កីឡា
សុស៊ីដាន ក្រឡុកចុងម៉ោងជួយព្រះខ័នរាជស្វាយរៀង ឈ្នះ Young Elephants ២-៣
ក្លិបបាល់ទាត់ព្រះខ័នរាជស្វាយរៀង ទទួលបានជ័យជម្នះលើម្ចាស់ផ្ទះ Young Elephants ដោយលទ្ធផល ៣-២ ជើងទី១វគ្គជម្រុះជើងឯកក្លិបអាស៊ាន ASEAN Club Championship ២០២៤-២៥។
ការប្រកួតវគ្គទី១ ព្រះខ័នរាជស្វាយរៀងបានគ្រប់គ្រងបាល់ និងវាយសម្រុកយ៉ាងខ្លាំង។ ដល់នាទីទី១៩ ខ្សែបម្រើប្រយុទ្ធ Gabriel Silva ស៊ុតឲ្យក្រុមភ្ញៀវនាំមុខ ០-១ មុន ប៉ុន្តែដល់នាទី៣៣ Young Elephants បានតាមស្មើ ១-១ តាមការស៊ុតពិន័យ១១ម៉ែត្រដោយខ្សែប្រយុទ្ធសញ្ជាតិជប៉ុន Takumu Nishihra។

កន្លងទៅបានតែ៣នាទីទៀតប៉ុណ្ណោះ អ្នកចាំទី វីរៈ ដារ៉ា ត្រូវបានពិន័យកាតក្រហមបណ្តេញចេញពីទីលាន បន្ទាប់ពីបង្កកំហុសក្រៅប្រអប់គ្រោះថ្នាក់ ដូច្នេះអ្នកចាំទី អាំ សុវណ្ណារ៉ាត់ ត្រូវដូរចូលជំនួស គួច ដានី ដើម្បីចាំទីដែលមានគ្នាតែ១០នាក់ទល់នឹងម្ចាស់ផ្ទះមានគ្នា១១នាក់។
ការទាត់ពិន័យហ្វ្រីឃីកនៅនាទី៣៧របស់កីឡាករអ៊ូបេគីស្ថាន Shokhrukh ផុតដៃអ្នកចាំទីរបស់ព្រះខ័នរាជស្វាយរៀងចូលទីបានសម្រេចដើម្បីនាំមុខ ២-១ មុនពេលចប់វគ្គទី១។

ចូលវគ្គទី២ ព្រះខ័នរាជស្វាយរៀងនៅតែគ្របសង្កត់ និងសម្រុកខ្លាំងដដែល បើទោះជាមានគ្នាតែ១០នាក់។ អ្វីដែលកាន់តែអំណោយផលសម្រាប់ក្រុមភ្ញៀវទៀតនោះគឺអ្នកចាំទីរបស់ Young Elephants ត្រូវបានពិន័យកាតក្រហមដែរដើម្បីបណ្តេញចេញពីទីលាន បន្ទាប់ពីបង្កកំហុសនៅក្រៅប្រអប់គ្រោះថ្នាក់។
ការលេង១០នាក់ទល់១០នាក់ ព្រះខ័នរាជស្វាយរៀង រឹតតែវាយសម្រុកខ្លាំង ប៉ុន្តែអ្វីដែលកាន់តែអស្ចារ្យទៀតនោះគឺនៅពេលដូរ ញាណ សុស៊ីដាន និង មិន រតនៈ ចូលបានធ្វើឲ្យតំបន់ប្រយុទ្ធរបស់ព្រះខ័នរាជស្វាយរៀងកាន់តែរស់រវើក។ ជាពិសេសនៅស្លាបស្តាំគឺ សុស៊ីដាន បានក្រឡុកយ៉ាងខ្លាំងដែលបានផ្តល់ឲ្យរកបានគ្រាប់២គ្រាប់នៅចុងម៉ោងដោយខ្សែប្រយុទ្ធចំណូលថ្មីរបស់ Cristian ដើម្បីតាមស្មើ ២-២ និងគ្រាប់បាល់ជ័យជម្នះដោយ សុស៊ីដាន។
ការប្រកួតជើងទី២នៅសប្តាហ៍ក្រោយនៅពហុកីឡដ្ឋានជាតិ ក្នុងរាជធានីភ្នំពេញ ក្រុមទាំងពីរនឹងគ្មានអ្នកចាំទីដៃទី១ដូចគ្នា៕

អត្ថបទ៖ វីរបុត្រ

-
ព័ត៌មានអន្ដរជាតិ៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?