្នុងការចូលរួមប្រកួតលើសពីការឈ្នះមេដាយទៀតនោះគឺថែរក្សាកេរ្តិ៍ឈ្មោះ និងកិត្តិយសជាតិ។ ទោះបីជាលទ្ធផលបែបណាក៏ដោយ ប្រតិភូទាំងអស់ត្រូវប្រកាន់ភ្ជាប់នូវសេចក្តីថ្លៃថ្នូរ វិជ្ជាជីវៈ និងគោលការណ៍ច្បាប់ឲ្យបានត្រឹមត្រូវ។
ប្រធានគណៈកម្មាធិការជាតិអូឡាំពិកកម្ពុជាមានប្រសាសន៍ថា ៖«ការប្រកួតគឺបើឈ្នះ ឈ្នះដោយយុត្តិធម៌ បើចាញ់ ចាញ់ដោយកិត្តិយស។ កេរ្តិ៍ឈ្មោះជាតិសំខាន់ខ្លាំងណាស់។ យើងមិនត្រូវធ្វើអ្វីឲ្យប៉ះពាល់ដល់កិត្តិយសជាតិ ប៉ះពាល់ដល់ប្រទេសជាម្ចាស់ផ្ទះ ឬអ្នកដទៃឡើយ។ ការទទួលធ្វើជាម្ចាស់ផ្ទះព្រឹត្តិការណ៍មួយៗ ទោះជាប្រទេសណាក៏ដោយ ធំប៉ុណ្ណា រីកចម្រើនយ៉ាងណា គឺជៀសមិនផុសពីមានបញ្ហាខ្លះមិនខាន ដូច្នេះយើងជាភ្ញៀវមិនត្រូវផ្សព្វផ្សាយ ឬបង្ហាញអ្វីដែលជាភាពអសកម្មរបស់ម្ចាស់ផ្ទះឡើយ»។
កីឡាអូឡាំពិក រដូវក្តៅ ឆ្នាំ២០២៤ នៅទីក្រុងបារីស ប្រទេសបារាំងនឹងមានប្រទេសជាសមាជិកអូឡាំពិកចំនួន២០៥ ដែលមានកីឡាករ កីឡាការិនីចំនួន១០៧១៤នាក់ ប្រកួតលើកីឡា៣២ប្រភេទ។
ចំពោះកម្ពុជាបានបញ្ជូនអត្តពលិក៣រូបគឺកីឡាករអត្តពលកម្ម ឈុន ប៊ុនថន ដែលជាម្ចាស់មេដាយមាសស៊ីហ្គេម។ លោក អង់ត្វ័ន ម៉ាតាំង ក្លូឌ កីឡាករហែលទឹក និង កញ្ញា សាក់ប៊ុន អប្សរាកា តារីណា កីឡាការិនីហែលទឹក ព្រមទាំងមានប្រធានប្រតិភូ គ្រូបង្វឹក គ្រូពេទ្យ និងមន្ត្រីរដ្ឋបាលដែលត្រូវចូលរួមពិធីបើក និងបិទ។ ប្រតិភូ-អត្តពលិកកម្ពុជានឹងចេញដំណើរទៅប្រទេសបារាំង ថ្ងៃទី២១ ខែកក្កដា ឆ្នាំ២០២៤៕
- លោក ថោង ខុន រដ្ឋមន្ត្រីទទួលបន្ទកជំរុញការអភិវឌ្ឍកីឡា
- លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា
- លោក ញ៉ាន សុខវិសាល នាយកបេសកកម្ម
- លោក ថោង ធន មន្ត្រីរដ្ឋបាល
- លោកស្រី ហួត ចាន់ធានី គ្រូពេទ្យ
- លោក បូរ ពុធរាត្រី គ្រូបង្វឹកអត្តពលកម្ម
- កញ្ញា ហែមថុន វិទីនី គ្រូបង្វឹកហែលទឹក
- លោក ឈុន ប៊ុនថន កីឡាករហែលទឹក
- លោក អង់ត្វ័ន ម៉ាតាំង ក្លូឌ កីឡាករហែលទឹក
- កញ្ញា សាក់ប៊ុន អប្សរាកា តារីណា កីឡាការិនីហែលទឹក
អត្ថបទ៖ វីរបុត្រ
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៨ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ