កីឡា

ឆាប់ឡើងសំបុត្រទិញ៥ថែម២ សម្រាប់ព្រះខ័នរាជស្វាយរៀង ប៉ះ Young Elephants

បានផុស

២ ខែ មុន

នៅ

ថ្ងៃចន្ទ ២២ កក្កដា ២០២៤

ដោយ

ការប្រកួតជើងទី២រវាងក្លិបម្ចាស់ផ្ទះ ព្រះខ័នរាជស្វាយរៀង និង Young Elephants វគ្គជម្រុះពានរង្វាន់ ASEAN Club Championship ២០២៤-២៥ នឹងធ្វើនៅពហុកីឡដ្ឋានជាតិអូឡាំពិក ក្នុងរាជធានីភ្នំពេញ យប់ថ្ងៃទី២៤ ខែកក្កដា ឆ្នាំ២២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សំបុត្រចូលទស្សនាផ្ទាល់សម្រាប់ការប្រកួតជើងទី២នេះមាន២ប្រភេទគឺ ប្រភេទ១តម្លៃ១ម៉ឺនរៀល និងប្រភេទ២មានតម្លៃ៥ពាន់រៀល។ ដើម្បីឲ្យអ្នកគាំទ្រកាន់តែច្រើនចូលរួមទស្សនាផ្ទាក់សម្រាប់ការលើកទឹកចិត្តដល់ព្រះខ័នរាជស្វាយរៀង និងដើម្បីកីឡាបាល់ទាត់កម្ពុជា ម្ចាស់ផ្ទះព្រះខ័នរាជស្វាយរៀងបានផ្តល់ជូនពិសេសនូវសំបុត្រចូលទស្សនា។

ការផ្តល់ជូនពិសេសគឺ បងប្អូនទិញសំបុត្រ២ នឹងថែមជូន១ ខណៈទិញ៥សំបុត្រ នឹងថែមជូន២។ ការផ្តល់ជូននេះចាប់ពីថ្ងៃទី២០ ដល់ថ្ងៃទី២៣ ខែកក្កដា ឆ្នាំ២០២៤ ចាប់ពីម៉ោង៩ព្រឹក រហូតដល់ម៉ោង៦ល្ងាច នៅពហុកីឡដ្ឋានជាតិអូឡាំពិក។

សម្រាប់ក្រុមភ្ញៀវជាជើងឯកលីគឡាវ Young Elephants នឹងធ្វើដំណើរមកដល់ប្រទេសកម្ពុជាវេលាម៉ោង១រសៀល ថ្ងៃទី២២ ខែកក្កដា នេះហើយការធ្វើសន្និសីទសារព័ត៌មាននៅថ្ងៃទី២៣ ខែកក្កដា មុនពេលការប្រកួតនៅថ្ងៃទី២៤ ខែកក្កដា។

កាលពីជើងទី១នៅទឹកឡាវ ក្រុមភ្ញៀវព្រះខ័នរាជស្វាយរៀងបានយកឈ្នះ Young Elephants ដោយលទ្ធផល ២-៣ ខណៈអ្នកចាំទីរបស់ក្រុមទាំងពីរសុទ្ធតែត្រូវបានពិន័យកាតក្រហមបណ្តេញចេញពីលានទាំងពីរនាក់។ ដូច្នេះអ្នកចាំទីដៃទីពីររបស់ក្រុមទាំងពីរនឹងគ្មានវត្តមាននៅថ្ងៃទី២៤ ខែកក្កដានេះទេ៕