កីឡា

លោក Peter Koo ក្លាយជានាយកគ្រប់គ្រងក្រុមហ៊ុន ខេមបូឌានព្រីមៀរលីគ

បានផុស

២ ខែ មុន

នៅ

ថ្ងៃសុក្រ ១៩ កក្កដា ២០២៤

ដោយ

ក្រុមហ៊ុនខេមបូឌានព្រីមៀរលីគ (CPL) បានតែងតាំងលោក Peter Koo ដែលជាអគ្គលេខាធិការក្លិបកីឡាបាល់ទាត់ ឡាយហ្វ (Life FC) ជានាយកគ្រប់គ្រងទូទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Peter Koo ដែលជាអគ្គលេខាធិការក្លិបឡាយហ្វជាជនជាតិកូរ៉េបានមករស់នៅប្រទេសកម្ពុជាតាំងពីអាយុ២ឆ្នាំតាមរយៈឪពុកម្តាយជាអ្នកជំនួញ នៅខេត្តព្រះសីហនុ។

លោកបានរៀនសាលាបឋមសិក្សា និងវិទ្យាល័យនៅរាជធានីភ្នំពេញ ជាសាលាភាសាអង់គ្លេស មុនពេលចេញទៅសិក្សាថ្នាក់បរិញ្ញាបត្រ ជំនាញគ្រប់គ្រងកីឡា Sport Management នៅសហរដ្ឋអាមេរិក។ លោកបានបញ្ចប់ការសិក្សាថ្នាក់អនុបណ្ឌិតគ្រប់គ្រងពាណិជ្ជកម្ម (MBA) នៅសហរដ្ឋអាមេរិក។

លោកបានធ្វើការនៅផ្នែករដ្ឋបាលក្នុងក្រុមកីឡាបាល់ឱបនៅអាមេរិករយៈពេល១ឆ្នាំ។ លោកចេះនិយាយភាសាខ្មែរច្បាស់ យល់ដឹងពីរបៀបរស់នៅ និងវប្បធម៌ខ្មែរច្បាស់។ លោកមានចំណងចំណូលចិត្តកីឡាយ៉ាងខ្លាំង៕